म. टा. खास प्रतिनिधी, नाशिकमुख्यमंत्री योगी आदित्यनाथ यांना धमकी दिल्याप्रकरणी अटक झालेल्या कामरानला सोडा; अन्यथा परिणाम भोगावे लागतील, अशी धमकी देणाऱ्या २० वर्षांच्या तरुणाला महाराष्ट्र दहशतवादी विरोधी पथकाने (एटीएस) अटक केली. उत्तर प्रदेश व्हाया मुंबई नाशिक अशा या प्रकरणाला नवीन कांगोरे मिळाले आहे. सैय्यद मोहमद फैसल अब्दुल वहाब (२०) असे या तरुणाचे नाव आहे. एसवाय बीकॉमचे शिक्षण घेत असलेला सैय्यद मुंबई नाका पोलिस ठाणे हद्दीत राहतो. एटीएस सूत्रांनी दिलेल्या माहितीनुसार संशयित, सैय्यदला कोर्टात हजर करण्यात आले असून, त्यास तीन दिवसांचा ट्रान्झींट रिमांड मंजूर झाला आहे. तपासाचा पुढील भाग उत्तर प्रदेशचा 'एसटीएस' तपासणार असून, आतापर्यंत दोन्ही अटक युवकांचा काय संबंध आहे, ते एखाद्या संघटनेशी जोडले गेले आहेत काय आदी प्रश्नांचे उत्तरे उत्तर प्रदेशचे पोलिस शोधतील, असे या अधिकाऱ्याने स्पष्ट केले.
कामरानसाठी धमकी देणाारा अटकेत
म टा...
महाराष्ट्र टाइम्स.कॉम 26 May 2020, 4:00 am