नाशिक : शहरातील सर्व झोपडपट्टी परिसरात मंगळवारी मध्यरात्री कोम्बिंग ऑपरेशन करून पोलिसांनी १५९ जणांना ताब्यात घेतले. पोलिस मुख्यालयातील बराक १७ मध्ये ओळख परेड घेऊन संबंधितांची छायाचित्रे, सध्या ते कोठे राहतात, काय करतात यांसारखी माहिती अद्ययावत करण्यात आली आहे. शहरात सातत्याने गुन्हेगारी घटना घडत आहेत. घरफोडी, चेनस्नॅचिंग, चोरी, जबरी चोरी, वाहनचोरी इतकेच नव्हे तर हाणामाऱ्या, खून, खुनाचा प्रयत्न यांसारखे गुन्हे वाढतच आहेत. या पार्श्वभूमीवर पोलीस आयुक्त डॉ. रवींद्रकुमार सिंगल यांनी मंगळवारी मध्यरात्री कोम्बिंग ऑपरेशन राबविले. कारवाईत पोलिस उपायुक्त लक्ष्मीकांत पाटील, विजयकुमार मगर, श्रीकृष्ण कोकाटे यांसह सर्व सहायक पोलिस आयुक्त, पोलिस निरीक्षक, गुन्हे शोध पथकाचे अधिकारी, कर्मचारी सहभागी होते.
कोम्बिंग ऑपरेशनमध्ये १५९ जण ताब्यात
शहरातील सर्व झोपडपट्टी परिसरात मंगळवारी मध्यरात्री कोम्बिंग ऑपरेशन करून पोलिसांनी १५९ जणांना ताब्यात घेतले...
Maharashtra Times 15 Nov 2018, 4:00 am