म. टा. प्रतिनिधी, नाशिक
महानायक अमिताभ बच्चन यांच्या चित्रपट सृष्टीतील प्रवासाची झलक दाखविणाऱ्या '७५ फ्रेम्स' हे प्रदर्शन हॉटेल ताज गेट वे येथे भरविण्यात आले आहे. अमिताभ यांच्या अमृतमहोत्सवानिमित्त चित्रकर्ती शर्वरी लथ व रतन लथ यांच्या वतीने या प्रदर्शनाचे आयोजन करण्यात आले आहे.
सन १९७२ ते १९८२ च्या दशकात अँग्री यंग मॅन दाखविण्यात अमिताभ बच्चन यशस्वी झालेले होते. त्यांच्या अभिनयाची आणि डायलॉग्जची छाप जननमानसावर अजून आहे हीच मेख ओळखून शर्वरी यांनी अमिताभ यांच्या पोस्टर प्रदर्शनाची संकल्पना साकारली आहे. हॉटेल ताज गेट वे येथे आयोजित केलेल्या या प्रदर्शनात बिग बी यांच्या सुरुवातीच्या काळापासून ते आतापर्यंतच्या प्रवासाची झलक बघावयास मिळते. प्रदर्शनात ७२ ते ८२ या दशकातील अमिताभ बघितल्यावर त्या काळातील अदालत, खून पसीना, डॉन, कसमे वादे, मुकद्दर का सिकंदर, त्रिशूल, काला पत्थर, कालिया, लावारिस या चित्रपटांची आठवण होते. १९८४ साली जेव्हा इंदिरा गांधी यांची हत्या झाली तेव्हा इंदिराजींच्या अंत्यसंस्काराच्यावेळी मित्र राजीव गांधी यांच्या दु:खात अमिताभ हेदेखील शोकमग्न झालेले प्रदर्शनातील एका पोस्टरमध्ये दाखविण्यात आलेले आहे.
पत्नी जया बच्चन, मुले अभिषेक, श्वेता यांच्यासोबतची काही चित्रे यात आहेत. त्यांचा अलिकडच्या काळातील लूकदेखील या प्रदर्शनात दाखविण्यात आला आहे. या प्रदर्शनाचे वैशिष्ट्य म्हणजे अलाहाबाद मतदारसंघातून काँग्रेसच्या तिकिटावर लोकसभेची निवडणूक लढविणाऱ्या अमिताभ यांचे त्यावेळचे पोस्टर प्रदर्शनात ठेवण्यात आलेले आहे. एकूणच अमिताभ यांचा चेहरा अधिक स्पष्ट करणारे हे प्रदर्शन असून, प्रदीप चंद्रा आणि एसएमएम ओजा यांची ती निर्मिती आहे.
महानायक अमिताभ बच्चन यांच्या चित्रपट सृष्टीतील प्रवासाची झलक दाखविणाऱ्या '७५ फ्रेम्स' हे प्रदर्शन हॉटेल ताज गेट वे येथे भरविण्यात आले आहे. अमिताभ यांच्या अमृतमहोत्सवानिमित्त चित्रकर्ती शर्वरी लथ व रतन लथ यांच्या वतीने या प्रदर्शनाचे आयोजन करण्यात आले आहे.
सन १९७२ ते १९८२ च्या दशकात अँग्री यंग मॅन दाखविण्यात अमिताभ बच्चन यशस्वी झालेले होते. त्यांच्या अभिनयाची आणि डायलॉग्जची छाप जननमानसावर अजून आहे हीच मेख ओळखून शर्वरी यांनी अमिताभ यांच्या पोस्टर प्रदर्शनाची संकल्पना साकारली आहे. हॉटेल ताज गेट वे येथे आयोजित केलेल्या या प्रदर्शनात बिग बी यांच्या सुरुवातीच्या काळापासून ते आतापर्यंतच्या प्रवासाची झलक बघावयास मिळते. प्रदर्शनात ७२ ते ८२ या दशकातील अमिताभ बघितल्यावर त्या काळातील अदालत, खून पसीना, डॉन, कसमे वादे, मुकद्दर का सिकंदर, त्रिशूल, काला पत्थर, कालिया, लावारिस या चित्रपटांची आठवण होते. १९८४ साली जेव्हा इंदिरा गांधी यांची हत्या झाली तेव्हा इंदिराजींच्या अंत्यसंस्काराच्यावेळी मित्र राजीव गांधी यांच्या दु:खात अमिताभ हेदेखील शोकमग्न झालेले प्रदर्शनातील एका पोस्टरमध्ये दाखविण्यात आलेले आहे.
पत्नी जया बच्चन, मुले अभिषेक, श्वेता यांच्यासोबतची काही चित्रे यात आहेत. त्यांचा अलिकडच्या काळातील लूकदेखील या प्रदर्शनात दाखविण्यात आला आहे. या प्रदर्शनाचे वैशिष्ट्य म्हणजे अलाहाबाद मतदारसंघातून काँग्रेसच्या तिकिटावर लोकसभेची निवडणूक लढविणाऱ्या अमिताभ यांचे त्यावेळचे पोस्टर प्रदर्शनात ठेवण्यात आलेले आहे. एकूणच अमिताभ यांचा चेहरा अधिक स्पष्ट करणारे हे प्रदर्शन असून, प्रदीप चंद्रा आणि एसएमएम ओजा यांची ती निर्मिती आहे.