म. टा. प्रतिनिधी, नाशिक
दुर्मिळ वन्यजीव, पुष्प आणि धार्मिक महत्त्व असलेल्या अंजनेरी राखीव संवर्धन वनक्षेत्रातून १४ किलोमीटरचा पक्का रस्ता करण्याचा प्रस्ताव मंजूर झाल्यास गिधाडांची घरटी, दुर्मिळ वन्यजीव व फुलांच्या प्रजातींसह तेथील जैवविविधता धोक्यात येऊ शकते. ज्याप्रमाणे 'आरे'च्या प्रकरणात पर्यावरण मंत्री आदित्य ठाकरे यांनी ठोस भूमिका घेऊन पर्यावरण रक्षणार्थ योग्य निर्णय घेतला. तसेच 'आदित्य ठाकरे, कृपया अंजनेरी वाचवा', अशी हाक नाशिकच्या पर्यावरणीय संस्थांनी दिली आहे. त्यामुळे अंजनेरीच्या प्रस्तावित रस्त्यावरून आता नेमक्या काय घडामोडी घडतात याकडे सर्वांचे लक्ष लागले आहे.
नाशिक पश्चिम वन विभागाच्या हद्दीत असणारा अंजनेरी राखीव संवर्धन क्षेत्रातून म्हणजेच, मुळेगाव ते गडाच्या माथ्यापर्यंत १४ किलोमीटरचा पक्का रस्ता करण्याचा प्रस्ताव प्राप्त झाला आहे. जिल्हाधिकाऱ्यांनी या संदर्भात कार्यवाहीचे आदेश दिल्यावर पर्यावरणीय संस्थांनी त्याला तीव्र विरोध दर्शविण्यास सुरुवात केली आहे. 'सेव्ह अंजनेरी' ही मोहीम काही दिवसांपासून सोशल मीडियावर सुरू असताना विभागीय आयुक्त राधाकृष्ण गमे, जिल्हाधिकारी सूरज मांढरे, मुख्य वनसंरक्षक नितीन गुदगे, वनसंरक्षक अनिल अंजनकर यांना निवेदन देण्यात आली. यात रस्त्याला विरोध दर्शवत निसर्ग संवर्धन आणि जैवविविधतेच्यादृष्टीने कधीही भरपाई न होणारी हानी होईल, असे नमूद करण्यात आले आहे. यासह ई-माध्यमातून या संदर्भात तयार केलेल्या पत्रावर राज्यभरातून पाच हजारांपेक्षा जास्त नागरिकांनी ई-स्वाक्षऱ्या केल्या आहेत. हे पत्र थेट आदित्य ठाकरे यांच्या पाठविण्यात येणार आहे. त्यासाठी ट्विटरवर हॅशटॅग 'सेव्ह अंजनेरी' वापरत ठाकरे यांना रस्ताच्या प्रस्ताव थांबविण्याची मागणी जोर धरत आहे. या चळवळीत वनस्पतीशास्त्र अभ्यासक प्रा. जुई पेठे, वृक्षप्रेमी शेखर गायकवाड, वन्यजीवप्रेमी वैभव भोगले, अरुण अय्यर, एनसीएसएनच्या प्रतीक्षा कोठुळे, गीव्ह संस्थेचे रमेश अय्यर, पक्षिमित्र अनिरुद्ध जाधव, अनिल माळी, मानद वन्यजीव रक्षक अमित खरे यांचा सक्रिय सहभाग असून सर्व पर्यावरणप्रेमींना त्यांना पाठिंबा दर्शविला आहे.
असे आहे पर्यावरणीय महत्त्व
संवर्धन क्षेत्र मंजुरी : ३१ जानेवारी २०१७
क्षेत्र : ५६९.३६० हेक्टर
गिधाडे : २५० पेक्षा जास्त घरटी
पक्षी : १०५ प्रजाती
दुर्मिळ : लालमुखी माकड, वाघाटी या वन्यजीवांसह कंदीलपुष्प
रस्त्याचा तपशील
- मुळेगाव ते अंजनेरी गडाचा माथा
- १४ किलोमीटरचा पक्का रस्ता
- १७ ते २० हेक्टर वनक्षेत्र बाधित होणार
..
