म. टा. वृत्तसेवा नाशिकरोड
ग्रामपंचायत निवडणुकीसाठी दाखल केलेला उमेदवारी अर्ज माघारीसाठी एका इच्छुक उमेदवाराने चक्क रुग्णवाहिकेतून तहसील कार्यालय गाठले. आणि रुग्णवाहिकेतील बेडवरच अर्जावर सही करून उमेदवारी अर्ज मागे घेतल्याची घटना सोमवारी सिन्नर तहसीलदार कार्यालयात घडली. राजेंद्र डावखर (रा. भोकणी, ता. सिन्नर) असे या उमेदवाराचे नाव आहे.
डावखर यांनी भोकणी ग्रामपंचायत निवडणुकीसाठी अर्ज दाखल केलेला होता. त्यांचा अर्ज छाननीत वैधही ठरला. मात्र त्यानंतर एके दिवशी रस्ता अपघातात ते जखमी झाले आणि त्यांना नाशिक येथील खासगी रुग्णालयात दाखल करण्यात आले. सोमवारी उमेदवारी अर्ज माघारीचा दिवस होता. डावखर यांना उमेदवारी मागे घ्यावयाची होती. परंतु नियमानुसार उमेदवार निवडणूक निर्णय अधिकाऱ्यांपुढे स्वाक्षरीकरिता उपस्थित असणे बंधनकारक असल्याने डावखर यांचा नाईलाज झाला. अखेर त्यांनी नाशिकहून रुग्णवाहिकेतून थेट सिन्नर तहसील कार्यालय गाठले आणि रुग्णवहिकेतच वैद्यकीय उपचार घेत अर्ज मागे घेतला. त्यानंतर डावखर पुन्हा उपचारासाठी नाशिकला रवाना झाले. मात्र त्यांच्या माघारीची तालुक्यात चर्चा रंगली होती.
ग्रामपंचायत निवडणुकीसाठी दाखल केलेला उमेदवारी अर्ज माघारीसाठी एका इच्छुक उमेदवाराने चक्क रुग्णवाहिकेतून तहसील कार्यालय गाठले. आणि रुग्णवाहिकेतील बेडवरच अर्जावर सही करून उमेदवारी अर्ज मागे घेतल्याची घटना सोमवारी सिन्नर तहसीलदार कार्यालयात घडली. राजेंद्र डावखर (रा. भोकणी, ता. सिन्नर) असे या उमेदवाराचे नाव आहे.
डावखर यांनी भोकणी ग्रामपंचायत निवडणुकीसाठी अर्ज दाखल केलेला होता. त्यांचा अर्ज छाननीत वैधही ठरला. मात्र त्यानंतर एके दिवशी रस्ता अपघातात ते जखमी झाले आणि त्यांना नाशिक येथील खासगी रुग्णालयात दाखल करण्यात आले. सोमवारी उमेदवारी अर्ज माघारीचा दिवस होता. डावखर यांना उमेदवारी मागे घ्यावयाची होती. परंतु नियमानुसार उमेदवार निवडणूक निर्णय अधिकाऱ्यांपुढे स्वाक्षरीकरिता उपस्थित असणे बंधनकारक असल्याने डावखर यांचा नाईलाज झाला. अखेर त्यांनी नाशिकहून रुग्णवाहिकेतून थेट सिन्नर तहसील कार्यालय गाठले आणि रुग्णवहिकेतच वैद्यकीय उपचार घेत अर्ज मागे घेतला. त्यानंतर डावखर पुन्हा उपचारासाठी नाशिकला रवाना झाले. मात्र त्यांच्या माघारीची तालुक्यात चर्चा रंगली होती.