म. टा. खास प्रतिनिधी, नाशिक
महापालिका निवडणूक जाहीर झाल्यापासून भारतीय जनता पक्षात विविध कारणांनी सुरू असलेली रस्सीखेच आता भव्यदिव्य अशा यशानंतरही सरुच आहे. निवडून आलेल्या नगरसेवकांनी महापौर पद वगळता महापालिकेतील इतर महत्त्वाच्या पदांसाठी फिल्डिंग लावण्यास सुरुवात केली आहे. त्यामुळे तिकीट वाटपापासून सुरू असलेली रस्सीखेच आता निकालानंतर खातेवाटपापर्यंत सुरू राहणार असल्याचे दिसत आहे.
महापौरपद हे अनुसूचित जमातीसाठी राखीव असल्याने सर्वसाधारण गटातून निवडून आलेल्यांनी इतर महत्त्वाच्या पदांकडे आपला मोर्चा वळवला आहे. उपमहापौर, सभागृह नेतेपद, स्थायी समिती सभापतीसह गटनेतेपदांसाठी इच्छुकांनी आपले डाव खेळण्यास सुरुवात केली आहे. यात नुकतेच भाजपवासी झालेल्यांसह आयारामांचा समावेश आहे. भाजपला महापालिकेत प्रतिनिधीत्व देतांना जातीय समतोलही राखावा लागणार आहे. सर्वाधिक रस्सीखेच ही उपमहापौर पदासाठी असून, त्यात संभाजी मोरुस्कर व दिनकर पाटील यांच्यात स्पर्धा होण्याची शक्यता आहे.
महापालिकेत प्रथमच भाजपची सत्ता आली असून, ६६ सदस्य निवडून आले आहेत. एक हाती सत्ता असल्याने महापालिकेत भाजपचाच बोलबाला राहणार आहे. त्यामुळे महापालिकेतील महत्त्वाची पदे पदरात पाडून घेण्यासाठी आता नवनिर्वाचीत सदस्यांमध्ये स्पर्धा लागणार आहे. महापौर पद हे अनुसूचित जमातीसाठी राखीव आहे. यासाठी पाच नगरसेवकांमध्येच स्पर्धा आहे. हे पद वगळता उपमहापौर, सभागृह नेतेपद, गटनेता आणि स्थायी समिती सभापती पद ही खुली आहेत. त्यामुळे या चार पदांवरच सर्वांचा डोळा आहे.
दावेदारांची रीघ
उपमहापौर, सभागृह नेतेपद, गटनेता आणि स्थायी समिती सभापती पदावंर नियुक्ती करतांना भाजप नेत्यांची कसोटी लागणार आहे. या पदासांठी सतीश कुलकर्णी, संभाजी मोरुस्कर, अरुण पवार, कमलेश बोडके, योगेश हिरे, स्वाती भामरे, हिमगौरी आडके या निष्ठांवतांसह भाजपवासी झालेले उद्धव निमसे, दिनकर पाटील, शशीकांत जाधव, शिवाजी गांगुर्डे यांचीही दावेदारी आहे.
दबाव टाकण्यास सुरुवात
सतीश कुलकर्णी हे उपमहापौर राहिल्याने त्यांना या पदावर पुन्हा संधी दिली जाण्याची शक्यता नाही. त्यामुळे संभाजी मोरुस्कर, अरुण पवार यांच्यासह दिनकर पाटील व शिवाजी गांगुर्डे या स्पर्धेत येऊ शकतात. महापौर पद महिला उमेदवाराला मिळाले तर, उपमहापौर पद पुरुष उमेदवाराला मिळू शकते याचा अंदाज बांधून काहींनी यासाठी लॉबिंग सुरू केले आहे. पालकमंत्री गिरीश महाजन यांच्यासह शहराध्यक्षांवर यासाठी दबाव टाकण्यास सुरुवात झाली आहे. उपमहापौर पद मिळाले नाही तर, स्थायी समिती सभापतिपद, गटनेता व सभागृह नेतेपदाची बोली सोडवून घेण्याचे प्रयत्न सुरू आहेत. त्यामुळे महत्त्वाच्या पदांवरची नियुक्ती ही भाजपसाठी मोठी डोकेदुखी ठरण्याची शक्यता आहे.
आमदारांचे लॉबिंग
महापालिकेतील महत्त्वाच्या पदांवर आपल्या मर्जीतल्या नगरसेवकाला संधी मिळावी यासाठी आमदारही प्रयत्न करीत आहेत. महापौरपदाची निवड शहराध्यक्ष करणार असतील तर, उपमहापौर किंवा स्थायी समितीचे पद आपल्या गटातील उमेदवाराला मिळावे यासाठी त्यांनी प्रयत्न सुरू केले आहेत. जातीय समीकरणाचे संतुलन साधण्यासह आमदारांची मर्जी साभांळताना वरिष्ठांचे नाकीनऊ येणार आहे.
महापालिका निवडणूक जाहीर झाल्यापासून भारतीय जनता पक्षात विविध कारणांनी सुरू असलेली रस्सीखेच आता भव्यदिव्य अशा यशानंतरही सरुच आहे. निवडून आलेल्या नगरसेवकांनी महापौर पद वगळता महापालिकेतील इतर महत्त्वाच्या पदांसाठी फिल्डिंग लावण्यास सुरुवात केली आहे. त्यामुळे तिकीट वाटपापासून सुरू असलेली रस्सीखेच आता निकालानंतर खातेवाटपापर्यंत सुरू राहणार असल्याचे दिसत आहे.
महापौरपद हे अनुसूचित जमातीसाठी राखीव असल्याने सर्वसाधारण गटातून निवडून आलेल्यांनी इतर महत्त्वाच्या पदांकडे आपला मोर्चा वळवला आहे. उपमहापौर, सभागृह नेतेपद, स्थायी समिती सभापतीसह गटनेतेपदांसाठी इच्छुकांनी आपले डाव खेळण्यास सुरुवात केली आहे. यात नुकतेच भाजपवासी झालेल्यांसह आयारामांचा समावेश आहे. भाजपला महापालिकेत प्रतिनिधीत्व देतांना जातीय समतोलही राखावा लागणार आहे. सर्वाधिक रस्सीखेच ही उपमहापौर पदासाठी असून, त्यात संभाजी मोरुस्कर व दिनकर पाटील यांच्यात स्पर्धा होण्याची शक्यता आहे.
महापालिकेत प्रथमच भाजपची सत्ता आली असून, ६६ सदस्य निवडून आले आहेत. एक हाती सत्ता असल्याने महापालिकेत भाजपचाच बोलबाला राहणार आहे. त्यामुळे महापालिकेतील महत्त्वाची पदे पदरात पाडून घेण्यासाठी आता नवनिर्वाचीत सदस्यांमध्ये स्पर्धा लागणार आहे. महापौर पद हे अनुसूचित जमातीसाठी राखीव आहे. यासाठी पाच नगरसेवकांमध्येच स्पर्धा आहे. हे पद वगळता उपमहापौर, सभागृह नेतेपद, गटनेता आणि स्थायी समिती सभापती पद ही खुली आहेत. त्यामुळे या चार पदांवरच सर्वांचा डोळा आहे.
दावेदारांची रीघ
उपमहापौर, सभागृह नेतेपद, गटनेता आणि स्थायी समिती सभापती पदावंर नियुक्ती करतांना भाजप नेत्यांची कसोटी लागणार आहे. या पदासांठी सतीश कुलकर्णी, संभाजी मोरुस्कर, अरुण पवार, कमलेश बोडके, योगेश हिरे, स्वाती भामरे, हिमगौरी आडके या निष्ठांवतांसह भाजपवासी झालेले उद्धव निमसे, दिनकर पाटील, शशीकांत जाधव, शिवाजी गांगुर्डे यांचीही दावेदारी आहे.
दबाव टाकण्यास सुरुवात
सतीश कुलकर्णी हे उपमहापौर राहिल्याने त्यांना या पदावर पुन्हा संधी दिली जाण्याची शक्यता नाही. त्यामुळे संभाजी मोरुस्कर, अरुण पवार यांच्यासह दिनकर पाटील व शिवाजी गांगुर्डे या स्पर्धेत येऊ शकतात. महापौर पद महिला उमेदवाराला मिळाले तर, उपमहापौर पद पुरुष उमेदवाराला मिळू शकते याचा अंदाज बांधून काहींनी यासाठी लॉबिंग सुरू केले आहे. पालकमंत्री गिरीश महाजन यांच्यासह शहराध्यक्षांवर यासाठी दबाव टाकण्यास सुरुवात झाली आहे. उपमहापौर पद मिळाले नाही तर, स्थायी समिती सभापतिपद, गटनेता व सभागृह नेतेपदाची बोली सोडवून घेण्याचे प्रयत्न सुरू आहेत. त्यामुळे महत्त्वाच्या पदांवरची नियुक्ती ही भाजपसाठी मोठी डोकेदुखी ठरण्याची शक्यता आहे.
आमदारांचे लॉबिंग
महापालिकेतील महत्त्वाच्या पदांवर आपल्या मर्जीतल्या नगरसेवकाला संधी मिळावी यासाठी आमदारही प्रयत्न करीत आहेत. महापौरपदाची निवड शहराध्यक्ष करणार असतील तर, उपमहापौर किंवा स्थायी समितीचे पद आपल्या गटातील उमेदवाराला मिळावे यासाठी त्यांनी प्रयत्न सुरू केले आहेत. जातीय समीकरणाचे संतुलन साधण्यासह आमदारांची मर्जी साभांळताना वरिष्ठांचे नाकीनऊ येणार आहे.