म. टा. वृत्तसेवा, येवला
भरधाव वेगात वाहन चालवतानाच ओव्हरटेक करतेवेळी कुठलेच भान न ठेवल्यास समोरच्या अनेकांच्या जीवावर बेतू शकते याचे उदाहरण म्हणजे रविवारी (दि. २७) सायंकाळी मनमाड-नगर राज्य महामार्गावर झालेला भीषण अपघात. क्रुझर, मारुती ओम्नी व्हॅन, बस व दुचाकी पल्सर या चार वाहनांमध्ये झालेल्या विचित्र भीषण अपघाताचे कारण ठरला तो पल्सर चालक. येवला शहर पोलिस ठाण्यात या अपघातप्रकरणी पोलिसांनी धनंजय धनराज कटारे (वय-३०, रा. संजय गांधी नगर, संगमनेर) या दुचाकी पल्सर चालकास आरोपी केले असून, मोटार वाहन कायद्यान्वये कटारे याच्यावर गुन्हा दाखल केला आहे. या अपघातात कटारेदेखील गंभीर जखमी झाला असून, नाशिक शासकीय रुग्णालयात त्याच्यावर उपचार सुरू आहेत.
नगर-मनमाड राज्य महामार्गावर झालेल्या या अपघातात क्रुझर येवल्याकडून मनमाडच्या दिशेने जात असताना समोरून मारुती ओम्नी व्हॅन, पल्सर व धुळे-पुणे एसटी बस येवल्याकडे येत होते. आपल्या एका मित्रासह येणाऱ्या पल्सर चालकाने भरधाव वेगात प्रथम एसटी बसला ओव्हरटेक केले. त्यानंतर तो मारुती व्हॅनला ओव्हरटेक करून भरधाव वेगात समोरून येणाऱ्या क्रुझरच्या ड्रायवर साईडला धडकला. पल्सर धडकणार असल्याने क्रुझर चालकाने एकदम ब्रेक दाबले. त्यात क्रुझरचे ड्रायव्हर बाजूचे पुढील चाक फुटल्याने ती समोरून येणाऱ्या मारुती व्हॅनवर धडकली. अपघातात ‘क्रुझर’मधील आदित्य बबन मरसाळे (वय-१२, रा.धुळे), महेश दिलीप राव (३५, रा. सुरत) व यश महेश राव (१०, रा.सुरत), तर संजय हरिभाऊ सोनवणे (३२) या मारुती ओम्नी व्हॅन चालकासह व्हॅनमधील निशांत मनोज तिवारी (२३), सुरेशचंद तेजबापु पोरवाल (३५), सिवा उर्फ मना आशुतोष तिवारी (१९) हे सात जण जागीच ठार झाले.
भरधाव वेगात वाहन चालवतानाच ओव्हरटेक करतेवेळी कुठलेच भान न ठेवल्यास समोरच्या अनेकांच्या जीवावर बेतू शकते याचे उदाहरण म्हणजे रविवारी (दि. २७) सायंकाळी मनमाड-नगर राज्य महामार्गावर झालेला भीषण अपघात. क्रुझर, मारुती ओम्नी व्हॅन, बस व दुचाकी पल्सर या चार वाहनांमध्ये झालेल्या विचित्र भीषण अपघाताचे कारण ठरला तो पल्सर चालक. येवला शहर पोलिस ठाण्यात या अपघातप्रकरणी पोलिसांनी धनंजय धनराज कटारे (वय-३०, रा. संजय गांधी नगर, संगमनेर) या दुचाकी पल्सर चालकास आरोपी केले असून, मोटार वाहन कायद्यान्वये कटारे याच्यावर गुन्हा दाखल केला आहे. या अपघातात कटारेदेखील गंभीर जखमी झाला असून, नाशिक शासकीय रुग्णालयात त्याच्यावर उपचार सुरू आहेत.
नगर-मनमाड राज्य महामार्गावर झालेल्या या अपघातात क्रुझर येवल्याकडून मनमाडच्या दिशेने जात असताना समोरून मारुती ओम्नी व्हॅन, पल्सर व धुळे-पुणे एसटी बस येवल्याकडे येत होते. आपल्या एका मित्रासह येणाऱ्या पल्सर चालकाने भरधाव वेगात प्रथम एसटी बसला ओव्हरटेक केले. त्यानंतर तो मारुती व्हॅनला ओव्हरटेक करून भरधाव वेगात समोरून येणाऱ्या क्रुझरच्या ड्रायवर साईडला धडकला. पल्सर धडकणार असल्याने क्रुझर चालकाने एकदम ब्रेक दाबले. त्यात क्रुझरचे ड्रायव्हर बाजूचे पुढील चाक फुटल्याने ती समोरून येणाऱ्या मारुती व्हॅनवर धडकली. अपघातात ‘क्रुझर’मधील आदित्य बबन मरसाळे (वय-१२, रा.धुळे), महेश दिलीप राव (३५, रा. सुरत) व यश महेश राव (१०, रा.सुरत), तर संजय हरिभाऊ सोनवणे (३२) या मारुती ओम्नी व्हॅन चालकासह व्हॅनमधील निशांत मनोज तिवारी (२३), सुरेशचंद तेजबापु पोरवाल (३५), सिवा उर्फ मना आशुतोष तिवारी (१९) हे सात जण जागीच ठार झाले.