नवनाथ वाघचौरे, नाशिकरोड
पाकिस्तानमधून भारतात आईवडिलांच्या शोधात आलेली 'गीता' नावाची तीस वर्षीय मुलगी बुधवारी नाशिकला पोहोचली. मूकबधिर असलेल्या गीताच्या कुटुंबाचा शोध घेतला जात असताना एकलहरे येथील रमेश सोळसे या व्यक्तीने गीता आपलीच मुलगी असल्याचा दावा केल्याने गीताची तिच्या कुटुंबाशी भेट होण्याची शक्यता निर्माण झाली आहे. लहानपणी आपली पत्नी शोभा हिने गीताला नाशिकरोड येथे रेल्वेत सोडून दिल्याचा दावा सोळसे यांनी केल्याने या प्रकरणाचे कुतूहल आणखी वाढले आहे. पाकिस्तानमधून मायदेशी आलेल्या गीताला गोदेच्या कुशीत आईवडिलांची माया मिळेल की नाही, याची उत्सुकता आज संपणार आहे.
सुमारे तीस वर्षांपूर्वी भारतातून पाकिस्तानात जाणाऱ्या समझौता एक्स्प्रेस गाडीत गीता ही चिमुकली पाकिस्तानी रेंजर्सला आढळली होती. तत्कालीन परराष्ट्रमंत्री सुषमा स्वराज यांच्या प्रयत्नातून गीता २६ ऑक्टोबर २०१५ मध्ये पुन्हा भारतात आली. तेव्हापासून गीताच्या कुटुंबाचा शोध घेऊन तिला तिच्या कुटुंबाच्या स्वाधीन करण्याचे प्रयत्न सुरू आहेत. सध्या गीता मध्य प्रदेशमधील इंदूर येथील आनंदसेवा सोसायटीच्या ताब्यात आहे. गीता मूकबधिर असल्याने ती करीत असलेल्या खाणाखुणांच्या आधारे तिचे कुटुंब रेल्वे स्टेशनजवळ राहत असल्याचा अंदाज आहे. याशिवाय तिच्या घराच्या परिसरात नदी आणि मंदिरासह ऊस, भुईमुगाचे पीक आहे. बुधवारी नाशिकला येण्यापूर्वी गीताने मराठवाड्यातील औरंगाबाद आणि नांदेड जिल्ह्यात कुटुंबाचा शोध घेण्याचा प्रयत्न केला. त्यानंतर गीता तिच्यासोबतच्या पथकासह नाशिकला आली.
आज तांदूळवाडीला देणार भेट
एकलहरे भागात गीताच्या पालकांचा शोध घेण्याचे काम सुरू असताना एकलहरे येथील सोळसे या व्यक्तीने गीता आपली कन्या असल्याचा दावा गीतासोबतच्या पथकाकडे केल्याने हे पथक नाशिकरोड पोलिस ठाण्यात आले. या वेळी नाशिकरोड पोलिस ठाण्याचे वरिष्ठ निरीक्षक सुरज बिजली यांनी सोळसे यांची भूमिका समजावून घेतली. रमेश सोळसे यांच्या दाव्यानुसार, गीता ही आपली मुलगी असून, तिला लहानपणीच तिच्या आईने नाशिकरोड येथे रेल्वेत सोडून दिले होते. त्यानंतर शोभा नावाच्या गीताच्या आईने दुसरा विवाह केला. आता सध्या शोभा येवला-मनमाड रोडवरील तांदूळवाडी येथे वास्तव्यास आहेत. त्यामुळे आज गुरुवारी गीताला तांदूळवाडी येथे नेण्यात येणार आहे. रमेश सोळसे यांनी यापूर्वीही गीता आपली कन्या असल्याचा दावा केला होता. मात्र, त्यांच्या डीएनए जुळला नव्हता. आता त्यांनी तिच्या आईच्या डीएनएशी गीताचा डीएनए अहवाल पडताळून बघण्याची विनंती केल्याची माहिती पोलिस निरीक्षक बिजली यांनी दिली.
पाकिस्तानमधून भारतात आईवडिलांच्या शोधात आलेली 'गीता' नावाची तीस वर्षीय मुलगी बुधवारी नाशिकला पोहोचली. मूकबधिर असलेल्या गीताच्या कुटुंबाचा शोध घेतला जात असताना एकलहरे येथील रमेश सोळसे या व्यक्तीने गीता आपलीच मुलगी असल्याचा दावा केल्याने गीताची तिच्या कुटुंबाशी भेट होण्याची शक्यता निर्माण झाली आहे. लहानपणी आपली पत्नी शोभा हिने गीताला नाशिकरोड येथे रेल्वेत सोडून दिल्याचा दावा सोळसे यांनी केल्याने या प्रकरणाचे कुतूहल आणखी वाढले आहे. पाकिस्तानमधून मायदेशी आलेल्या गीताला गोदेच्या कुशीत आईवडिलांची माया मिळेल की नाही, याची उत्सुकता आज संपणार आहे.
सुमारे तीस वर्षांपूर्वी भारतातून पाकिस्तानात जाणाऱ्या समझौता एक्स्प्रेस गाडीत गीता ही चिमुकली पाकिस्तानी रेंजर्सला आढळली होती. तत्कालीन परराष्ट्रमंत्री सुषमा स्वराज यांच्या प्रयत्नातून गीता २६ ऑक्टोबर २०१५ मध्ये पुन्हा भारतात आली. तेव्हापासून गीताच्या कुटुंबाचा शोध घेऊन तिला तिच्या कुटुंबाच्या स्वाधीन करण्याचे प्रयत्न सुरू आहेत. सध्या गीता मध्य प्रदेशमधील इंदूर येथील आनंदसेवा सोसायटीच्या ताब्यात आहे. गीता मूकबधिर असल्याने ती करीत असलेल्या खाणाखुणांच्या आधारे तिचे कुटुंब रेल्वे स्टेशनजवळ राहत असल्याचा अंदाज आहे. याशिवाय तिच्या घराच्या परिसरात नदी आणि मंदिरासह ऊस, भुईमुगाचे पीक आहे. बुधवारी नाशिकला येण्यापूर्वी गीताने मराठवाड्यातील औरंगाबाद आणि नांदेड जिल्ह्यात कुटुंबाचा शोध घेण्याचा प्रयत्न केला. त्यानंतर गीता तिच्यासोबतच्या पथकासह नाशिकला आली.
आज तांदूळवाडीला देणार भेट
एकलहरे भागात गीताच्या पालकांचा शोध घेण्याचे काम सुरू असताना एकलहरे येथील सोळसे या व्यक्तीने गीता आपली कन्या असल्याचा दावा गीतासोबतच्या पथकाकडे केल्याने हे पथक नाशिकरोड पोलिस ठाण्यात आले. या वेळी नाशिकरोड पोलिस ठाण्याचे वरिष्ठ निरीक्षक सुरज बिजली यांनी सोळसे यांची भूमिका समजावून घेतली. रमेश सोळसे यांच्या दाव्यानुसार, गीता ही आपली मुलगी असून, तिला लहानपणीच तिच्या आईने नाशिकरोड येथे रेल्वेत सोडून दिले होते. त्यानंतर शोभा नावाच्या गीताच्या आईने दुसरा विवाह केला. आता सध्या शोभा येवला-मनमाड रोडवरील तांदूळवाडी येथे वास्तव्यास आहेत. त्यामुळे आज गुरुवारी गीताला तांदूळवाडी येथे नेण्यात येणार आहे. रमेश सोळसे यांनी यापूर्वीही गीता आपली कन्या असल्याचा दावा केला होता. मात्र, त्यांच्या डीएनए जुळला नव्हता. आता त्यांनी तिच्या आईच्या डीएनएशी गीताचा डीएनए अहवाल पडताळून बघण्याची विनंती केल्याची माहिती पोलिस निरीक्षक बिजली यांनी दिली.