नाशिक:
२००८ मध्ये झालेल्या परप्रांतीयांविरोधातील आंदोलनप्रकरणी मनसे अध्यक्ष राज ठाकरे यांना इगतपुरी दिवाणी फौजदारी न्यायालयाने जामीन मंजूर केला आहे. कार्यकर्त्यांना चिथावणी दिल्याप्रकरणी राज यांच्यासह मनसेच्या सहा कार्यकर्त्यांविरोधात गुन्हा दाखल करण्यात आला होता.
रेल्वे भरती परीक्षेत भूमिपुत्रांना डावललं जात असल्याचा आरोप करत मनसे कार्यकर्त्यांनी २१ ऑक्टोबर २००८ रोजी आंदोलन केलं होतं. मनसेने मुंबई-आग्रा महामार्गावरील साईप्लाझा हॉटेलवर दगडफेकही केली होती. याप्रकरणी राज यांच्याविरोधात जमावाला चिथावल्याचा गुन्हा दाखल करण्यात आला होता. इगतपुरी न्यायालयात खटला सुरू असताना राज एकदाही कोर्टात राहिले नाही. त्यामुळे त्यांना वारंवार समन्सही बजावण्यात आले होते. आज नाशिक दौऱ्यावर आले असता राज कोर्टात उपस्थित राहिले. त्यामुळे त्यांना जामीन देण्यात आला. माजी महापौर अशोक मूर्तडक हे राज यांच्यासाठी जामीन होते.
२००८ मध्ये झालेल्या परप्रांतीयांविरोधातील आंदोलनप्रकरणी मनसे अध्यक्ष राज ठाकरे यांना इगतपुरी दिवाणी फौजदारी न्यायालयाने जामीन मंजूर केला आहे. कार्यकर्त्यांना चिथावणी दिल्याप्रकरणी राज यांच्यासह मनसेच्या सहा कार्यकर्त्यांविरोधात गुन्हा दाखल करण्यात आला होता.
रेल्वे भरती परीक्षेत भूमिपुत्रांना डावललं जात असल्याचा आरोप करत मनसे कार्यकर्त्यांनी २१ ऑक्टोबर २००८ रोजी आंदोलन केलं होतं. मनसेने मुंबई-आग्रा महामार्गावरील साईप्लाझा हॉटेलवर दगडफेकही केली होती. याप्रकरणी राज यांच्याविरोधात जमावाला चिथावल्याचा गुन्हा दाखल करण्यात आला होता. इगतपुरी न्यायालयात खटला सुरू असताना राज एकदाही कोर्टात राहिले नाही. त्यामुळे त्यांना वारंवार समन्सही बजावण्यात आले होते. आज नाशिक दौऱ्यावर आले असता राज कोर्टात उपस्थित राहिले. त्यामुळे त्यांना जामीन देण्यात आला. माजी महापौर अशोक मूर्तडक हे राज यांच्यासाठी जामीन होते.