म. टा. वृत्तसेवा, आडगाव
राज्य परिवहन महामंडळाच्या तसेच खासगी प्रवासी बसमधून प्रवास करणाऱ्या प्रवाशांना येत्या १० डिसेंबरपासून आपल्या लगेजवर नाव, आसन क्रमांक असलेले स्टीकर लावणे बंधनकारक असणार आहे. प्रवासात तपासणी झाल्यास ज्या वस्तू अथवा लगेजला स्टीकर नसेल त्याची संपूर्ण जबाबदारी वाहनचालकाची व परवानाधारकाचीच असेल, असे परिपत्रक परिवहन आयुक्त कार्यालयाने काढले आहे.
प्रवासी बसमधील प्रवाशांना स्वतःच्या सामानाव्यतिरिक्त अन्य सामान घेऊन जाणे अडचणीचे ठरणार आहे. तसेच जे वाहनचालक, अथवा वाहक स्वतःच्या जबाबदारीवर पार्सल अथवा सामान याआधी घेवून जात होते त्यावर आळा बसणार आहे. घातपाताच्या घटना व हवालामार्गे पोहचणाऱ्या वस्तू व पैशांवरही यामुळे प्रतिबंध येणार आहे. परिवहन महामंडळाच्या बसेसलाही हा नियम लागू असल्याने त्यांच्या वाहक व चालकांची वरची कमाई कमी होणार आहे. मात्र या नियमाची बस प्रशासन कितपत अंमलबजावणी करते याकडे आता प्रवाशांचे लक्ष लागले आहे.
अनेक खासगी आणि परिवहन मंडळाच्या बसेसमधून सतत आक्षेपार्ह सामानाची वाहतूक केली जाते. मात्र तपासात जेव्हा हे समोर येते तेव्हा त्या सामानाची जबाबदारी कुणीही स्वीकारत नाही. त्यामुळे तपास यंत्रणेत अडथळा निर्माण होतो. सदर बाब टाळण्यासाठी प्रवास सुरू होण्यापूर्वीच अथवा प्रवास दरम्यान बसमध्ये येणाऱ्या प्रवाशांनी आपल्या लगेजला स्टीकर लावणे बंधनकारक आहे. या अटींचे उल्लंघन केल्यास परवानाधारकावर कारवाई करण्यात येणार आहे.
राज्य परिवहन महामंडळाच्या तसेच खासगी प्रवासी बसमधून प्रवास करणाऱ्या प्रवाशांना येत्या १० डिसेंबरपासून आपल्या लगेजवर नाव, आसन क्रमांक असलेले स्टीकर लावणे बंधनकारक असणार आहे. प्रवासात तपासणी झाल्यास ज्या वस्तू अथवा लगेजला स्टीकर नसेल त्याची संपूर्ण जबाबदारी वाहनचालकाची व परवानाधारकाचीच असेल, असे परिपत्रक परिवहन आयुक्त कार्यालयाने काढले आहे.
प्रवासी बसमधील प्रवाशांना स्वतःच्या सामानाव्यतिरिक्त अन्य सामान घेऊन जाणे अडचणीचे ठरणार आहे. तसेच जे वाहनचालक, अथवा वाहक स्वतःच्या जबाबदारीवर पार्सल अथवा सामान याआधी घेवून जात होते त्यावर आळा बसणार आहे. घातपाताच्या घटना व हवालामार्गे पोहचणाऱ्या वस्तू व पैशांवरही यामुळे प्रतिबंध येणार आहे. परिवहन महामंडळाच्या बसेसलाही हा नियम लागू असल्याने त्यांच्या वाहक व चालकांची वरची कमाई कमी होणार आहे. मात्र या नियमाची बस प्रशासन कितपत अंमलबजावणी करते याकडे आता प्रवाशांचे लक्ष लागले आहे.
अनेक खासगी आणि परिवहन मंडळाच्या बसेसमधून सतत आक्षेपार्ह सामानाची वाहतूक केली जाते. मात्र तपासात जेव्हा हे समोर येते तेव्हा त्या सामानाची जबाबदारी कुणीही स्वीकारत नाही. त्यामुळे तपास यंत्रणेत अडथळा निर्माण होतो. सदर बाब टाळण्यासाठी प्रवास सुरू होण्यापूर्वीच अथवा प्रवास दरम्यान बसमध्ये येणाऱ्या प्रवाशांनी आपल्या लगेजला स्टीकर लावणे बंधनकारक आहे. या अटींचे उल्लंघन केल्यास परवानाधारकावर कारवाई करण्यात येणार आहे.