म. टा. खास प्रतिनिधी, नाशिक
सत्ताधारी भाजपने महासभेत भरमसाठ करवाढीला मंजुरी दिल्यानंतर याविरोधात जनक्षोभ उसळत असून, विरोधकांनी रस्त्यावर उतरून करवाढीचा निषेध करण्यास सुरुवात केली आहे. घरपट्टीच्या जबर करवाढीविरोधात राष्ट्रवादी काँग्रेसच्या वतीने शुक्रवारपासून सहा विभागीय कार्यालयांवर हल्लाबोल मोर्चे काढून आंदोलने केली जाणार आहेत. नाशिकरोड कार्यालयापासून या आंदोलनाची सुरुवात होणार आहे. काँग्रेसकडून शुक्रवारी महापालिकेवर आंदोलन केले जाणार आहे. माकपच्या वतीने गुरुवारी महापालिकेच्या मुख्यालयाबाहेर निदर्शने करीत, करवाढीचा निषेध करण्यात आला.
मंगळवारच्या महासभेत सत्ताधारी भाजपने निवासी मालमत्ता करात ३३, अनिवासी मालमत्ता करात ६४ तर औद्योगिक मालमत्ता करात ८२ टक्के अशी भरमसाठ वाढ केली आहे. या करवाढीच्या दिवशीच विरोधी पक्षांनी या करवाढीला विरोध करीत, आंदोलनांचा इशारा दिला होता. परंतु, तरीही सत्ताधाऱ्यांनी बहुमताच्या जोरावर प्रस्ताव मंजूर केल्याने विरोधकांनी रस्त्यावर उतरून आंदोलनाची तयारी केली आहे. राष्ट्रवादी कॉँग्रेसच्या वतीने आजपासून (दि. २३) महापालिकेच्या सहाही विभागीय कार्यालयांवर ‘हल्लाबोल’ मोर्चे काढून या करवाढीचा निषेध करण्यात येणार आहे. राष्ट्रवादी काँग्रेसचे शहराध्यक्ष रंजन ठाकरे, गटनेते गजानन शेलार यांनी पत्रकार परिषद घेवून आंदोलनांची घोषणा केली. नाशिकरोड येथे बिटको पॉइंटवरून विभागीय कार्यालयावर मोर्चा काढण्यात येणार आहे. २७ फेब्रुवारीला नानावली ते नाशिक पूर्व कार्यालय, २८ फेब्रुवारीला सावतानगर ते सिडको विभागीय कार्यालय, १ मार्च रोजी पंचवटी कारंजा ते पंचवटी विभागीय कार्यालय, २ मार्च रोजी गंगापूर रोड ते नाशिक पश्चिम विभागीय कार्यालय आणि ३ मार्च रोजी सातपूर कॉलनी ते सातपूर विभागीय कार्यालयावर हल्लाबोल मोर्चे काढण्यात येणार असल्याची माहिती ठाकरे यांनी दिली. या करवाढीमुळे बालकाच्या खिशावरच पालकाकडून डल्ला मारण्याचा प्रकार घडत असून हा निर्णय मागे घेण्यास भाग पाडू असे ते म्हणाले. राष्ट्रवादीचे गटनेता गजानन शेलार, महीला कार्याध्यक्षा सुषमा पगारे, निवृत्ती अरिंगळे, नगरसेविका समिना मेमन तसेच विभागीय अध्यक्ष उपस्थित होते.
काँग्रेसचे आज आंदोलन
राष्ट्रवादीबरोबरच शहर काँग्रेसच्या वतीने शुक्रवारी ११ वाजता महापालिका कार्यालयाबाहेर धरणे आंदोलन करण्यात येणार आहे. भाजपने केलेली करवाढ ही अन्याय्य असून, ती मागे न घेतल्यास काँग्रेसकडून तीव्र आंदोलन छेडण्याचा इशारा शहराध्यक्ष शरद आहेर यांनी दिला आहे. करवाढीच्या विरोधातील आंदोलनात नागरिकांनीही सहभागी व्हावे असे आवाहन आहेर यांनी केले आहे. त्यामुळे भाजपची कोंडी अधिकच वाढणार असून ही करवाढ अंगलट येण्याची शक्यता आहे.
