म. टा. वृत्तसेवा, कळवण
कळवण-नाशिक मार्गावरील गोबापूर गावाजवळ करोना प्रतिबंधक कोव्हॅक्सिन लशीचे भरलेले १४ व्हायल रस्त्यावर बेवारस पडलेल्या अवस्थेत आढळून आल्याने खळबळ उडाली आहे.
एकीकडे करोना लसीकरणाचा तुटवडा जाणवत असताना दुसरीकडे मात्र कोव्हॅक्सिन लशीचे भरलेले १४ व्हायल रस्त्यावर आढळून आले आहेत. कळवणहून वणीकडे जात असताना कल्पेश विजय जेठार यांना रस्त्यावर कोव्हॅक्सिनचे व्हायल बेवारस पडलेल्या अवस्थेत दिसून आले. तेव्हा त्यांनी सर्व व्हायल घेऊन कळवण तालुक्यातील गोबापूर येथील एका आशासेविकांकडे दिल्या. त्यांनी त्या नांदुरी आरोग्यकेंद्रला जमा केल्या. त्यानंतर अधिक तपासासाठी नाशिक येथे पाठविल्याचे वैद्यकीय सूत्रांकडून सांगण्यात आले. या व्हायल नेमक्या कुठून आल्यात, काळाबाजाराचा तर प्रकार नाही ना असे प्रश्न सामान्यांकडून केले जात आहेत. या व्हायलबाबत आरोग्ययंत्रणा व प्रशासन काय भूमिका घेईल हे बघणे आता महत्त्वाचे असणार आहे. या प्रकरणी आरोग्ययंत्रणेच्या कामकाजावर ताशेरे ओढले जात असून, वरिष्ठ पातळीवर कसोशीने तपास होणे गरजेचे असल्याचे मत नागरिकांनी व्यक्त केले आहे.
कळवण-नाशिक मार्गावरील गोबापूर गावाजवळ करोना प्रतिबंधक कोव्हॅक्सिन लशीचे भरलेले १४ व्हायल रस्त्यावर बेवारस पडलेल्या अवस्थेत आढळून आल्याने खळबळ उडाली आहे.
एकीकडे करोना लसीकरणाचा तुटवडा जाणवत असताना दुसरीकडे मात्र कोव्हॅक्सिन लशीचे भरलेले १४ व्हायल रस्त्यावर आढळून आले आहेत. कळवणहून वणीकडे जात असताना कल्पेश विजय जेठार यांना रस्त्यावर कोव्हॅक्सिनचे व्हायल बेवारस पडलेल्या अवस्थेत दिसून आले. तेव्हा त्यांनी सर्व व्हायल घेऊन कळवण तालुक्यातील गोबापूर येथील एका आशासेविकांकडे दिल्या. त्यांनी त्या नांदुरी आरोग्यकेंद्रला जमा केल्या. त्यानंतर अधिक तपासासाठी नाशिक येथे पाठविल्याचे वैद्यकीय सूत्रांकडून सांगण्यात आले. या व्हायल नेमक्या कुठून आल्यात, काळाबाजाराचा तर प्रकार नाही ना असे प्रश्न सामान्यांकडून केले जात आहेत. या व्हायलबाबत आरोग्ययंत्रणा व प्रशासन काय भूमिका घेईल हे बघणे आता महत्त्वाचे असणार आहे. या प्रकरणी आरोग्ययंत्रणेच्या कामकाजावर ताशेरे ओढले जात असून, वरिष्ठ पातळीवर कसोशीने तपास होणे गरजेचे असल्याचे मत नागरिकांनी व्यक्त केले आहे.