खेळता-खेळता बांधकाम सुरू असलेल्या लिफ्टजवळ गेला अन्..., १० वर्षीय चिमुकल्याचा भयंकर शेवट

नाशिक : शहरात एक धक्कादायक घटना घडली आहे. एका बांधकाम साइटवर लिफ्ट साठी खोदलेल्या खड्ड्यात पडून दहा वर्षीय बालकाचा मृत्यू झाल्याची घटना घडली आहे. या प्रकरणी संबंधित बांधकाम व्यवसायिकावर गुन्हा दाखल करण्यात आला आहे. बिल्डरवर गुन्हा दाखल झाल्याने बांधकाम क्षेत्रात एकच खळबळ उडाली आहे.

याबाबत मिळालेल्या माहितीनुसार, गंगापूर शिवारातील ध्रुवनगरमध्ये सुरू असलेल्या बांधकामाच्या ठिकाणी एका दहा वर्षीय बालकाचा मृत्यू झाला आहे. त्यावरून गंगापूर पोलीस ठाण्यात अपूर्व बिल्डर्स अॅन्ड डेव्हलपर्सचे अपूर्व राजेंद्र तोंडूलकर यांच्याविरोधात हा गुन्हा दाखल करण्यात आला आहे.

भिंत कोसळली अन् सापडला मोठा खजिना; मजुर करोडपती झालाच होता, पण...
नाशिकमधील बांधकाम व्यवसायिक तोंडुलकर यांचे अपूर्व बिल्डर्स अॅन्ड डेव्हलपर्सच्या नवीन इमारतीचे काम सुरू आहे. त्याठिकाणी लिफ्टसाठी खड्डा खोदण्यात आले आहे. तो पूर्ण पाण्याने भरलेला होता. दरम्यान, सुभाष भागवत यांचा मुलगा यश भागवत हा खेळत होता. खेळत असताना तो लिफ्टच्या खड्ड्यातील पाण्यात पडला. त्यावेळी त्याच्या डोक्याला गंभीर दुखापत झाली आणि यशचा पाण्यात बुडून मृत्यू झाला. त्यामुळे बांधकाम व्यवसायिक राजेंद्र तोंडुलकर यांच्यावर गुन्हा दाखल करण्यात आला आहे.

दरम्यान, ज्या ठिकाणी बांधकाम चालू आहे, त्या ठिकाणी नियमांचे पालन केले नसल्याची ही धक्कादायक बाब समोर आली आहे. बांधकाम करतांना संशयित बिल्डर राजेंद्र तोंडूलकर यांनी चहू बाजूने शेड केलेले नाहीत. सुरक्षा रक्षकही नेमलेला नाही. लिफ्टसाठी केलेल्या खड्ड्याभोवती सुरक्षेच्या दृष्टीने कुठल्याही उपाययोजना केलेल्या नाहीत. दहा वर्षे चिमुकल्याचा मृत्यू झाल्यानंतर संबंधित बांधकाम व्यवसायिकाने अनेक नियमांचे पालन केले नसल्याचे उघडकीस आले आहे.

श्वानांचे लसीकरण सुरू असतानाचा एकाचा दुर्दैवी मृत्यू, भरधाव कारने उडवल्याने जागीच मृत्यू