म. टा. वृत्तसेवा, सिन्नर फाटा
प्रवासीसंख्येत दिवसेंदिवस मोठ्या प्रमाणात घट होत असल्याने तोट्यात सुरू असलेल्या शहर बससेवेच्या गेल्या आठवडाभरात नाशिकरोड बस स्थानकातून सुटणाऱ्या सुमारे ७०९ फेऱ्या बंद करण्यात आल्या आहेत. राज्य परिवहन मंडळाच्या स्थानिक प्रशासनाने अचानक हा निर्णय घेतल्यानंतर येथील बससेवेवर परिणाम झाला असून, प्रवाशांच्या गैरसोयीत वाढ झाली आहे. लालपरीला अचानक सक्तीच्या रजेवर पाठविण्यात आल्याने खासगी प्रवासी वाहतुकीला मात्र चांगलीच गती मिळाली आहे.
नाशिकरोड बसस्थानक शहरातील एक प्रमुख स्थानक आहे. जवळच रेल्वेस्थानक असल्याने येथे दिवस-रात्र प्रवाशांची वर्दळ असते. या बसस्थानकातून शहर बससेवेच्या दररोज ५२९, तर ग्रामीण बसेसच्या ३३० फेऱ्या होतात. ग्रामीण बससेवेच्या ७० बसफेऱ्या वाढल्या आहेत. मात्र, गेल्या काही वर्षांपासून लालपरी तोट्यात गेल्याने त्याचा परिणाम येथील बससेवेवरही झाला आहे.
प्रमुख मार्गांवर कपात
नाशिकरोड बस स्थानकातून अंबड, सातपूर, श्रमिकनगर, उत्तमनगर, एकलहरे आणि पंचवटी या प्रमुख मार्गांवरील शहर बससेवेच्या फेऱ्यांत मोठी कपात करण्यात आली आहे. परिणामी या मार्गांवरील लालपरीची वर्दळ कमी झाली आहे. या मार्गांवरील दिवसाकाठी सरासरी सुमारे १०० बसफेऱ्या कमी करण्यात आल्या आहेत.
शालेय सुटीचा परिणाम
शाळांना सुरू असलेल्या उन्हाळी सुट्यांमुळे नाशिकरोड बस स्थानकातून मोठ्या संख्येने बसफेऱ्या घटविण्यात आल्याचे परिवहन महामंडळाच्या अधिकाऱ्यांनी सांगितले. जून महिन्यात शाळा सुरू झाल्यावर या बसफेऱ्या पुन्हा पूर्ववत केल्या जाणार आहेत.
प्रवाशांची गैरसोय
शहर बससेवेच्या फेऱ्यांत मोठी कपात करण्यात आल्याने प्रवाशांना बसथांब्यांवर बसेससाठी मोठी प्रतीक्षा करावी लागत असल्याचे दिसून येत आहे. काही प्रवाशांकडून बसस्थानकातील वाहतूक नियंत्रकांशी वाद घालून संताप व्यक्त केल्याच्या घटनाही वारंवार घडत आहेत. बसेसअभावी असंख्य प्रवाशांना नाईलाजाने खासगी रिक्षा किंवा टॅक्सीने प्रवास करावा लागत आहे.
खासगी वाहनांची संख्या वाढल्याने सार्वजनिक बससेवेच्या प्रवाशांत घट आली आहे. अवैध प्रवासी वाहतूकही एसटीच्या तोट्यास कारणीभूत ठरत आहे. सध्या शाळांना सुटी असल्याने शहर बसफेऱ्यांची संख्या कमी करण्यात आली आहे.
