खासगी ट्रॅव्हल्स आणि टेम्पोची समोरासमोर धडक; भीषण अपघातात ३ जण ठार, १७ जखमी

शहादा : नंदुरबार जिल्ह्यातील शहादा शहरात बायपास रस्त्यावर खासगी ट्रॅव्हल्स आणि आयशर टेम्पो यांची जोरदार धडक झाली आहे. या भीषण अपघातात तीन जण ठार झाले असून १७ जण गंभीर जखमी झाले आहेत.

मिळालेल्या माहितीनुसार, शहादा शहरातील बायपास रस्त्यावर असणाऱ्या नवीन बस स्थानकाजवळ हा अपघात झाला आहे. आयशर टेम्पोमधील मजूर हे ऊसतोडणीसाठी सांगलीकडे जात असल्याची प्राथमिक माहिती आहे. तर खासगी ट्रॅव्हल्समध्येही मजूर प्रवास करत होते. सदर मजूर कामासाठी गुजरातकडे जात होते. मात्र शहाद्यात टेम्पो आणि खासगी ट्रॅव्हल्सची समारोसमोर धडक झाल्याने भीषण अपघात झाला.

राज्यातील ७६७५ ग्रामपंचायतींवर प्रशासक येणार, निवडणुकीचा धुरळा लांबणीवर, निवडणूक आयोगाचा मोठा निर्णय

दरम्यान, घटनेची माहिती मिळताच शहादा पोलिसांचं पथक घटनास्थळी दाखल झाले असून तातडीने मदतकार्य सुरू करण्यात आलं आहे. अपघात जखमी झालेल्या १७ जणांना रुग्णालयात दाखल करण्यात असून सध्या त्यांच्यावर उपचार सुरू आहेत.