म. टा. खास प्रतिनिधी, नाशिक
तरुण वयात तिला मधुमेह झाला. यकृतही निकामी झाले. चार दिवसांपासून ती मृत्यूशी झुंज देत होती. परंतु तिचा हा संघर्ष अयशस्वी ठरला. रविवारी रात्री तिचा मृत्यू झाला, पण हाय रे दैव तिच्या कुटुंबाकडील पैसे संपले. मुलीला घेऊन गावी जायचे कसे, असा प्रश्न त्यांच्यापुढे निर्माण झाला. टेलिफोन ऑपरेटर उज्ज्वला कराड यांनी त्यांची घालमेल ओळखली. तत्काळ मदतीसाठी धावाधाव करून तिची पालघरला गावी जाण्याची व्यवस्था करून दिली. या कुटुंबानेच नाही, तर आदिवासी बांधवांनीही कराड यांना धन्यवाद दिले.
माया नामदेव भोये (वय २०) ही युवती पालघर जिल्ह्यातील मोखाडा येथील रहिवासी. तिला मधुमेह होता. त्याचबरोबर तिला यकृताच्या दुखण्याचाही त्रास होता. परिस्थिती हातावरची असल्याने भोये कुटुंबीय मायाला उपचारासाठी नाशिकमध्ये घेऊन आले. सिव्हिल हॉस्पिटलमधील अतिदक्षता विभागात १ एप्रिलला दाखल करण्यात आले. उपचार सुरू असले तरी शरीर त्यास प्रतिसाद देत नव्हते. अखेर तिची रविवारी मृत्यूशी झुंज अपयशी ठरली. तिच्या आईवडिलांना शोक अनावर झाला. हॉस्पिटलमधील डॉक्टर व परिचारिकांनी मुलीचा मृतदेह घेऊन जाण्यास सांगितले. भोये कुटुंबीयांकडील पैसे संपले होते. मृतदेह कसा घेऊन जायचा असा प्रश्न त्यांच्यापुढे निर्माण झाला. हॉस्पिटलच्या दर्शनी भागात कर्तव्यावर असलेल्या उज्ज्वला कराड यांनी मायाच्या आईला रडताना पाहिले. त्यांच्या जवळ जाऊन विचारपूस केली. मुलीचा मृतदेह मोखाडा तालुक्यात घेऊन जाण्यासाठी पैसे नसल्याची कैफियत त्यांनी मांडली. कराड यांनी काही रुग्णवाहिकाचालकांशी संवाद साधून मदत मागितली. परंतु त्यांनी साडेपाच हजार रुपये खर्च सांगितला. एवढे पैसे देणे कराड यांनाही शक्य झाले नाही. काही जैन महिला अशा गरजूंना मदत करीत असतात. कराड या टेलिफोन ऑपरेटर असल्याने त्यांनी या महिलांशी संपर्क साधण्याचा प्रयत्न केला. परंतु त्यांचा संपर्क होईना. अखेर विक्रमगड मतदारसंघाचे आमदार सुनील भुसारा यांच्याशी त्यांनी संपर्क साधला. आदिवासी बांधवासाठी कराड करीत असलेल्या धडपडीचे त्यांना अप्रूप वाटले. त्यांनी तत्काळ मदतीची ग्वाही दिली. तुम्ही रुग्णवाहिका पाठवा, मी त्यांना पैसे देतो अशी ग्वाही दिली. रात्री उशिरा हा मृतदेह त्यांच्या गावी पोहोच करण्यात आला.
मृत मुलीची आई पैशांअभावी हताशपणे रडत असल्याचे पहावले नाही. त्यांना मदत करणे माझे कर्तव्य होते. म्हणून शक्य ते प्रयत्न करून त्यांना मदत मिळवून दिली.
- उज्ज्वला कराड, कर्मचारी, सिव्हिल हॉस्पिटल
तरुण वयात तिला मधुमेह झाला. यकृतही निकामी झाले. चार दिवसांपासून ती मृत्यूशी झुंज देत होती. परंतु तिचा हा संघर्ष अयशस्वी ठरला. रविवारी रात्री तिचा मृत्यू झाला, पण हाय रे दैव तिच्या कुटुंबाकडील पैसे संपले. मुलीला घेऊन गावी जायचे कसे, असा प्रश्न त्यांच्यापुढे निर्माण झाला. टेलिफोन ऑपरेटर उज्ज्वला कराड यांनी त्यांची घालमेल ओळखली. तत्काळ मदतीसाठी धावाधाव करून तिची पालघरला गावी जाण्याची व्यवस्था करून दिली. या कुटुंबानेच नाही, तर आदिवासी बांधवांनीही कराड यांना धन्यवाद दिले.
माया नामदेव भोये (वय २०) ही युवती पालघर जिल्ह्यातील मोखाडा येथील रहिवासी. तिला मधुमेह होता. त्याचबरोबर तिला यकृताच्या दुखण्याचाही त्रास होता. परिस्थिती हातावरची असल्याने भोये कुटुंबीय मायाला उपचारासाठी नाशिकमध्ये घेऊन आले. सिव्हिल हॉस्पिटलमधील अतिदक्षता विभागात १ एप्रिलला दाखल करण्यात आले. उपचार सुरू असले तरी शरीर त्यास प्रतिसाद देत नव्हते. अखेर तिची रविवारी मृत्यूशी झुंज अपयशी ठरली. तिच्या आईवडिलांना शोक अनावर झाला. हॉस्पिटलमधील डॉक्टर व परिचारिकांनी मुलीचा मृतदेह घेऊन जाण्यास सांगितले. भोये कुटुंबीयांकडील पैसे संपले होते. मृतदेह कसा घेऊन जायचा असा प्रश्न त्यांच्यापुढे निर्माण झाला. हॉस्पिटलच्या दर्शनी भागात कर्तव्यावर असलेल्या उज्ज्वला कराड यांनी मायाच्या आईला रडताना पाहिले. त्यांच्या जवळ जाऊन विचारपूस केली. मुलीचा मृतदेह मोखाडा तालुक्यात घेऊन जाण्यासाठी पैसे नसल्याची कैफियत त्यांनी मांडली. कराड यांनी काही रुग्णवाहिकाचालकांशी संवाद साधून मदत मागितली. परंतु त्यांनी साडेपाच हजार रुपये खर्च सांगितला. एवढे पैसे देणे कराड यांनाही शक्य झाले नाही. काही जैन महिला अशा गरजूंना मदत करीत असतात. कराड या टेलिफोन ऑपरेटर असल्याने त्यांनी या महिलांशी संपर्क साधण्याचा प्रयत्न केला. परंतु त्यांचा संपर्क होईना. अखेर विक्रमगड मतदारसंघाचे आमदार सुनील भुसारा यांच्याशी त्यांनी संपर्क साधला. आदिवासी बांधवासाठी कराड करीत असलेल्या धडपडीचे त्यांना अप्रूप वाटले. त्यांनी तत्काळ मदतीची ग्वाही दिली. तुम्ही रुग्णवाहिका पाठवा, मी त्यांना पैसे देतो अशी ग्वाही दिली. रात्री उशिरा हा मृतदेह त्यांच्या गावी पोहोच करण्यात आला.
मृत मुलीची आई पैशांअभावी हताशपणे रडत असल्याचे पहावले नाही. त्यांना मदत करणे माझे कर्तव्य होते. म्हणून शक्य ते प्रयत्न करून त्यांना मदत मिळवून दिली.
- उज्ज्वला कराड, कर्मचारी, सिव्हिल हॉस्पिटल