म. टा. प्रतिनिधी, नाशिक
अमलीपदार्थ सेवन करून रस्त्यात गोंधळ घालणाऱ्या दाम्पत्यास समज देणाऱ्या पोलिसांनाच पती-पत्नीने अरेरावी केल्याची घटना कॉलेजरोड भागात घडली. याप्रकरणी गंगापूर पोलिस स्टेशनमध्ये शासकीय कामात अडथळा आणल्याचा गुन्हा दाखल करण्यात आला असून दाम्पत्यास अटक करण्यात आली आहे.
राहुल प्रेम गांधी आणि हर्षा राहुल गांधी (रा. रामेश्वरनगर, पाइपलाइन रोड) अशी अटक केलेल्या पती-पत्नीचे नाव आहे. राहुल व हर्षा रविवारी भोसला टी पॉईंट भागात अमली पदार्थ सेवन करून एकमेकांशी हुज्जत घालतांना पोलिसांना आढळून आले. पोलिसांनी समज देत वाद मिटविण्याचा प्रयत्न केला. मात्र, दाम्पत्याने आरडाओरड करीत आमचा वैयक्तिक वाद असून तुमचा काय संबध? असे म्हणत पोलिसांशी हुज्जत घातली. यावेळी महिला कर्मचाऱ्यांनी हर्षा हिला पोलिस वाहनात बसण्याचा आग्रह धरला. त्यावर संतापलेल्या हर्षाने पोलिस महिलेचे केस धरून ‘तुमच्याकडे बघून घेऊ’ अशी धमकी दिली. याप्रकरणी गंगापूर पोलिस स्टेशनमध्ये या दाम्पत्याविरूध्द गुन्हा दाखल करण्यात आला असून दोघांना अटक करण्यात आली आहे. अधिक तपास उपनिरीक्षक पाळदे करीत आहेत.
अमलीपदार्थ सेवन करून रस्त्यात गोंधळ घालणाऱ्या दाम्पत्यास समज देणाऱ्या पोलिसांनाच पती-पत्नीने अरेरावी केल्याची घटना कॉलेजरोड भागात घडली. याप्रकरणी गंगापूर पोलिस स्टेशनमध्ये शासकीय कामात अडथळा आणल्याचा गुन्हा दाखल करण्यात आला असून दाम्पत्यास अटक करण्यात आली आहे.
राहुल प्रेम गांधी आणि हर्षा राहुल गांधी (रा. रामेश्वरनगर, पाइपलाइन रोड) अशी अटक केलेल्या पती-पत्नीचे नाव आहे. राहुल व हर्षा रविवारी भोसला टी पॉईंट भागात अमली पदार्थ सेवन करून एकमेकांशी हुज्जत घालतांना पोलिसांना आढळून आले. पोलिसांनी समज देत वाद मिटविण्याचा प्रयत्न केला. मात्र, दाम्पत्याने आरडाओरड करीत आमचा वैयक्तिक वाद असून तुमचा काय संबध? असे म्हणत पोलिसांशी हुज्जत घातली. यावेळी महिला कर्मचाऱ्यांनी हर्षा हिला पोलिस वाहनात बसण्याचा आग्रह धरला. त्यावर संतापलेल्या हर्षाने पोलिस महिलेचे केस धरून ‘तुमच्याकडे बघून घेऊ’ अशी धमकी दिली. याप्रकरणी गंगापूर पोलिस स्टेशनमध्ये या दाम्पत्याविरूध्द गुन्हा दाखल करण्यात आला असून दोघांना अटक करण्यात आली आहे. अधिक तपास उपनिरीक्षक पाळदे करीत आहेत.