नाशिकरोड : कार आणि दुचाकी अपघातात जखमी दुचाकीस्वारास नुकसानभरपाई देण्यास टाळाटाळ केल्याप्रकरणी दुचाकीस्वाराच्या फिर्यादीवरून कारचालकाविरोधात नाशिकरोड पोलिस ठाण्यात गुन्हा दाखल करण्यात आला आहे. सुदाम भालेराव या दुचाकीस्वारास कारचालक शिवाजी उल्होळकर (रा. पळसे) यांच्या कारची (एमएच १५/सीडी ९१८५) एक डिसेंबर रोजी पळसे येथे नाशिक-पुणे महामार्गावर समोरासमोर धडक झाली. अपघातात गंभीर जखमी झालेले सुदाम भालेराव यांना सिन्नर फाटा येथील साई केअर हॉस्पिटलमध्ये दाखल करण्यात आले. कारचालक शिवाजी उल्होळकर यांनी गाडीच्या नुकसानभरपाईपोटी आणि वैद्यकीय खर्च देण्याचे कबूल केले होते. मात्र, नंतर शिवाजी उल्होळकर यांनी खर्चाची रक्कम देण्यास टाळाटाळ केल्याने दुचाकीस्वार सुदाम भालेराव यांनी शिवाजी उल्होळकर यांच्याविरोधात नाशिकरोड पोलिस ठाण्यात फिर्याद दाखल केली आहे.
अपघातप्रकरणी गुन्हा
कार आणि दुचाकी अपघातात जखमी दुचाकीस्वारास नुकसानभरपाई देण्यास टाळाटाळ केल्याप्रकरणी दुचाकीस्वाराच्या फिर्यादीवरून कारचालकाविरोधात नाशिकरोड पोलिस ...
MT 12 May 2019, 4:00 am