अ‍ॅपशहर

नाशिकमध्ये ढगफुटी सदृश्य पाऊस; नागरिकांचे रेस्क्यू, गाड्या वाहिल्या, पावसाचं रौद्ररूप दाखवणारा VIDEO

Nashik Rain News Today : राज्यात गणेशोत्सवात बऱ्याच जिल्ह्यांमध्ये मुसळधार पावसाने हजेरी लावली आहे. अशात नाशिकमध्ये ढगफुटी सदृश्य पाऊस झाला असून यामुळे अनेक गावांमध्ये आणि घरांत पाणी शिरल्याची माहिती आहे. यामध्ये अनेक नागरिक बेपत्ता असल्याचंही सांगण्यात येत आहे.

Edited byरेणुका धायबर | महाराष्ट्र टाइम्स.कॉम 2 Sep 2022, 10:06 am
नाशिक : राज्यात सर्वत्र गणेशोत्सवाची धूम असताना नाशिकमध्ये मात्र मुसळधार पावसाने हजेरी लावली आहे. सिन्नरला ढगफुटी सदस्य पाऊस झाल्याने संपूर्ण गावांची आणि तालुक्यांची दाणादाण उडाली आहे. मिळालेल्या माहितीनुसार मुसळधार पावसामुळे सर्व जनजीवन विस्कळीत झाले असून जिल्ह्यात रेस्क्यू ऑपरेशन सुरू करण्यात आलं आहे.
महाराष्ट्र टाइम्स.कॉम nashik weather forecast


रात्री पाण्याखाली गेलेल्या तालुक्यांमधील पुलांवरून पाणी ओसरण्यास आता सुरुवात झाली आहे. सिन्नरच्या देवपूर रस्त्यावरील देवनदीवरील पूलदेखील वाहून गेल्याची माहिती आहे. मुसळधार पावसामुळे अनेक नागरिकांच्या घरातही पाणी शिरल्याच्या घटना समोर आल्या आहे.

Konkan Weather Forecast: ऐन गणेशोत्सवात हवामान खात्याकडून पावसाचा इशारा; कोकणात पुढील दोन दिवस मुसळधार


पूल वाहून गेल्याने मोठा ट्रक पाण्यात अडकला असल्याची माहिती तर यामुळे वाहतूकही विस्कळीत झाली आहे. हवामान खात्याने दिलेल्या माहितीनुसार, राज्यात काही भागांमध्ये पाऊस आहे तर काही भागांमध्ये पावसाची उघडीप आहे. अशात नाशकात मात्र मुसळधार पाऊस सुरू आहे. मुंबईनाका, शालिमार, सीबीएस, जुने नाशिक, रामकुंड, राणे नगर, पंचवटी भागात अवघ्या १५ मिनिटं झालेल्या पावसात रस्ते पाण्याखाली गेले होते.

पुराच्या पाण्यात तरुण वाहून गेला तर ६ चारचाकी ते १८ मोटारसायकल वाहून गेल्याचा प्राथमिक अंदाज आहे. अनेक कुटुंबांना JCB वर बसवत रेस्क्यू केलं जात आहे.
लेखकाबद्दल
रेणुका धायबर
रेणुका धायबर, महाराष्ट्र टाइम्समध्ये Senior Digital Content Producer आहेत. डिजिटल पत्रकारितेचा आठ वर्षांचा अनुभव आहे. २०१४ पासून पत्रकारीतेत आहेत. झी २४ तास , न्यूज १८ लोकमत, टीव्ही ९ अशा वेबसाइटसाठी त्यांनी काम केले आहे. महाराष्ट्र, राजकारण, गुन्हेगारी, देश, विदेश, स्पेशल बातम्या यासोबत व्यवसाय विषयात त्यांची आवड आहे.... आणखी वाचा

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज