भाजपकडून इच्छुकांच्या मुलाखतींचा सपाटा

म. टा. वृत्तसेवा, मनमाड

नोव्हेंबरमध्ये होणाऱ्या आगामी मनमाड नगरपालिकेच्या निवडणुकीसाठी भारतीय जनता पक्षातर्फे इच्छुक उमेदवारांच्या मुलाखती बुधवारी जिल्हाध्यक्ष दादा जाधव यांच्या प्रमुख उपस्थितीत खास बैठकीत घेण्यात आल्या. थेट नगराध्यक्षपदासाठी नऊ, तर पालिकेच्या ३१ जागांसाठी तब्बल ५४ इच्छुकांनी मुलाखती देत उमेदवारीची मागणी केली. थेट नगराध्यक्षपद सर्वसाधारण महिला राखीव असल्याने नऊ महिलांनी बैठकीला हजेरी लावून आपली दावेदारी दाखवली.

बैठकीला दादा जाधव यांच्यासह बापूसाहेब पाटील, भाऊराव निकम, जिल्हा उपाध्यक्ष नितीन पांडे, पंकज खताळ, उमाकांत रॉय, नारायण पवार, राजाभाऊ पवार, भीमराव बिडगर, नगरसेवक सचिन दराडे, जयेश फुलवाणी आदी उपस्थित होते. या बैठकीत भाजपची ताकद वाढवून निवडणूक जिंकण्यासाठी तत्पर राहण्याचे सांगण्यात आले. या बैठकीचे संयोजन अंकुश जोशी, जय फुलवाणी, एकनाथ बोडके, तिलोक संकलेचा, सुनील पगारे, संदीप नरवडे आदींनी केले. अॅड. पालवे, अॅड. राजेंद्र पांडे, फिरोज शहा आदींसह कार्यकर्ते उपस्थित होते. यावेळी युवा उद्योजक आनंद बोथरा व रवींद्र कटारे यांनी पक्षप्रवेश केला.