म. टा. वृत्तसेवा, सातपूर वंचित बहुजन आघाडी, आम आदमी पक्ष, स्वाभिमानी शेतकरी संघटना व डावी आघाडी पुरस्कृत माकपाचे उमेदवार डॉ. डी. एल. कराड यांच्या प्रचारात वंचित बहुजन आघाडीचे संस्थापक अॅड. प्रकाश आंबेडकर यांची जाहीर सभा मंगळवारी (दि. १५) होणार आहे. उंटवाडी, लवाटेनगरमधील सिटी सेंटर मॉल रोडवरील ठक्कर डोम येथे दुपारी तीन वाजता सभेला सुरुवात होईल, असे 'माकप'च्या वतीने सीताराम ठोंबरे यांनी कळविले आहे. नाशिकला पहिलीच सभा आंबेडकर यांची होत असल्याने ते काय भाषण करतात, याकडे इतर पक्षांचे लक्ष असणार आहे. सभेला डॉ. कराड यांच्यासह वंचित बहुजन आघाडीचे उमेदवार वामनराव पवार, पवन पवार, नाशिक मध्यचे उमेदवार संजय साबळे आदी उपस्थित राहणार आहेत. नाशिकरोडला बाइक रॅली पंचवटी : नाशिकरोड जेलरोड येथील प्रभाग १७, १८, २०, २१ मध्ये भाजप-शिवसेना महायुतीचे उमेदवार अॅड. राहुल ढिकले यांच्या प्रचारार्थ बाइक रॅली काढण्यात आली. नगरसेवक दिनकर आढाव, सूर्यकांत लवटे, शिरीष लवटे, रमेश धोंगडे, संगीता गायकवाड, प्रशांत दिवे, शाम खोले, शरद मोरे, संजय साबळे, मंगल आढाव, मीरा हांडेगे, संभाजी मोरुस्कर, विशाल संगमनेरे, मुकुंद आढाव, नितीन चिडे, अशोक सातभाई, प्रमोद बागूल, प्रताप मेहोरलिया आदी उपस्थित होते.
अॅड. आंबेडकरांची आज शहरात सभा
म टा वृत्तसेवा, सातपूर वंचित बहुजन आघाडी, आम आदमी पक्ष, स्वाभिमानी शेतकरी संघटना व डावी आघाडी पुरस्कृत माकपाचे उमेदवार डॉ डी एल...
महाराष्ट्र टाइम्स.कॉम 15 Oct 2019, 4:00 am