नाशिक : आईला वाटत होतं त्याने सरकारी अधिकारी व्हावं. वडील म्हणत होते, कुठलेही काम कर, पण जे करशील त्यात नाव कमव. आईच्या इच्छेनुसार तो सनदी लेखापाल झाला. तलाठी झाला. आयपीएसची परीक्षा देत असताना, मात्र त्याने आपल्या आवडत्या नृत्याच्या क्षेत्राकडे वळण्याचा निर्णय घेतला. आज तो जगातील सर्वात जास्त दर्शकसंख्या असलेल्या डान्स फीट या यू ट्यूब चॅनलचा मालक आहे. त्याचे नाव आहे तेजस ढोके.
तेजसने त्याची मैत्रीण इश्प्रित डांगबरोबर डान्स फीट हे नृत्यासाठी वाहिलेले चॅनल तयार केले असून, आतापर्यंत या चॅनलचे ५२ लाख सबस्क्रायबर झाले आहेत. जगातील सर्वात जास्त पाहिल्या जाणाऱ्या यू ट्यूब चॅनलचा मालक होण्याचा मान त्यांनी मिळवला आहे. एक अब्ज लोकांनी तेजस आणि इश्प्रितच्या नृत्याचा आनंद घेतला आहे. तेजस ढोके हा शहरातील सीडीओ मेरी हायस्कूलचा विद्यार्थी. शालेय शिक्षण पूर्ण झाल्यानंतर त्याने बीवायके कॉलेजमध्ये प्रवेश घेतला. त्यानंतर कॉलेजरोडवरील अतुल नारंग यांचा नृत्याचा क्लास जॉइन केला. नृत्याचा सराव सुरू असतानाच त्याने ग्रॅज्युएशन तसेच वकिलीचे शिक्षण पूर्ण केले. त्यानंतर स्पर्धात्मक परीक्षा देऊन सनदी लेखापाल, तलाठी झाला. मात्र यापेक्षा वेगळे काहीतरी करावे, अशी इच्छा असल्याने तो पुण्याला आयपीएसचा अभ्यास करण्यासाठी रवाना झाला. आईची प्रकृती खालावल्याने त्याला नाशिकला यावे लागले. हातात पोट भरण्याइतपत शिक्षण होते, परंतु त्यातून आनंद मिळत नव्हता म्हणून तो पुन्हा नृत्याकडे वळाला. मूळची संगमनेरची असलेली आणि शहरात एका कॉर्पोरेट कंपनीत काम करणारी इश्प्रित डांग त्याला भेटली. दोघांनी नृत्यातच करिअर करण्याचा निर्णय घेतला. सुरुवातीला गंगापूर रोडवरील एका स्टुडिओत नृत्याचे धडे देण्यास सुरुवात केली. यामध्ये लहान मुले, मोठी माणसे, महिलांसाठी झुंबा असे वेगवेगळे प्रकार शिकवण्यास सुरुवात केली. अल्पावधीतच त्यांच्याकडे गर्दी वाढली. सन २०१६ मध्ये यू ट्यूबचे फारसे दर्शक नव्हते. त्याने मोबाइलवरून केलेल्या पहिल्या व्हिडीओला फारसा प्रतिसाद मिळाला नाही. मात्र त्याने तयार केलेल्या पाचव्या व्हिडीओला पाच लाख सबस्क्रायबर मिळाले. यानंतर त्याने मागे वळून पाहिले नाही. मुलांना जे शिकवले जाईल, त्याचा व्हिडीओ तो टाकत गेला. आज तो सर्वात जास्त पाहिल्या जाणाऱ्या चॅनलचा कलाकार म्हणून भारतात प्रसिद्ध आहे.
.....
... यांच्याबरोबर करतोय काम
देश-विदेशातील डान्स शो बरोबरच भारतातील डान्स इंडिया डान्स सारख्या कार्यक्रमातदेखील त्याने हजेरी लावली आहे. त्याचबरोबर नेहा कक्कर, गुरू रंधवा, नोरा फतेही, कार्तिक आर्यन, सारा अली खान, राजकुमार, मॉली रॉय, हनिसिंग यांच्याबरोबर काम करतोय.
ठरवलं असतं तर आयपीएस नक्की झालो असतो. मात्र त्यात माझं मन रमत नव्हतं. माझ्यासारखीच परिस्थिती इश्प्रितची होती, तीदेखील मोठ्या कंपनीत काम करीत होती. आम्ही दोघांनी नृत्यातच करिअर करण्याचा निर्णय घेतला. आज जगातील सर्वात जास्त दर्शकसंख्या असलेल्या यू ट्यूब चॅनलचा मी कलाकार आहे.
- तेजस ढोके, नृत्य कलाकार
तेजसने त्याची मैत्रीण इश्प्रित डांगबरोबर डान्स फीट हे नृत्यासाठी वाहिलेले चॅनल तयार केले असून, आतापर्यंत या चॅनलचे ५२ लाख सबस्क्रायबर झाले आहेत. जगातील सर्वात जास्त पाहिल्या जाणाऱ्या यू ट्यूब चॅनलचा मालक होण्याचा मान त्यांनी मिळवला आहे. एक अब्ज लोकांनी तेजस आणि इश्प्रितच्या नृत्याचा आनंद घेतला आहे. तेजस ढोके हा शहरातील सीडीओ मेरी हायस्कूलचा विद्यार्थी. शालेय शिक्षण पूर्ण झाल्यानंतर त्याने बीवायके कॉलेजमध्ये प्रवेश घेतला. त्यानंतर कॉलेजरोडवरील अतुल नारंग यांचा नृत्याचा क्लास जॉइन केला. नृत्याचा सराव सुरू असतानाच त्याने ग्रॅज्युएशन तसेच वकिलीचे शिक्षण पूर्ण केले. त्यानंतर स्पर्धात्मक परीक्षा देऊन सनदी लेखापाल, तलाठी झाला. मात्र यापेक्षा वेगळे काहीतरी करावे, अशी इच्छा असल्याने तो पुण्याला आयपीएसचा अभ्यास करण्यासाठी रवाना झाला. आईची प्रकृती खालावल्याने त्याला नाशिकला यावे लागले. हातात पोट भरण्याइतपत शिक्षण होते, परंतु त्यातून आनंद मिळत नव्हता म्हणून तो पुन्हा नृत्याकडे वळाला. मूळची संगमनेरची असलेली आणि शहरात एका कॉर्पोरेट कंपनीत काम करणारी इश्प्रित डांग त्याला भेटली. दोघांनी नृत्यातच करिअर करण्याचा निर्णय घेतला. सुरुवातीला गंगापूर रोडवरील एका स्टुडिओत नृत्याचे धडे देण्यास सुरुवात केली. यामध्ये लहान मुले, मोठी माणसे, महिलांसाठी झुंबा असे वेगवेगळे प्रकार शिकवण्यास सुरुवात केली. अल्पावधीतच त्यांच्याकडे गर्दी वाढली. सन २०१६ मध्ये यू ट्यूबचे फारसे दर्शक नव्हते. त्याने मोबाइलवरून केलेल्या पहिल्या व्हिडीओला फारसा प्रतिसाद मिळाला नाही. मात्र त्याने तयार केलेल्या पाचव्या व्हिडीओला पाच लाख सबस्क्रायबर मिळाले. यानंतर त्याने मागे वळून पाहिले नाही. मुलांना जे शिकवले जाईल, त्याचा व्हिडीओ तो टाकत गेला. आज तो सर्वात जास्त पाहिल्या जाणाऱ्या चॅनलचा कलाकार म्हणून भारतात प्रसिद्ध आहे.
.....
... यांच्याबरोबर करतोय काम
देश-विदेशातील डान्स शो बरोबरच भारतातील डान्स इंडिया डान्स सारख्या कार्यक्रमातदेखील त्याने हजेरी लावली आहे. त्याचबरोबर नेहा कक्कर, गुरू रंधवा, नोरा फतेही, कार्तिक आर्यन, सारा अली खान, राजकुमार, मॉली रॉय, हनिसिंग यांच्याबरोबर काम करतोय.
ठरवलं असतं तर आयपीएस नक्की झालो असतो. मात्र त्यात माझं मन रमत नव्हतं. माझ्यासारखीच परिस्थिती इश्प्रितची होती, तीदेखील मोठ्या कंपनीत काम करीत होती. आम्ही दोघांनी नृत्यातच करिअर करण्याचा निर्णय घेतला. आज जगातील सर्वात जास्त दर्शकसंख्या असलेल्या यू ट्यूब चॅनलचा मी कलाकार आहे.
- तेजस ढोके, नृत्य कलाकार