म. टा. वृत्तसेवा सिडको
उत्कर्ष मित्र मंडळ सिडको आणि एच. सी. जी. मानवता कॅन्सर सेंटर यांच्या संयुक्त विद्यमाने शनिवारी (दि. २९) मोफत कर्करोग तपासणी व उपचार शिबिर आयोजित करण्यात आले आहे.
विजयनगर येथील उत्कर्ष मित्र मंडळाच्या कार्यालयात सकाळी १० ते दुपारी १ वाजेदरम्यान हे शिबिर होणार आहे.
या शिबिरात एचसीजी मानवता कॅन्सर सेंटरचे वैद्यकीय पथक रुग्णांची तपासणी करून उपचाराबाबत मार्गदर्शन करणार आहेत. या शिबिरात जास्तीत जास्त समाजबांधवांनी सहभाग घ्यावा, असे आवाहन उत्कर्ष महिला मंडळाच्या वतीने डॉ. मेघलता वाणी, अलका देव, संगीता अमृतकर, वर्षा मुसळे, अलका महाजन, मनीषा शिरोळे, नीलिमा भदाणे, सविता अलई, शुभांगी खैरनार यांनी केले आहे.