अ‍ॅपशहर

स्वपरीक्षणातून करिअर घडवा!

स्वपरीक्षणातून करिअर घडवा!

Maharashtra Times 27 Mar 2018, 5:00 am
माजी सनदी अधिकारी बी. जी. वाघ यांचा सल्ला
महाराष्ट्र टाइम्स.कॉम career from self examination
स्वपरीक्षणातून करिअर घडवा!


सौरभ बेंडाळे, कॉलेज क्लब रिपोर्टर

सर्व क्षेत्रांच्या परीक्षा देत वेळ घालवू नका. स्वतःचे परीक्षण करत तुम्हाला योग्य वाटेल तेच क्षेत्र निवडून त्या प्रशासनात करिअर घडवा, असा सल्ला माजी सनदी अधिकारी बी. जी. वाघ यांनी विद्यार्थ्यांना दिला. स्पर्धा परीक्षा मार्गदर्शन शिबिरात प्रमुख मार्गदर्शक म्हणून ते बोलत होते.

स्पर्धा हा जगण्याचा मंत्र आहे. प्रत्येक क्षेत्रात स्पर्धेला सामोरे जावेच लागते. आपल्याला नेमके कोणते क्षेत्र योग्य आहे हे जाणून घ्यायला हवे. यासाठी आत्मनिरीक्षण करायला हवे, असेही ते म्हणाले. रेल्वेमध्ये सुमारे ८९,४०९ पदांची महाभरती होणार असून, यानिमित्त मोफत मार्गदर्शन शिबिराचे आयोजन करण्यात आले होते. शनिवारी (दि. २४) रोजी परशुराम साईखेडकर सभागृहात हे शिबिर पार पडले. या वेळी व्यासपीठावर आयएफएस अधिकारी स्वरुप दीक्षित, खासदार हेमंत गोडसे, स्पर्धा परीक्षा मार्गदर्शक अमित निकम, अभिषाल वाघ, आकाश जाधव, सुरेश वराडे उपस्थित होते. यावेळी विद्यार्थ्यांना रेल्वे महाभरतीत असणाऱ्या पदांची माहिती देण्यात आली.

रेल्वे भरतीचा तपशील

रेल्वे महाभरतीत असिस्टंड लोको पायलट पदाच्या २६,५०२ जागा असून यासाठी इंजिनीअरिंग, डिल्पोमा, इलेक्ट्रिकल, मेकॅनिकल, ऑटोमोबाईल, बारावी (फिजिक्स व मॅथ्स) ही शैक्षणिक पात्रता आहे. या पदांसाठी वयाची अट १८ ते ३० (ओबीसी-३३, एससी/एसटी-३८) अशी आहे. या पदांसाठी www.rly-rectappn.in/aptech2018 या वेबसाइटवर अर्ज दाखल करायचे आहेत. तसेच इतर विविध पदांसाठी ६२,९०७ जागा आहेत. यासाठी शैक्षणिक पात्रता १० वी उत्तीर्ण असून वयाची अट १८ ते ३३ (ओबीसी-३६, एससी/एसटी-३८) अशी आहे. या पदांकरिता अर्ज अर्जासाठी www.rrbonlinereg.in या वेबसाइटवर दाखल करायचे आहेत. या अर्जांसाठी ३१ मार्च २०१८ ही अंतिम तारीख आहे.

रेल्वेत 'मराठी' टक्का वाढावा

रेल्वे अधिकाऱ्यांशी चर्चा केल्यानंतर रेल्वे प्रशासनात फक्त २ ते ३ टक्के मराठी अधिकारी कार्यरत असल्याची माहिती मिळाली. यामुळे रेल्वेत मराठी तरुण अधिकाऱ्यांचा टक्का वाढण्याची गरज आहे. या महाभरतीत सर्वाधिक मराठी तरुणांनी यश संपादन करावे. लवकरच युपीएससीद्वारे घेण्यात येणाऱ्या बँकिंग व इतर परीक्षांचे केंद्र म्हणून नाशिक शहराला मान्यता मिळावी, यासाठी प्रयत्न सुरू आहेत, असे मत खासदार हेमंत गोडसे यांनी व्यक्त केले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज