नाशिकरोड : येथील महाविद्यालयीन विद्यार्थिनीचा पाठलाग करून छेडछाड करणाऱ्या तरुणाने मुलीच्या आई व मावशीवर हल्ला करून जखमी केल्याने खळबळ उडाली आहे. उपनगर पोलिस ठाण्यात याबाबत गुन्हा दाखल करण्यात आला आहे. मंगळवारी दुपारी महाविद्यालय सुटल्यानंतर फिर्यादीची मुलगी घरी येत होती. त्यावेळी ओळखीचा शुभम चव्हाण (समतानगर, आगरटाकळी) व त्याचे दोन-तीन साथीदार यांनी मुलीचा महाविद्यालयापासून पाठलाग केला. घराजवळ आल्यावर शिवीगाळ केली. मुलीने हा प्रकार कुटुंबीयांना सांगितला. शुभमला समजावण्यास गेल्या असता, त्याने वाद घालून मुलीच्या आई व मावशीच्या हात व छातीवर शस्त्राने वार करून जखमी केले.
आई-मावशीवर हल्ला
येथील महाविद्यालयीन विद्यार्थिनीचा पाठलाग करून छेडछाड करणाऱ्या तरुणाने मुलीच्या आई व मावशीवर हल्ला करून जखमी केल्याने खळबळ उडाली आहे...
महाराष्ट्र टाइम्स.कॉम 21 Nov 2019, 4:00 am