म. टा. खास प्रतिनिधी, नाशिक
आगामी महापालिका आणि जिल्हापरिषद निवडणुकांच्या तोंडावर भाजपचे प्रदेशाध्यक्ष चंद्रकात पाटील यांनी शनिवारी (दि. १७) दिवसभर संघटनेचा आढावा घेतला. शहर कार्यकारिणीच्या पदाधिकाऱ्यांबरोबर चर्चा करीत, स्थानिक वरिष्ठ नेत्यांशीही त्यांनी दिवसभर गुप्तगू केले. 'सन २०२२' चे लक्ष्य डोळ्यांसमोर ठेवण्याचे आवाहन केले. नाशिकमध्ये कोणत्याही पक्षाशी युती होणार नसल्याचे सांगत, स्वबळाची तयारी करण्याचे आदेश त्यांनी पदाधिकाऱ्यांना दिलेत.
जिल्ह्यातील नाशिक महापालिका आणि जिल्हापरिषदेच्या निवडणुका सन २०२२ मध्ये होणार आहेत. महापालिकेत भाजपची सत्ता असली तरी, जिल्हा परिषद ताब्यात घेण्यात गेल्या वेळी भाजपला अपयश आले. गेल्या साडेचार वर्षांत महापालिकेतील भाजपचा कारभारही वादग्रस्त राहिला आहे. नाशिकमध्ये निवडणुकांना सामोरे जाण्यापूर्वी आमदार विरुद्ध पालिकेतील पदाधिकारी आणि पदाधिकारी-नगरसेवकांमध्ये संघर्ष आहे. पक्षातील गट-तटांमुळे भाजपची प्रतिमा खराब होत चालली आहे. त्या पार्श्वभूमीवर शनिवारी पाटील यांनी शहर पदाधिकारी आणि पक्षाच्या वरिष्ठ नेत्यांशी 'वन टू वन' चर्चा केली. भाजप हे व्यक्तीसापेक्ष संघटन नाही. जो पदाधिकारी अधिक पक्षकार्य करेल, पक्षासाठी वेळ देईल, एकनिष्ठ राहील त्यांनाच उमेदवारी आणि महत्त्वाची पदे मिळतील असे त्यांनी पदाधिकाऱ्यांना सांगितले. येत्या महापालिका निवडणुकीत कोणाशीही युती केली जाणार नाही. त्यामुळे प्रत्येक जागा आपल्याच पदाधिकारी, कार्यकर्त्याला लढायची असल्याने त्या दृष्टीने आतापासूनच तयारीला लागण्याचेही आदेश पाटील यांनी दिले. पदाधिकाऱ्यांशी झालेल्या चर्चेत त्यांच्याकडील जबाबदाऱ्या, बुथनिहाय नियोजन याबाबतच्या चर्चेवरही भर देण्यात आला. यावेळी विविध विषयांवर पदाधिकाऱ्यांचीही झाडाझडती घेण्यात आली.
नगरसेवकांमध्ये फूट?
शहराध्यक्ष गिरीश पालवे यांच्या कामकाजाबाबत नगरसेवकांमध्ये नाराजी आहे. त्यामुळे पालवे यांना बदलावा असा सूर पक्षात आहे. त्या पार्श्वभूमीवर पाटील यांना विचारले असता पक्षात तसेच संघटनात्मक कोणतेही बदल होणार नसल्याचे स्पष्ट केले आहे. प्रत्येक पक्षात अंतर्गत मतभेद असतात असे सांगत, मतभेद नसावेत यासाठी प्रयत्न करीत असल्याचे स्पष्ट केले. पालवे यांना बदलण्यास नकार दिल्यानंतर नगरसेवकांमध्ये नाराजी पसरली असून नगरसेवकांचा एक गट वेगळा विचार करण्याच्या तयारीपर्यंत पोहचला आहे.
आगामी महापालिका आणि जिल्हापरिषद निवडणुकांच्या तोंडावर भाजपचे प्रदेशाध्यक्ष चंद्रकात पाटील यांनी शनिवारी (दि. १७) दिवसभर संघटनेचा आढावा घेतला. शहर कार्यकारिणीच्या पदाधिकाऱ्यांबरोबर चर्चा करीत, स्थानिक वरिष्ठ नेत्यांशीही त्यांनी दिवसभर गुप्तगू केले. 'सन २०२२' चे लक्ष्य डोळ्यांसमोर ठेवण्याचे आवाहन केले. नाशिकमध्ये कोणत्याही पक्षाशी युती होणार नसल्याचे सांगत, स्वबळाची तयारी करण्याचे आदेश त्यांनी पदाधिकाऱ्यांना दिलेत.
जिल्ह्यातील नाशिक महापालिका आणि जिल्हापरिषदेच्या निवडणुका सन २०२२ मध्ये होणार आहेत. महापालिकेत भाजपची सत्ता असली तरी, जिल्हा परिषद ताब्यात घेण्यात गेल्या वेळी भाजपला अपयश आले. गेल्या साडेचार वर्षांत महापालिकेतील भाजपचा कारभारही वादग्रस्त राहिला आहे. नाशिकमध्ये निवडणुकांना सामोरे जाण्यापूर्वी आमदार विरुद्ध पालिकेतील पदाधिकारी आणि पदाधिकारी-नगरसेवकांमध्ये संघर्ष आहे. पक्षातील गट-तटांमुळे भाजपची प्रतिमा खराब होत चालली आहे. त्या पार्श्वभूमीवर शनिवारी पाटील यांनी शहर पदाधिकारी आणि पक्षाच्या वरिष्ठ नेत्यांशी 'वन टू वन' चर्चा केली. भाजप हे व्यक्तीसापेक्ष संघटन नाही. जो पदाधिकारी अधिक पक्षकार्य करेल, पक्षासाठी वेळ देईल, एकनिष्ठ राहील त्यांनाच उमेदवारी आणि महत्त्वाची पदे मिळतील असे त्यांनी पदाधिकाऱ्यांना सांगितले. येत्या महापालिका निवडणुकीत कोणाशीही युती केली जाणार नाही. त्यामुळे प्रत्येक जागा आपल्याच पदाधिकारी, कार्यकर्त्याला लढायची असल्याने त्या दृष्टीने आतापासूनच तयारीला लागण्याचेही आदेश पाटील यांनी दिले. पदाधिकाऱ्यांशी झालेल्या चर्चेत त्यांच्याकडील जबाबदाऱ्या, बुथनिहाय नियोजन याबाबतच्या चर्चेवरही भर देण्यात आला. यावेळी विविध विषयांवर पदाधिकाऱ्यांचीही झाडाझडती घेण्यात आली.
नगरसेवकांमध्ये फूट?
शहराध्यक्ष गिरीश पालवे यांच्या कामकाजाबाबत नगरसेवकांमध्ये नाराजी आहे. त्यामुळे पालवे यांना बदलावा असा सूर पक्षात आहे. त्या पार्श्वभूमीवर पाटील यांना विचारले असता पक्षात तसेच संघटनात्मक कोणतेही बदल होणार नसल्याचे स्पष्ट केले आहे. प्रत्येक पक्षात अंतर्गत मतभेद असतात असे सांगत, मतभेद नसावेत यासाठी प्रयत्न करीत असल्याचे स्पष्ट केले. पालवे यांना बदलण्यास नकार दिल्यानंतर नगरसेवकांमध्ये नाराजी पसरली असून नगरसेवकांचा एक गट वेगळा विचार करण्याच्या तयारीपर्यंत पोहचला आहे.