म. टा. वृत्तसेवा, निफाड
निफाड उपजिल्हा रुग्णालयातील शवविच्छेदन कक्षाची संरक्षण भिंत कोसळून दोन वर्ष उलटले मात्र अजूनही या भिंतीची दुरुस्ती करण्यात आलेली नाही. त्यामुळे बेवारस जनावरे, भटकी कुत्री सर्रासपणे रुग्णालयाच्या आवारात भटकत असतात. ही भिंत तत्काळ उभारण्यात यावी, अशी मागणी करण्यात आली आहे.
निफाड उपजिल्हा रुग्णालय हे शहराच्या बाहेर नांदुर्डी रस्त्यावर आहे. रुग्णालयाच्या पश्चिम बाजूला शवविच्छेदन कक्ष आहे. या शवविच्छेदन कक्षाजवळील संरक्षण भिंत दोन वर्षांपासून पडलेली आहे. ही भिंत पडल्यामुळे शवविच्छेदन कक्षाची सुरक्षा धोक्यात आली आहे. येथे जर रात्री मृतदेह ठेवले तर त्यांची सुरक्षा कशी राहणार, असा प्रश्न उपस्थित होत आहे. या परिसरात स्मशानभूमी आहे. जवळूनच विणता नदी वाहते. शिवाय कुत्री आणि डुकरांचाही मुक्त संचार असतो. त्यामुळे मृतदेहाची विटंबना किंवा मृतदेह बाहेर घेऊन जाण्याचीही शक्यता नाकारता येत नाही. भिंत पडून दोन वर्ष उलटली तरीआरोग्य विभाग दुर्लक्ष करीत आहे.
या भिंतीबाबतचा अहवाल आरोग्य व सार्वजनिक बांधकाम विभागाला पाठविला आहे. निधी उपलब्ध होत नसल्याने या काम रखडले आहे.
- डॉ. एस. आर. राठोड,
वैद्यकीय अधीक्षक, निफाड रुग्णालय
निफाड उपजिल्हा रुग्णालयातील शवविच्छेदन कक्षाची संरक्षण भिंत कोसळून दोन वर्ष उलटले मात्र अजूनही या भिंतीची दुरुस्ती करण्यात आलेली नाही. त्यामुळे बेवारस जनावरे, भटकी कुत्री सर्रासपणे रुग्णालयाच्या आवारात भटकत असतात. ही भिंत तत्काळ उभारण्यात यावी, अशी मागणी करण्यात आली आहे.
निफाड उपजिल्हा रुग्णालय हे शहराच्या बाहेर नांदुर्डी रस्त्यावर आहे. रुग्णालयाच्या पश्चिम बाजूला शवविच्छेदन कक्ष आहे. या शवविच्छेदन कक्षाजवळील संरक्षण भिंत दोन वर्षांपासून पडलेली आहे. ही भिंत पडल्यामुळे शवविच्छेदन कक्षाची सुरक्षा धोक्यात आली आहे. येथे जर रात्री मृतदेह ठेवले तर त्यांची सुरक्षा कशी राहणार, असा प्रश्न उपस्थित होत आहे. या परिसरात स्मशानभूमी आहे. जवळूनच विणता नदी वाहते. शिवाय कुत्री आणि डुकरांचाही मुक्त संचार असतो. त्यामुळे मृतदेहाची विटंबना किंवा मृतदेह बाहेर घेऊन जाण्याचीही शक्यता नाकारता येत नाही. भिंत पडून दोन वर्ष उलटली तरीआरोग्य विभाग दुर्लक्ष करीत आहे.
या भिंतीबाबतचा अहवाल आरोग्य व सार्वजनिक बांधकाम विभागाला पाठविला आहे. निधी उपलब्ध होत नसल्याने या काम रखडले आहे.
- डॉ. एस. आर. राठोड,
वैद्यकीय अधीक्षक, निफाड रुग्णालय