सहा लाखांचा मका लंपास

सटाणा :

महाराष्ट्र टाइम्स.कॉम

सटाणा कृषि उत्पन्न बाजार समितीतील मका व्यापारी सोनल ट्रेडींग कंपनीने गुजरामध्ये पाठविलेला सहा लाख रुपयांचा मका परस्पर गहाळ केल्याप्रकरणी सटाणा पोलिसात गुन्हा दाखल करण्यात आला आहे.

सोनल ट्रेडींगचे संचालक अशोक धनालाल बडजाते यांनी मनमाड येथील न्यू आंनदरोड लाइन्सचे संचालक ललीत कोचर यांच्या माध्यमातून दोन जणांना गुजरातमधील गोधरा येथील गिरीराज सप्लायर्सकडे सहा लाख रुपयांचा मका (२५२ क्विंटल) पोहच करण्यासाठी विश्‍वासाने सोपविला होता. मात्र संशयिताना तो माल गोधरा येथे न पोहोचविता त्याची परस्पर विल्हेवाट लावल्याने सटाणा पोलिसात भादवि कलम ४०७ अन्वये गुन्हा दाखल करण्यात आला आहे.