-एस. ई. सोनवणे, वाहतूक नियंत्रक, नाशिकरोड बसस्थानक
गेल्या आठवड्यात बंद केलेल्या फेऱ्या
दिनांक बंद बसफेऱ्या
११ मे ७६
१२ मे ७५
१३ मे ९०
१४ मे १३८
१५ मे ९१
१६ मे १२१
१७ मे ११८
एकूण ७०९
प्रवासीसंख्येत दिवसेंदिवस मोठ्या प्रमाणात घट होत असल्याने तोट्यात सुरू असलेल्या शहर बससेवेच्या गेल्या आठवडाभरात नाशिकरोड बस स्थानकातून सुटणाऱ्या सुमारे ७०९ फेऱ्या बंद करण्यात आल्या आहेत. राज्य परिवहन मंडळाच्या स्थानिक प्रशासनाने अचानक हा निर्णय घेतल्यानंतर येथील बससेवेवर परिणाम झाला असून, प्रवाशांच्या गैरसोयीत वाढ झाली आहे. लालपरीला अचानक सक्तीच्या रजेवर पाठविण्यात आल्याने खासगी प्रवासी वाहतुकीला मात्र चांगलीच गती मिळाली आहे.
नाशिकरोड बसस्थानक शहरातील एक प्रमुख स्थानक आहे. जवळच रेल्वेस्थानक असल्याने येथे दिवस-रात्र प्रवाशांची वर्दळ असते. या बसस्थानकातून शहर बससेवेच्या दररोज ५२९, तर ग्रामीण बसेसच्या ३३० फेऱ्या होतात. ग्रामीण बससेवेच्या ७० बसफेऱ्या वाढल्या आहेत. मात्र, गेल्या काही वर्षांपासून लालपरी तोट्यात गेल्याने त्याचा परिणाम येथील बससेवेवरही झाला आहे.
प्रमुख मार्गांवर कपात
नाशिकरोड बस स्थानकातून अंबड, सातपूर, श्रमिकनगर, उत्तमनगर, एकलहरे आणि पंचवटी या प्रमुख मार्गांवरील शहर बससेवेच्या फेऱ्यांत मोठी कपात करण्यात आली आहे. परिणामी या मार्गांवरील लालपरीची वर्दळ कमी झाली आहे. या मार्गांवरील दिवसाकाठी सरासरी सुमारे १०० बसफेऱ्या कमी करण्यात आल्या आहेत.
शालेय सुटीचा परिणाम
शाळांना सुरू असलेल्या उन्हाळी सुट्यांमुळे नाशिकरोड बस स्थानकातून मोठ्या संख्येने बसफेऱ्या घटविण्यात आल्याचे परिवहन महामंडळाच्या अधिकाऱ्यांनी सांगितले. जून महिन्यात शाळा सुरू झाल्यावर या बसफेऱ्या पुन्हा पूर्ववत केल्या जाणार आहेत.
प्रवाशांची गैरसोय
शहर बससेवेच्या फेऱ्यांत मोठी कपात करण्यात आल्याने प्रवाशांना बसथांब्यांवर बसेससाठी मोठी प्रतीक्षा करावी लागत असल्याचे दिसून येत आहे. काही प्रवाशांकडून बसस्थानकातील वाहतूक नियंत्रकांशी वाद घालून संताप व्यक्त केल्याच्या घटनाही वारंवार घडत आहेत. बसेसअभावी असंख्य प्रवाशांना नाईलाजाने खासगी रिक्षा किंवा टॅक्सीने प्रवास करावा लागत आहे.
खासगी वाहनांची संख्या वाढल्याने सार्वजनिक बससेवेच्या प्रवाशांत घट आली आहे. अवैध प्रवासी वाहतूकही एसटीच्या तोट्यास कारणीभूत ठरत आहे. सध्या शाळांना सुटी असल्याने शहर बसफेऱ्यांची संख्या कमी करण्यात आली आहे.
-एस. ई. सोनवणे, वाहतूक नियंत्रक, नाशिकरोड बसस्थानक
गेल्या आठवड्यात बंद केलेल्या फेऱ्या
दिनांक बंद बसफेऱ्या
११ मे ७६
१२ मे ७५
१३ मे ९०
१४ मे १३८
१५ मे ९१
१६ मे १२१
१७ मे ११८
एकूण ७०९