दुर्मिळ वन्यजीव, पुष्प आणि धार्मिक महत्त्व असलेल्या अंजनेरी राखीव संवर्धन वनक्षेत्रातून १४ किलोमीटरचा पक्का रस्ता करण्याचा प्रस्ताव मंजूर झाल्यास गिधाडांची घरटी, दुर्मिळ वन्यजीव व फुलांच्या प्रजातींसह तेथील जैवविविधता धोक्यात येऊ शकते. ज्याप्रमाणे 'आरे'च्या प्रकरणात पर्यावरण मंत्री आदित्य ठाकरे यांनी ठोस भूमिका घेऊन पर्यावरण रक्षणार्थ योग्य निर्णय घेतला. तसेच 'आदित्य ठाकरे, कृपया अंजनेरी वाचवा', अशी हाक नाशिकच्या पर्यावरणीय संस्थांनी दिली आहे. त्यामुळे अंजनेरीच्या प्रस्तावित रस्त्यावरून आता नेमक्या काय घडामोडी घडतात याकडे सर्वांचे लक्ष लागले आहे.
नाशिक पश्चिम वन विभागाच्या हद्दीत असणारा अंजनेरी राखीव संवर्धन क्षेत्रातून म्हणजेच, मुळेगाव ते गडाच्या माथ्यापर्यंत १४ किलोमीटरचा पक्का रस्ता करण्याचा प्रस्ताव प्राप्त झाला आहे. जिल्हाधिकाऱ्यांनी या संदर्भात कार्यवाहीचे आदेश दिल्यावर पर्यावरणीय संस्थांनी त्याला तीव्र विरोध दर्शविण्यास सुरुवात केली आहे. 'सेव्ह अंजनेरी' ही मोहीम काही दिवसांपासून सोशल मीडियावर सुरू असताना विभागीय आयुक्त राधाकृष्ण गमे, जिल्हाधिकारी सूरज मांढरे, मुख्य वनसंरक्षक नितीन गुदगे, वनसंरक्षक अनिल अंजनकर यांना निवेदन देण्यात आली. यात रस्त्याला विरोध दर्शवत निसर्ग संवर्धन आणि जैवविविधतेच्यादृष्टीने कधीही भरपाई न होणारी हानी होईल, असे नमूद करण्यात आले आहे. यासह ई-माध्यमातून या संदर्भात तयार केलेल्या पत्रावर राज्यभरातून पाच हजारांपेक्षा जास्त नागरिकांनी ई-स्वाक्षऱ्या केल्या आहेत. हे पत्र थेट आदित्य ठाकरे यांच्या पाठविण्यात येणार आहे. त्यासाठी ट्विटरवर हॅशटॅग 'सेव्ह अंजनेरी' वापरत ठाकरे यांना रस्ताच्या प्रस्ताव थांबविण्याची मागणी जोर धरत आहे. या चळवळीत वनस्पतीशास्त्र अभ्यासक प्रा. जुई पेठे, वृक्षप्रेमी शेखर गायकवाड, वन्यजीवप्रेमी वैभव भोगले, अरुण अय्यर, एनसीएसएनच्या प्रतीक्षा कोठुळे, गीव्ह संस्थेचे रमेश अय्यर, पक्षिमित्र अनिरुद्ध जाधव, अनिल माळी, मानद वन्यजीव रक्षक अमित खरे यांचा सक्रिय सहभाग असून सर्व पर्यावरणप्रेमींना त्यांना पाठिंबा दर्शविला आहे.
असे आहे पर्यावरणीय महत्त्व
संवर्धन क्षेत्र मंजुरी : ३१ जानेवारी २०१७
क्षेत्र : ५६९.३६० हेक्टर
गिधाडे : २५० पेक्षा जास्त घरटी
पक्षी : १०५ प्रजाती
दुर्मिळ : लालमुखी माकड, वाघाटी या वन्यजीवांसह कंदीलपुष्प
रस्त्याचा तपशील
- मुळेगाव ते अंजनेरी गडाचा माथा
- १४ किलोमीटरचा पक्का रस्ता
- १७ ते २० हेक्टर वनक्षेत्र बाधित होणार
..