माकपची निदर्शने
राष्ट्रवादी आणि काँग्रेस करवाढीच्या विरोधात आंदोलन करण्याच्या तयारीत असतानाच, गुरुवारी महापालिकेच्या मुख्यालयासमोर माकपच्या वतीने करवाढीच्या निषेधार्थ जोरदार निदर्शने करण्यात आली. या करवाढीने सर्वसामान्य माणसांवर कराचा मोठा भार पडणार असून, आर्थिक गणित बदलणार आहे. त्यामुळे माकप या करवाढीचा तीव्र निषेध करत असून ही करवाढ त्वरीत मागे न घेतल्यास अधिक तीव्र आंदोलनाचा इशारा देण्यात आला आहे. दत्तक नाशिककरांची उपेक्षा केली जात असल्याचाही आरोप त्यांनी यावेळी केला. यावेळी माजी नगरसेवक तानाजी जायभावे, डॉ. श्रीधर देंशपांडे यांच्यासह पदाधिकारी उपस्थित होते.
शिवसेना कुठे आहे?
करवाढीच्या विरोधात महासभेत विरोधात भूमिका घेणारी शिवसेना सभागृहाबाहेर चूप झाल्याबद्दल राष्ट्रवादीने शिवसेनेवर टीका केली. शहर बससेवा आणि करवाढीच्या मुद्द्यावर शिवसेनेची बस कुठे पंक्चर झाली, असा टोला राष्ट्रवादीचे शहराध्यक्ष रंजन ठाकरे यांनी लगावला. भाजप सेनेची सरकारमध्ये युती आहे. महिनाभरापूर्वी शिवसेनेने परिवहन मंत्र्यांना शहर बससेवेबद्दल अॅक्शन प्लॅन देण्याची घोषणा केली होती. ही घोषणा कुठे गेली, असा जाब विचारत, करवाढीवर शिवसेना आता गप्प का, असा सवाल उपस्थित केला आहे.
सत्ताधारी भाजपने महासभेत भरमसाठ करवाढीला मंजुरी दिल्यानंतर याविरोधात जनक्षोभ उसळत असून, विरोधकांनी रस्त्यावर उतरून करवाढीचा निषेध करण्यास सुरुवात केली आहे. घरपट्टीच्या जबर करवाढीविरोधात राष्ट्रवादी काँग्रेसच्या वतीने शुक्रवारपासून सहा विभागीय कार्यालयांवर हल्लाबोल मोर्चे काढून आंदोलने केली जाणार आहेत. नाशिकरोड कार्यालयापासून या आंदोलनाची सुरुवात होणार आहे. काँग्रेसकडून शुक्रवारी महापालिकेवर आंदोलन केले जाणार आहे. माकपच्या वतीने गुरुवारी महापालिकेच्या मुख्यालयाबाहेर निदर्शने करीत, करवाढीचा निषेध करण्यात आला.
