२२ अभियंत्यांच्या बदल्या
महापालिका आयुक्त तुकाराम मुंढेंनी प्रशासकीय कामकाजाला गती देण्यासह शिस्त लागण्यासाठी आता बदलीसत्र सुरू केले असून, गुरुवारी एकाच दिवशी २२ अभियंत्यांच्या बदल्या केल्या आहेत. बदली केलेल्या सर्व २२ अभियंत्यांना तातडीने बदलीच्या ठिकाणी हजर होण्याचे आदेश देण्यात आले आहेत.
Maharashtra Times 25 May 2018, 10:44 am
म. टा. खास प्रतिनिधी, नाशिक
महापालिका आयुक्त तुकाराम मुंढेंनी प्रशासकीय कामकाजाला गती देण्यासह शिस्त लागण्यासाठी आता बदलीसत्र सुरू केले असून, गुरुवारी एकाच दिवशी २२ अभियंत्यांच्या बदल्या केल्या आहेत. बदली केलेल्या सर्व २२ अभियंत्यांना तातडीने बदलीच्या ठिकाणी हजर होण्याचे आदेश देण्यात आले आहेत. प्रभारी शहर अभियंता संजय घुगेंकडे सार्वजनिक आरोग्य व अभियांत्रिकी विभाग सोपवण्यात आला आहे, तर पाणीपुरवठा विभागाची दोन विभागांत फोडणी करीत स्वतंत्र दोन विभाग करण्यात आले आहेत.
महापालिकेत मोठ्या प्रमाणावर खांदेपालटाला आयुक्त मुंढेंनी सुरुवात केली आहे. त्यांनी गुरुवारी महापालिकेतील २२ अभियंत्यांच्या एका झटक्यात बदल्या करून मोठा दणका दिला आहे. पाणीपुरवठा विभागाचे कार्यकारी अभियंता उदय धर्माधिकारी यांची बदली नगररचना विभागात करण्यात आली आहे. प्रभारी शहर अभियंता घुगे यांच्याकडे सार्वजनिक आरोग्य अभियांत्रिकी विभाग सोपविण्यात आला आहे. शिवाजी चव्हाणके यांच्याकडे पंचवटी, पूर्व व नाशिकरोड विभाग पाणीपुरवठा, तर नगररचना विभागाचे कार्यकारी अभियंता पांडुरंग चव्हाण यांच्याकडे पश्चिम, सिडको व सातपूर पाणीपुरवठा विभागाचा कार्यभार देण्यात आला आहे. बांधकाम विभागाचे कार्यकारी अभियंता रामसिंग गांगुर्डे यांच्याकडे नाशिकरोड, सिडको व सातपूर बांधकाम विभाग सोपविण्यात आला आहे. प्रशांत पगार यांची बदली ट्रॅफिक सेलमध्ये करण्यात आली आहे.
महापालिका आयुक्त तुकाराम मुंढेंनी प्रशासकीय कामकाजाला गती देण्यासह शिस्त लागण्यासाठी आता बदलीसत्र सुरू केले असून, गुरुवारी एकाच दिवशी २२ अभियंत्यांच्या बदल्या केल्या आहेत. बदली केलेल्या सर्व २२ अभियंत्यांना तातडीने बदलीच्या ठिकाणी हजर होण्याचे आदेश देण्यात आले आहेत. प्रभारी शहर अभियंता संजय घुगेंकडे सार्वजनिक आरोग्य व अभियांत्रिकी विभाग सोपवण्यात आला आहे, तर पाणीपुरवठा विभागाची दोन विभागांत फोडणी करीत स्वतंत्र दोन विभाग करण्यात आले आहेत.
महापालिकेत मोठ्या प्रमाणावर खांदेपालटाला आयुक्त मुंढेंनी सुरुवात केली आहे. त्यांनी गुरुवारी महापालिकेतील २२ अभियंत्यांच्या एका झटक्यात बदल्या करून मोठा दणका दिला आहे. पाणीपुरवठा विभागाचे कार्यकारी अभियंता उदय धर्माधिकारी यांची बदली नगररचना विभागात करण्यात आली आहे. प्रभारी शहर अभियंता घुगे यांच्याकडे सार्वजनिक आरोग्य अभियांत्रिकी विभाग सोपविण्यात आला आहे. शिवाजी चव्हाणके यांच्याकडे पंचवटी, पूर्व व नाशिकरोड विभाग पाणीपुरवठा, तर नगररचना विभागाचे कार्यकारी अभियंता पांडुरंग चव्हाण यांच्याकडे पश्चिम, सिडको व सातपूर पाणीपुरवठा विभागाचा कार्यभार देण्यात आला आहे. बांधकाम विभागाचे कार्यकारी अभियंता रामसिंग गांगुर्डे यांच्याकडे नाशिकरोड, सिडको व सातपूर बांधकाम विभाग सोपविण्यात आला आहे. प्रशांत पगार यांची बदली ट्रॅफिक सेलमध्ये करण्यात आली आहे.