म. टा. खास प्रतिनिधी, नाशिक
भाजपने विद्यमान नगरसेवकांचा ७५ लाखांच्या नगरसेवक निधीचा हट्ट पुरवण्यिासाठी चक्क मनसेच्या काळात मंजूर झालेल्या दोनशे कोटींच्या कामांना कात्री लावण्याची तयारी सुरू केली आहे. मनसेने सत्ताधारी भाजपच्या या कृतीवर आक्षेप घेतला आहे.
मनसेचे गटनेते सलिम शेख यांनी यासदर्भात आयुक्तांना पत्र देवून ही कामे रद्द करू नये, अशी मागणी केली आहे. ही कामे रद्द करण्याऐवजी या कामांच्या वर्क ऑर्डर तत्काळ काढाव्यात असेही शेख यांनी म्हंटले आहे.
सध्या नगरसेवक निधीचे कवित्व पालिकेत सुरू असून, ४० लाख आणि ७५ लाखांचा वाद सुरू आहे. नगरसेवकांना ७५ लाख निधी हवा असेल तर सत्ताधाऱ्यांनी स्पीलओव्हर कमी करून द्यावा, अशी मागणी प्रशासनाने केली आहे. त्यासाठी सत्ताधाऱ्यांनी आता मनसेच्या काळात मंजूर झालेली दोनशे कोटींचे विकास कामे रद्द करण्याची तयारी सुरू केली आहे.
विशेष म्हणजे मनसेच्या काळात शहरातील या सर्व विकासकामांना महासभेने व स्थायी समितीने मंजुरी दिली असून, केवळ वर्कऑर्डरच्या निघणे बाकी आहे. मात्र आता ही कामे रद्द झाल्यास भाजपला नव्याने विकास कामे घेवून ती आपल्या नावावर नोंदविता येणार आहेत. भाजपच्या या खटाटोपावर मनसेने आक्षेप घेतला आहे.
हवे तर श्रेय घ्या…पण कामे सुरू ठेवा
मनसेचे गटनेते शेख यांनी आयुक्तांना पत्र देवून या कामांचे कार्यारंभ आदेश तातडीने देण्याची मागणी केली आहे. सदर कामे ही नागरी हिताचे आहेत. त्यामुळे मनसेच्या नगरसेवकांनी ती महासभा, स्थायीत मंजूर करून घेतली आहे. परंतु याच कामांसाठी सत्ताधारी भाजपचे नगरसेवक हट्ट धरत आहेत. त्यामुळे आवश्यकता वाटल्यास त्यांनी या कामांचे श्रेय घ्यावे, परंतु ती रद्द करू नयेत, अशी मागणी त्यांनी केली आहे.
राज ठाकरे घेणार समाचार
मनसेचे अध्यक्ष राज ठाकरे हे जुलैच्या शेवटच्या किंवा ऑगस्टच्या पहिल्या आठवड्यात नाशिक दौऱ्यावर येत आहेत. भाजपकडून मनसेचा विकास पुसण्याचे जे काम सुरू आहे, त्याचा ते समाचार घेणार असल्याची माहिती पदाधिकाऱ्यांनी दिली. दिल्ली ते गल्ली भाजपच्या सत्ताधाऱ्यांकडून जुन्याच कामांचे श्रेय घेण्याचे काम सुरू आहे. त्यामुळे भाजपचा हा प्रयत्न नाशिकमध्ये मात्र हाणून पाडला जाईल, असा दावा मनसेच्या पदाधिकाऱ्यांनी केला आहे.
भाजपने विद्यमान नगरसेवकांचा ७५ लाखांच्या नगरसेवक निधीचा हट्ट पुरवण्यिासाठी चक्क मनसेच्या काळात मंजूर झालेल्या दोनशे कोटींच्या कामांना कात्री लावण्याची तयारी सुरू केली आहे. मनसेने सत्ताधारी भाजपच्या या कृतीवर आक्षेप घेतला आहे.
मनसेचे गटनेते सलिम शेख यांनी यासदर्भात आयुक्तांना पत्र देवून ही कामे रद्द करू नये, अशी मागणी केली आहे. ही कामे रद्द करण्याऐवजी या कामांच्या वर्क ऑर्डर तत्काळ काढाव्यात असेही शेख यांनी म्हंटले आहे.
सध्या नगरसेवक निधीचे कवित्व पालिकेत सुरू असून, ४० लाख आणि ७५ लाखांचा वाद सुरू आहे. नगरसेवकांना ७५ लाख निधी हवा असेल तर सत्ताधाऱ्यांनी स्पीलओव्हर कमी करून द्यावा, अशी मागणी प्रशासनाने केली आहे. त्यासाठी सत्ताधाऱ्यांनी आता मनसेच्या काळात मंजूर झालेली दोनशे कोटींचे विकास कामे रद्द करण्याची तयारी सुरू केली आहे.
विशेष म्हणजे मनसेच्या काळात शहरातील या सर्व विकासकामांना महासभेने व स्थायी समितीने मंजुरी दिली असून, केवळ वर्कऑर्डरच्या निघणे बाकी आहे. मात्र आता ही कामे रद्द झाल्यास भाजपला नव्याने विकास कामे घेवून ती आपल्या नावावर नोंदविता येणार आहेत. भाजपच्या या खटाटोपावर मनसेने आक्षेप घेतला आहे.
हवे तर श्रेय घ्या…पण कामे सुरू ठेवा
मनसेचे गटनेते शेख यांनी आयुक्तांना पत्र देवून या कामांचे कार्यारंभ आदेश तातडीने देण्याची मागणी केली आहे. सदर कामे ही नागरी हिताचे आहेत. त्यामुळे मनसेच्या नगरसेवकांनी ती महासभा, स्थायीत मंजूर करून घेतली आहे. परंतु याच कामांसाठी सत्ताधारी भाजपचे नगरसेवक हट्ट धरत आहेत. त्यामुळे आवश्यकता वाटल्यास त्यांनी या कामांचे श्रेय घ्यावे, परंतु ती रद्द करू नयेत, अशी मागणी त्यांनी केली आहे.
राज ठाकरे घेणार समाचार
मनसेचे अध्यक्ष राज ठाकरे हे जुलैच्या शेवटच्या किंवा ऑगस्टच्या पहिल्या आठवड्यात नाशिक दौऱ्यावर येत आहेत. भाजपकडून मनसेचा विकास पुसण्याचे जे काम सुरू आहे, त्याचा ते समाचार घेणार असल्याची माहिती पदाधिकाऱ्यांनी दिली. दिल्ली ते गल्ली भाजपच्या सत्ताधाऱ्यांकडून जुन्याच कामांचे श्रेय घेण्याचे काम सुरू आहे. त्यामुळे भाजपचा हा प्रयत्न नाशिकमध्ये मात्र हाणून पाडला जाईल, असा दावा मनसेच्या पदाधिकाऱ्यांनी केला आहे.