मंगळवारच्या महासभेत सत्ताधारी भाजपने निवासी मालमत्ता करात ३३, अनिवासी मालमत्ता करात ६४ तर औद्योगिक मालमत्ता करात ८२ टक्के अशी भरमसाठ वाढ केली आहे. या करवाढीच्या दिवशीच विरोधी पक्षांनी या करवाढीला विरोध करीत, आंदोलनांचा इशारा दिला होता. परंतु, तरीही सत्ताधाऱ्यांनी बहुमताच्या जोरावर प्रस्ताव मंजूर केल्याने विरोधकांनी रस्त्यावर उतरून आंदोलनाची तयारी केली आहे. राष्ट्रवादी कॉँग्रेसच्या वतीने आजपासून (दि. २३) महापालिकेच्या सहाही विभागीय कार्यालयांवर ‘हल्लाबोल’ मोर्चे काढून या करवाढीचा निषेध करण्यात येणार आहे. राष्ट्रवादी काँग्रेसचे शहराध्यक्ष रंजन ठाकरे, गटनेते गजानन शेलार यांनी पत्रकार परिषद घेवून आंदोलनांची घोषणा केली. नाशिकरोड येथे बिटको पॉइंटवरून विभागीय कार्यालयावर मोर्चा काढण्यात येणार आहे. २७ फेब्रुवारीला नानावली ते नाशिक पूर्व कार्यालय, २८ फेब्रुवारीला सावतानगर ते सिडको विभागीय कार्यालय, १ मार्च रोजी पंचवटी कारंजा ते पंचवटी विभागीय कार्यालय, २ मार्च रोजी गंगापूर रोड ते नाशिक पश्चिम विभागीय कार्यालय आणि ३ मार्च रोजी सातपूर कॉलनी ते सातपूर विभागीय कार्यालयावर हल्लाबोल मोर्चे काढण्यात येणार असल्याची माहिती ठाकरे यांनी दिली. या करवाढीमुळे बालकाच्या खिशावरच पालकाकडून डल्ला मारण्याचा प्रकार घडत असून हा निर्णय मागे घेण्यास भाग पाडू असे ते म्हणाले. राष्ट्रवादीचे गटनेता गजानन शेलार, महीला कार्याध्यक्षा सुषमा पगारे, निवृत्ती अरिंगळे, नगरसेविका समिना मेमन तसेच विभागीय अध्यक्ष उपस्थित होते.
काँग्रेसचे आज आंदोलन
राष्ट्रवादीबरोबरच शहर काँग्रेसच्या वतीने शुक्रवारी ११ वाजता महापालिका कार्यालयाबाहेर धरणे आंदोलन करण्यात येणार आहे. भाजपने केलेली करवाढ ही अन्याय्य असून, ती मागे न घेतल्यास काँग्रेसकडून तीव्र आंदोलन छेडण्याचा इशारा शहराध्यक्ष शरद आहेर यांनी दिला आहे. करवाढीच्या विरोधातील आंदोलनात नागरिकांनीही सहभागी व्हावे असे आवाहन आहेर यांनी केले आहे. त्यामुळे भाजपची कोंडी अधिकच वाढणार असून ही करवाढ अंगलट येण्याची शक्यता आहे.
माकपची निदर्शने
राष्ट्रवादी आणि काँग्रेस करवाढीच्या विरोधात आंदोलन करण्याच्या तयारीत असतानाच, गुरुवारी महापालिकेच्या मुख्यालयासमोर माकपच्या वतीने करवाढीच्या निषेधार्थ जोरदार निदर्शने करण्यात आली. या करवाढीने सर्वसामान्य माणसांवर कराचा मोठा भार पडणार असून, आर्थिक गणित बदलणार आहे. त्यामुळे माकप या करवाढीचा तीव्र निषेध करत असून ही करवाढ त्वरीत मागे न घेतल्यास अधिक तीव्र आंदोलनाचा इशारा देण्यात आला आहे. दत्तक नाशिककरांची उपेक्षा केली जात असल्याचाही आरोप त्यांनी यावेळी केला. यावेळी माजी नगरसेवक तानाजी जायभावे, डॉ. श्रीधर देंशपांडे यांच्यासह पदाधिकारी उपस्थित होते.
शिवसेना कुठे आहे?
करवाढीच्या विरोधात महासभेत विरोधात भूमिका घेणारी शिवसेना सभागृहाबाहेर चूप झाल्याबद्दल राष्ट्रवादीने शिवसेनेवर टीका केली. शहर बससेवा आणि करवाढीच्या मुद्द्यावर शिवसेनेची बस कुठे पंक्चर झाली, असा टोला राष्ट्रवादीचे शहराध्यक्ष रंजन ठाकरे यांनी लगावला. भाजप सेनेची सरकारमध्ये युती आहे. महिनाभरापूर्वी शिवसेनेने परिवहन मंत्र्यांना शहर बससेवेबद्दल अॅक्शन प्लॅन देण्याची घोषणा केली होती. ही घोषणा कुठे गेली, असा जाब विचारत, करवाढीवर शिवसेना आता गप्प का, असा सवाल उपस्थित केला आहे.