मराठा हायस्कूलमध्ये संस्कृतमध्ये कार्यक्रम
मराठा विद्या प्रसारक समाज संस्थेच्या नाशिक येथील मराठा हायस्कूलमध्ये आषाढ शुद्ध प्रतिपदेला महाकवी कालिदास दिन मोठ्या उत्साहाने साजरा करण्यात आला. कार्यक्रमाच्या अध्यक्षस्थानी विद्यालयाचे मुख्याध्यापक अरुण पवार होते. व्यासपीठावर पर्यवेक्षक एस. बी. सोमवंशी व शिक्षक उपस्थित होते. महाकवी कालिदास यांच्या प्रतिमेचे पूजन मान्यवरांच्या हस्ते करण्यात आले. त्यानंतर संगीत शिक्षक दिनकर दांडेकर यांच्या मार्गदर्शनाखाली विद्यालयाच्या गीतमंचाने संस्कृत गीताचे गायन केले.
अनुज पगार व ईश्वरी सांगळे यांनी आपल्या मनोगतात संस्कृतमधून कालिदासाचे जीवन कार्य याविषयी माहिती दिली. अध्यक्षीय भाषणात पवार यांनी कालिदास यांचे जीवनकार्य व ग्रंथ संपदा याविषयी आपले विचार प्रकट करून मार्गदर्शन केले. संपूर्ण कार्यक्रम संस्कृतमधून सादर करण्यात आला. कार्यक्रमाचे सूत्रसंचालन तनिष्का गाडगीळ हिने केले तर आभार प्रदर्शन ऋतुजा राजपूत हिने केले. कार्यक्रम यशस्वी करण्यासाठी संस्कृत शिक्षक जी. व्ही. आंभोरे, आर. एन. सोनवणे, वाय. ए. पगार, एस. व्ही. गाडे यांनी प्रयत्न केले.
---
पेठे विद्यालयात संस्कृत सुभाषित पठण
नाशिक एज्युकेशन सोसायटीच्या रविवार कारंजा येथील पेठे विद्यालयात मोठ्या उत्साहात कालिदास दिन साजरा झाला. 'आषाढस्य प्रथम दिवस' म्हणून साजरा केल्या जाणाऱ्या महाकवी कालिदास दिनी इयत्ता नववीच्या विद्यार्थ्यांनी शाळेत संस्कृत सुभाषित पठण केले. गौरी मिश्रा व निनाद बोरसे या विद्यार्थ्यांनी महाकवी कालिदासांबद्दल माहिती सांगितली. कार्यक्रमात रुपाली धारणे यांनी कालिदासाचे साहित्याविषयी सांगितले. मुख्याध्यापक एकनाथ कडाळे यांनी महाकवी कालिदासांच्या मेघदूत साहित्यकृतीविषयी माहिती सांगितली. याप्रसंगी व्यासपीठावर मुख्याध्यापक एकनाथ कडाळे, उपमुख्याध्यापक मुक्ता सप्रे, शिक्षक प्रतिनिधी शशांक मदाने, राजेंद्र कापसे, वर्षा मोरोणे, राजश्री मुळे आदी उपस्थित होते. कार्यक्रम सूत्रसंचालन मीनल पत्की यांनी तर आभारप्रदर्शन हेमंत काशीकर यांनी केले.