मालेगाव : शहरात रविवारी यंत्रमाग सुरू झाल्याने दिलासा मिळाला, तर दुसरीकडे शहरात करोनामुळे पुन्हा सहा जणांच्या मृत्यूची नोंद झाली. मृत्यूपश्चात त्यांचे अहवाल प्राप्त झाले आहेत. तसेच शनिवारी एकही रुग्ण आढळला नव्हता. मात्र, रविवारी सायंकाळी सातपर्यंत १४ रुग्णांची भर पडल्याने चिंता वाढली आहे, तर गेल्या तीन दिवसांत ११ मृत्यू झाले आहेत. शहरात शुक्रवारी पाच, तर रविवारी पुन्हा सहा नव्या मृत्यूची नोंद झाल्याने मृतांचा आकडा ५८ पर्यंत गेला आहे. गोल्डननगर, हुडको, नयापुरा, दातारनगर, गुलशन इब्राहीमनगर व इस्लामपुरा भागातील हे रुग्ण होते.
मालेगावात तीन दिवसांत ११ मृत्यू
शहरात रविवारी यंत्रमाग सुरू झाल्याने दिलासा मिळाला, तर दुसरीकडे शहरात करोनामुळे पुन्हा सहा जणांच्या मृत्यूची नोंद झाली...
महाराष्ट्र टाइम्स.कॉम 1 Jun 2020, 4:00 am