म. टा. प्रतिनिधी, नाशिक
सध्या महाऑनलाइन केंद्रांच्या माध्यमातून आधार नोंदणी व नूतनीकरण केले जात असले तरी टप्प्याटप्प्याने हे केंद्र बंद करण्याचे संकेत युआयडीने जिल्हा प्रशासनाला दिले आहेत. त्यामुळे सध्या सरकारी कार्यालयांमध्ये मुक्काम असलेले आधार केंद्र टप्प्याटप्प्याने बंद करण्यात येणार असून, बँका आणि टपाल कार्यालयांमधूनच आधार नोंदणी व नूतनीकरणाची तयारी सुरू झाली आहे.
आधारकार्ड ही भारतीयत्वाची ओळख ठरणार आहे. प्रत्येकाला आधारकार्ड काढणे आणि ते सोबत बाळगणे अनिवार्य असून, जिल्हा प्रशासनाने सरकारी कार्यालयांमध्ये आधार केंद्र सुरू केले आहेत. महाऑनलाइन केंद्र आणि सीएससी सेंटर्सचालकांना सरकारी कार्यालयांमध्ये आधार केंद्र चालविण्यासाठी जागा उपलब्ध करून देण्यात आली होती. सध्या जिल्ह्यात १३५ ठिकाणी आधार नोंदणी आणि नूतनीकरणाची कामे सुरू आहेत. केवळ बँका आणि टपाल कार्यालयांमध्येच आधार केंद्र देण्याचे युआयडीच्या विचाराधीन असून, त्या अनुषंगाने युआयडीने कार्यवाहीला सुरुवातही केली आहे.
गेल्या सहा महिन्यांपासून नवीन ऑपरेटर्सची नेमणूक थांबविण्यात आली आहे. टप्प्याटप्प्याने महाऑनलाइन केंद्रांकडील आधारचे काम काढण्यात येणार असून, ते राष्ट्रीयीकृत बँका आणि टपाल कार्यालयांमधूनच सुरू ठेवण्याचे सरकारच्या विचाराधीन आहे.
२९ महाऑनलाइन केंद्र काळ्या यादीत
आधार सेंटर्स सरकारी कार्यालयांमध्ये कार्यान्वित करण्यात आल्यामुळे या सेंटरचालकांवर वेळेच्या मर्यादा आल्या आहेत. सरकारी कार्यालयांच्या कामकाजाच्या दिवशी आणि कामकाजाच्याच वेळेत आधारची कामे करणे त्यांच्याकडून अभिप्रेत आहे. सुटीच्या दिवशी किंवा सायंकाळी सहानंतर आधार नोंदणी किंवा आधार नूतनीकरण करणाऱ्या २९ सेंटरचालकांना युआयडीने काळ्या यादीत टाकले आहे. आधार नोंदणीसाठी पैसे आकारले जाऊ नयेत किंवा आधार दुरुस्तीसाठी नागरिकांकडून अव्वाच्या सव्वा पैसे उकळले जाऊ नयेत याकरिता ही दक्षता युआयडीकडून घेतली जात असल्याची माहिती जिल्हा प्रशासनाने दिली.
सध्या महाऑनलाइन केंद्रांच्या माध्यमातून आधार नोंदणी व नूतनीकरण केले जात असले तरी टप्प्याटप्प्याने हे केंद्र बंद करण्याचे संकेत युआयडीने जिल्हा प्रशासनाला दिले आहेत. त्यामुळे सध्या सरकारी कार्यालयांमध्ये मुक्काम असलेले आधार केंद्र टप्प्याटप्प्याने बंद करण्यात येणार असून, बँका आणि टपाल कार्यालयांमधूनच आधार नोंदणी व नूतनीकरणाची तयारी सुरू झाली आहे.
आधारकार्ड ही भारतीयत्वाची ओळख ठरणार आहे. प्रत्येकाला आधारकार्ड काढणे आणि ते सोबत बाळगणे अनिवार्य असून, जिल्हा प्रशासनाने सरकारी कार्यालयांमध्ये आधार केंद्र सुरू केले आहेत. महाऑनलाइन केंद्र आणि सीएससी सेंटर्सचालकांना सरकारी कार्यालयांमध्ये आधार केंद्र चालविण्यासाठी जागा उपलब्ध करून देण्यात आली होती. सध्या जिल्ह्यात १३५ ठिकाणी आधार नोंदणी आणि नूतनीकरणाची कामे सुरू आहेत. केवळ बँका आणि टपाल कार्यालयांमध्येच आधार केंद्र देण्याचे युआयडीच्या विचाराधीन असून, त्या अनुषंगाने युआयडीने कार्यवाहीला सुरुवातही केली आहे.
गेल्या सहा महिन्यांपासून नवीन ऑपरेटर्सची नेमणूक थांबविण्यात आली आहे. टप्प्याटप्प्याने महाऑनलाइन केंद्रांकडील आधारचे काम काढण्यात येणार असून, ते राष्ट्रीयीकृत बँका आणि टपाल कार्यालयांमधूनच सुरू ठेवण्याचे सरकारच्या विचाराधीन आहे.
२९ महाऑनलाइन केंद्र काळ्या यादीत
आधार सेंटर्स सरकारी कार्यालयांमध्ये कार्यान्वित करण्यात आल्यामुळे या सेंटरचालकांवर वेळेच्या मर्यादा आल्या आहेत. सरकारी कार्यालयांच्या कामकाजाच्या दिवशी आणि कामकाजाच्याच वेळेत आधारची कामे करणे त्यांच्याकडून अभिप्रेत आहे. सुटीच्या दिवशी किंवा सायंकाळी सहानंतर आधार नोंदणी किंवा आधार नूतनीकरण करणाऱ्या २९ सेंटरचालकांना युआयडीने काळ्या यादीत टाकले आहे. आधार नोंदणीसाठी पैसे आकारले जाऊ नयेत किंवा आधार दुरुस्तीसाठी नागरिकांकडून अव्वाच्या सव्वा पैसे उकळले जाऊ नयेत याकरिता ही दक्षता युआयडीकडून घेतली जात असल्याची माहिती जिल्हा प्रशासनाने दिली.