नाशिक: नाशिक कृषी उत्पन्न बाजार समितीचे सभापती शिवाजी चुंभळे यांना तीन लाख रुपयांची लाच घेताना रंगेहाथ अटक करण्यात आली आहे. लाचलुचपत प्रतिबंधक विभागानं ही कारवाई केली. राजकीयदृष्ट्या वजनदार व्यक्तिमत्त्व असलेल्या चुंभळे यांच्या अटकेमुळं नाशिकमध्ये चर्चेला उधाण आलं आहे.
कामावरून कमी करण्यात आलेल्या एका कर्मचाऱ्याला पुन्हा कामावर घेण्यासाठी चुंभळे यांनी १० लाख रुपयांची मागणी केली होती. अखेर ३ लाखांवर सौदा पटला होता. लाचलुचपत प्रतिबंधक खात्याला याबाबतची माहिती मिळाली होती. त्यानुसार एसीबीचे अधीक्षक सुनील कडासने यांनी स्वत: चुंभळे यांच्यावरील कारवाईसाठी ट्रॅप लावला. त्यात ते अलगद सापडले. तीन लाखांची रक्कम घेताना त्यांना ताब्यात घेण्यात आलं.
यापूर्वी माजी खासदार देविदास पिंगळे यांना बाजार समितीच्या सभापतीपदी असताना अशाच एका प्रकरणात अटक झाली होती. त्यांच्यानंतर लाच प्रकरणात अटक झालेले चुंभळे हे दुसरे सभापती आहेत.
कोण आहेत शिवाजी चुंभळे?
शिवाजी चुंभळे हे सध्या शिवसेनेत असून नाशिक जिल्हा सहकारी बँकेच्या संचालक मंडळावर आहेत. पूर्वी ते राष्ट्रवादीचे नगरसेवक होते. त्यांच्या पत्नी शिवसेनेच्या विद्यमान नगरसेविका आहेत. पुतण्या रत्नाकर पंचायत समितीचा उपसभापती आहे. रत्नाकरची पत्नी विजयश्री या गेल्या टर्ममध्ये नाशिक जिल्हा परिषदेच्या अध्यक्षा होत्या. हे दोघेही सध्या राष्ट्रवादीत आहेत.
कामावरून कमी करण्यात आलेल्या एका कर्मचाऱ्याला पुन्हा कामावर घेण्यासाठी चुंभळे यांनी १० लाख रुपयांची मागणी केली होती. अखेर ३ लाखांवर सौदा पटला होता. लाचलुचपत प्रतिबंधक खात्याला याबाबतची माहिती मिळाली होती. त्यानुसार एसीबीचे अधीक्षक सुनील कडासने यांनी स्वत: चुंभळे यांच्यावरील कारवाईसाठी ट्रॅप लावला. त्यात ते अलगद सापडले. तीन लाखांची रक्कम घेताना त्यांना ताब्यात घेण्यात आलं.
यापूर्वी माजी खासदार देविदास पिंगळे यांना बाजार समितीच्या सभापतीपदी असताना अशाच एका प्रकरणात अटक झाली होती. त्यांच्यानंतर लाच प्रकरणात अटक झालेले चुंभळे हे दुसरे सभापती आहेत.
कोण आहेत शिवाजी चुंभळे?
शिवाजी चुंभळे हे सध्या शिवसेनेत असून नाशिक जिल्हा सहकारी बँकेच्या संचालक मंडळावर आहेत. पूर्वी ते राष्ट्रवादीचे नगरसेवक होते. त्यांच्या पत्नी शिवसेनेच्या विद्यमान नगरसेविका आहेत. पुतण्या रत्नाकर पंचायत समितीचा उपसभापती आहे. रत्नाकरची पत्नी विजयश्री या गेल्या टर्ममध्ये नाशिक जिल्हा परिषदेच्या अध्यक्षा होत्या. हे दोघेही सध्या राष्ट्रवादीत आहेत.