म. टा. वृत्तसेवा, कळवण
देवळा-सौंदाणा रस्त्यावरील कारने धडक दिल्याने तरुणाचा जागीच मृत्यू झाला. दादाजी काशिनाथ शिरसाठ (३६, रा. मेशी ता. देवळा) असे ठार झालेल्या तरुणाचे नाव आहे. कारने उडविल्यानंतर दादाजी हवेत सुमारे २० फूट उंच जाऊन रस्त्याच्या कडेला असलेल्या गटारीत दगडांवर पडला. यामुळे त्याचा जागीच मृत्यू झाला.
सौंदाण्याकडून देवळ्याकडे भरधाव वेगाने जाणाऱ्या कारचालकाचा (एमएच ४३ एएन ५९३०) गाडीवरील ताबा सुटल्याने रस्त्याच्या कडेला उभ्या असलेल्या दादाजी दादाजीला कारने उडविले. अपघातानंतर कारचालक देवळा पोलिस ठाण्यात हजर झाला. दरम्यान, देवळ्याचे पोलिस निरीक्षक गुलाबराव पाटील, उपनिरीक्षक एस. जी. साबळे, हवलदार वारे, नीलेश सावकार हे घटनास्थळी दाखल झाले. मात्र, पोलिसांनी केलेला पंचनामा वाचून दाखविल्याशिवाय अपघात घडवून आणलेली कार जागेवरून हलवू देणार नाही, असा पवित्रा शिरसाठ यांच्या कुटुंबीयांनी घेतला. त्यामुळे काही काळ तणावाचे वातावरण निर्माण झाले. समयसूचकता दाखवित पोलिसांनी पंचनामा वाचून दाखविला आणि मृताच्या कुटुंबीयांची समजूत काढल्याने तणाव निवळला. त्यानंतर देवळा ग्रामीण रुग्णालयात शवविच्छेदन करून सायंकाळी ४ वाजता मेशी येथे मृत दादाजी यांच्यावर शोकाकुल वातावरणात अंत्यसंस्कार करण्यात आले.
देवळा-सौंदाणा रस्त्यावरील कारने धडक दिल्याने तरुणाचा जागीच मृत्यू झाला. दादाजी काशिनाथ शिरसाठ (३६, रा. मेशी ता. देवळा) असे ठार झालेल्या तरुणाचे नाव आहे. कारने उडविल्यानंतर दादाजी हवेत सुमारे २० फूट उंच जाऊन रस्त्याच्या कडेला असलेल्या गटारीत दगडांवर पडला. यामुळे त्याचा जागीच मृत्यू झाला.
सौंदाण्याकडून देवळ्याकडे भरधाव वेगाने जाणाऱ्या कारचालकाचा (एमएच ४३ एएन ५९३०) गाडीवरील ताबा सुटल्याने रस्त्याच्या कडेला उभ्या असलेल्या दादाजी दादाजीला कारने उडविले. अपघातानंतर कारचालक देवळा पोलिस ठाण्यात हजर झाला. दरम्यान, देवळ्याचे पोलिस निरीक्षक गुलाबराव पाटील, उपनिरीक्षक एस. जी. साबळे, हवलदार वारे, नीलेश सावकार हे घटनास्थळी दाखल झाले. मात्र, पोलिसांनी केलेला पंचनामा वाचून दाखविल्याशिवाय अपघात घडवून आणलेली कार जागेवरून हलवू देणार नाही, असा पवित्रा शिरसाठ यांच्या कुटुंबीयांनी घेतला. त्यामुळे काही काळ तणावाचे वातावरण निर्माण झाले. समयसूचकता दाखवित पोलिसांनी पंचनामा वाचून दाखविला आणि मृताच्या कुटुंबीयांची समजूत काढल्याने तणाव निवळला. त्यानंतर देवळा ग्रामीण रुग्णालयात शवविच्छेदन करून सायंकाळी ४ वाजता मेशी येथे मृत दादाजी यांच्यावर शोकाकुल वातावरणात अंत्यसंस्कार करण्यात आले.