नातेवाईकाच्या अंत्यसंस्कारासाठी कुटुंब निघालं; क्रूझरला अपघात, दोघांचा जागीच मृत्यू

नांदेड: जिल्ह्यातील देगलूर तालुक्यातील देगाव येथील कुटुंब नांदेड येथे नातेवाईकाच्या अंत्यसंस्कारासाठी जात असताना त्यांच्या कारला अपघात झाला. भरधाव क्रूझरचा टायर फुटून झालेल्या अपघातात २ जण ठार तर ८ जण जखमी झाल्याची घटना गुरुवारी सायंकाळी पाच वाजता घडली आहे. नांदेड जिल्ह्यातील कुष्णुर जवळ, नांदेड-हैदराबाद महामार्गावर हा अपघात घडला.

नांदेड जिल्ह्यातील देगलूर तालुक्यातील देगाव या गावातून एकूण दहाजण नातेवाईकाच्या अंत्यसंस्कारासाठी क्रूझर गाडीतून नांदेडकडे येत होते. कुष्णुर जवळ गाडीचा टायर फुटून क्रूझर उलटली. गाडीचा वेग अतिशय जास्त होता. या अपघातात दोघांचा जागीच मृत्यू झाला. तर अन्य आठ जण जखमी झाले आहेत. अमदवी शेख खुलतावी आणि महेबूब शेख अशी मृतांची नावे आहेत. दरम्यान जखमींना नांदेड आणि नायगाव येथील शासकीय रुग्णालयात उपचारासाठी दाखल करण्यात आले आहे.
आता १० हजार देते, ५० नंतर; पण माझा मुलगा संपला पाहिजे! आईनंच दिली मुलाच्या हत्येची सुपारी
देगलूर तालुक्यातील देगाव येथून प्रवासी घेऊन नांदेडकडे येणाऱ्या क्रूझर जीपचा टायर फुटून कृष्णूरजवळ गुरुवारी सायंकाळी पाचच्या सुमारास भीषण अपघात झाला. या अपघातात दोन जण जागेवरच ठार झाले असून आठ गंभीर जखमी झाले आहेत. अपघात होताच नागरिकांनी धावपळ करून जखमींना मदत केली.

देगलूर तालुक्यातील देगाव येथून आणि इतर ठिकाणाहून प्रवासी घेऊन क्रूझर जीप गुरुवारी नांदेडकडे निघाली. भरधाव वेगात निघालेली क्रूझर सायंकाळी पाचच्या सुमारास कृष्णूरजवळ अपघातग्रस्त झाली. भरधाव वेगात असलेल्या क्रूझरचा टायर फुटून क्रूझर रस्त्यालगतच्या खड्ड्यांमध्ये जाऊन उलटली. या अपघातात दोघांचा जागेवरच मृत्यू झाला तर अन्य आठ प्रवासी जखमी झाल्याची प्राथमिक माहिती मिळाली आहे.
माझ्या जीवावर मजा मारली, केस स्ट्रेटनिंग केले! प्रेयसीमुळे कर्जबाजारी तरुणाचं टोकाचं पाऊल

मृत्यमुखी पडलेल्यांमध्ये आमदबी शे. खुलताबी (वय ५०, रा.देगाव), मेहबूब बाबूशेख (वय ४५, रा.गोजेगाव मुक्रमाबाद) यांचा समावेश आहे. अपघात होताच जखमी प्रवाशांनी आक्रोश केला. त्यावेळी आजूबाजूला असलेल्या नागरिकांनी अपघातग्रस्त क्रूझर जीपकडे धाव घेऊन जखमींना बाहेर काढले. अपघाताची माहिती पोलिसांना दिल्यानंतर जखमींना नांदेड येथील शासकीय रुग्णालयात पाठविण्यात आले.

घटनास्थळी पोलीस उपनिरीक्षक पुरी यांनी भेट देऊन पाहणी केली. अपघातात मृत्यूमुखी पडलेले दोघे एकाच कुटुंबातील असल्याचे समजते. मागील काही महिन्यांपासून नायगाव, कुंटूर, रामतीर्थ, कृष्णूर, नरसी या भागांमधून प्रवाशांची अवैध वाहतूक करणाऱ्या वाहनांची संख्या वाढली आहे. रस्त्यावर थांबलेल्या प्रवाशांना घेण्याच्या चढाओढीत वेगमर्यादा ओलांडून ही वाहने चालवली जात आहेत. यातूनच अनेक गंभीर अपघात होत आहेत. देगाव येथून निघालेली क्रूझरदेखील भरधाव वेगात होती. टायर फुटल्यानंतर चालकाचे नियंत्रण सुटल्यामुळे हा भीषण अपघात झाला असावा अशी शक्यता व्यक्त होत आहे.