रामशेज विद्यालयात बालदिन उत्साहात
रामशेज माध्यमिक विद्यालय आशेवाडी केंद्र, रासेगाव ता. दिंडोरी या विद्यालयात बालदिन उत्साहात साजरा करण्यात आला. यावेळी प्रमुख पाहुण्यांच्या हस्ते पंडित जवाहरलाल नेहरू तसेच सरस्वती माता यांच्या प्रतिमेचे पूजन करण्यात आले. विद्यार्थ्यांच्या हस्ते केक कापून कार्यक्रमाची सुरुवात करण्यात आली. विद्यार्थ्यांनी बालदिनाविषयी भाषणे सादर केली. विद्यार्थ्यांना बालदिनाचे महत्व पटवून देण्यात आले. तसेच विद्यार्थ्यांना विविध शैक्षणिक साहित्याचे वाटप करण्यात आले. यानंतर नासिक राऊंड टेबल १०७ व नासिक लेडीज सर्कल ११९ यांच्या वतीने चित्र रंगभरण स्पर्धेचे आयोजन करण्यात आले व त्यात सहभागी विद्यार्थ्यांना आकर्षक बक्षिसे भेट देण्यात आली. यावेळी नासिक राऊंड टेबल ११९ चे चेअरमन आनंद राठी, नासिक लेडीज सर्कल १०७ च्या चेअरपरसन रश्मी अग्रवाल तसेच विजया देवरे चाइल्ड हेल्पलाइनच्या समुपदेशक विजया शिंदे आदी उपस्थित होते.