आयसीएसईत बार्न्स स्कूलचे यश
म. टा. वृत्तसेवा, देवळाली कॅम्प
भारतीय शिक्षण माध्यमिक प्रमाणपत्र अर्थात आयसीएसई परीक्षेत देवळालीच्या बार्न्स स्कूलने ज्ञान, मेहनत आणि देशाभिमान अशी असलेली परंपरा जोपासत दहावी व बारावीच्या परीक्षेत पुन्हा १०० टक्के निकाल देत कायम ठेवली आहे.
आयसीएसई बोर्डाच्या वतीने काल शैक्षणिक वर्ष २०१८-१९ मधील इयत्ता दहावी व बारावी शालांत परीक्षेचा निकाल जाहीर करण्यात आला. या परीक्षेत येथील बार्न्स स्कूलमध्ये दहावीसाठी परीक्षेस बसलेले एकूण ११३ विद्यार्थी तर बारावीच्या परीक्षेस बसलेले ३३ विद्यार्थी पास झाले आहे. बारावीमध्ये ९५.३३ टक्के गुण मिळवून ओम शाह हा विद्यार्थी प्रथम तर दहावीमध्ये ९४.२५ टक्के गुण मिळवून साक्षी मिश्रा हि विद्यार्थिनी प्रथम आली आहे. सर्व गुणवंत विद्यार्थ्यांचे शाळेचे प्राचार्य अॅन्स्ली अॅडगर व उपप्राचार्या उत्तरा कुलकर्णी, दीपक राजपूत, मॅल्कम ऑवेचिकन यांसह सर्व शिक्षकांनी अभिनंदन केले आहे.