म. टा. प्रतिनिधी, नाशिक
चारित्र्याच्या संशयावरून पत्नीला बेदम मारहाण करून निर्घुन खून करणाऱ्या पतीस प्रधान जिल्हा व सत्र न्यायाधिश सूर्यकांत शिंदे यांनी जन्मठेपेची शिक्षा सुनावली. ही घटना ६ जून २०१६ रोजी पेठ तालुक्यातील वांगणी शिवारात घडली होती. घटनेतील प्रत्यक्ष साक्षीदार असलेल्या लहान मुलीची साक्ष खटल्यात महत्त्वाचा पुरावा ठरला.
गोविंद बाबूराव प्रधान (रा़ वांगणी शिवार, ता़ पेठ, जि नाशिक) असे कोर्टाने शिक्षा केलेल्या आरोपीचे नाव आहे. आरोपी गोविंद प्रधान हा पत्नी वनिता व दहा वर्षीय मुलगी मनीषासह वांगणी शिवारात राहत होता़ प्रधान सातत्याने पत्नीच्या चरित्र्यावर संशय घेत असे. ६ जून २०१६ रोजी सायंकाळी ६ वाजेच्या सुमारास कुटुंबिय आपल्या झोपडीत बसलेले असताना गोविंद याने पत्नी वनिताशी याच कारणावरून वाद घातला. कोणाकडेही का बघते, असे म्हणत त्याने वनितास लाकडी दांडक्याने बेदम मारहाण केली. यावेळी दहा वर्षांची मनीषा आपल्या आईच्या बचावासाठी धावून गेली असता तिलाही संतप्त गोविंद याने दूर लोटून देत पत्नीला मारहाण सुरूच ठेवली. 'मला मारू नका,' अशी आर्त विनवणी करणाऱ्या वनिताच्या डोक्यात पतीने घातलेल्या लाकडी दांड्याचा वर्मी घाव बसला. शुद्ध हरपलेल्या वनीताचा त्याच वेळी मृत्यू झाला. आई निपचीत पडल्याचे पाहून घाबरलेली मनीषा आपल्या बचावासाठी रडतच वांगणी गावात पोहचली. मनीषामुळे वनीताला झालेल्या मारहाणीची घटना उघडकीस आली होती. रस्त्याने भेदरलेल्या अवस्थेत पळत सुटलेल्या मनीषाची भेट पार्वताबाई भडांगे व हिराबाई हिरकूड या महिलांशी पडल्याने आरोपी गोविंद ग्रामस्थांच्या हाती लागला होता. या घटनेची माहिती सर्वदुर पसरल्याने ग्रामस्थांनी घटनास्थळी धाव घेत आरोपी गोविंद प्रधान यास पकडून पोलिसांच्या स्वाधीन केले होते.
या प्रकरणी मयत वनिताचा भाऊ हिरामण बठाले यांनी दिलेल्या तक्रारीवरून पेठ पोलिस स्टेशनमध्ये खूनाचा गुन्हा दाखल करण्यात आला होता. या खटल्यात सरकारी वकील अॅड. शिरीष कडवे यांनी १२ साक्षीदार तपासले. त्यात प्रत्यक्षदर्शी मनीषाची साक्ष महत्त्वाची ठरली. मनीषाने आपल्या आईच्या हत्तेचा घटनाक्रम न्यायालयासमोर मांडला. सर्व साक्षीपुरावे तपासल्यानंतर कोर्टाने गोविंदला दोषी ठरवीत जन्मठेप आणि एक हजार रुपये दंड, तसेच दंड न भरल्यास तीन महिने साध्या कैदेची शिक्षा सुनावली़.
चारित्र्याच्या संशयावरून पत्नीला बेदम मारहाण करून निर्घुन खून करणाऱ्या पतीस प्रधान जिल्हा व सत्र न्यायाधिश सूर्यकांत शिंदे यांनी जन्मठेपेची शिक्षा सुनावली. ही घटना ६ जून २०१६ रोजी पेठ तालुक्यातील वांगणी शिवारात घडली होती. घटनेतील प्रत्यक्ष साक्षीदार असलेल्या लहान मुलीची साक्ष खटल्यात महत्त्वाचा पुरावा ठरला.
गोविंद बाबूराव प्रधान (रा़ वांगणी शिवार, ता़ पेठ, जि नाशिक) असे कोर्टाने शिक्षा केलेल्या आरोपीचे नाव आहे. आरोपी गोविंद प्रधान हा पत्नी वनिता व दहा वर्षीय मुलगी मनीषासह वांगणी शिवारात राहत होता़ प्रधान सातत्याने पत्नीच्या चरित्र्यावर संशय घेत असे. ६ जून २०१६ रोजी सायंकाळी ६ वाजेच्या सुमारास कुटुंबिय आपल्या झोपडीत बसलेले असताना गोविंद याने पत्नी वनिताशी याच कारणावरून वाद घातला. कोणाकडेही का बघते, असे म्हणत त्याने वनितास लाकडी दांडक्याने बेदम मारहाण केली. यावेळी दहा वर्षांची मनीषा आपल्या आईच्या बचावासाठी धावून गेली असता तिलाही संतप्त गोविंद याने दूर लोटून देत पत्नीला मारहाण सुरूच ठेवली. 'मला मारू नका,' अशी आर्त विनवणी करणाऱ्या वनिताच्या डोक्यात पतीने घातलेल्या लाकडी दांड्याचा वर्मी घाव बसला. शुद्ध हरपलेल्या वनीताचा त्याच वेळी मृत्यू झाला. आई निपचीत पडल्याचे पाहून घाबरलेली मनीषा आपल्या बचावासाठी रडतच वांगणी गावात पोहचली. मनीषामुळे वनीताला झालेल्या मारहाणीची घटना उघडकीस आली होती. रस्त्याने भेदरलेल्या अवस्थेत पळत सुटलेल्या मनीषाची भेट पार्वताबाई भडांगे व हिराबाई हिरकूड या महिलांशी पडल्याने आरोपी गोविंद ग्रामस्थांच्या हाती लागला होता. या घटनेची माहिती सर्वदुर पसरल्याने ग्रामस्थांनी घटनास्थळी धाव घेत आरोपी गोविंद प्रधान यास पकडून पोलिसांच्या स्वाधीन केले होते.
या प्रकरणी मयत वनिताचा भाऊ हिरामण बठाले यांनी दिलेल्या तक्रारीवरून पेठ पोलिस स्टेशनमध्ये खूनाचा गुन्हा दाखल करण्यात आला होता. या खटल्यात सरकारी वकील अॅड. शिरीष कडवे यांनी १२ साक्षीदार तपासले. त्यात प्रत्यक्षदर्शी मनीषाची साक्ष महत्त्वाची ठरली. मनीषाने आपल्या आईच्या हत्तेचा घटनाक्रम न्यायालयासमोर मांडला. सर्व साक्षीपुरावे तपासल्यानंतर कोर्टाने गोविंदला दोषी ठरवीत जन्मठेप आणि एक हजार रुपये दंड, तसेच दंड न भरल्यास तीन महिने साध्या कैदेची शिक्षा सुनावली़.