सीबीएस ते मेहेर रस्त्यावर रंगणार 'हॅप्पी स्ट्रीट'चे अखेरचे पर्व
म. टा. प्रतिनिधी, नाशिक
कॉलेज रोड, दिंडोरी रोड आणि गोविंदनगरपाठोपाठ 'महाराष्ट्र टाइम्स'चा 'हॅप्पी स्ट्रीट' हा नाशिककरांचा लोकप्रिय उपक्रम सीबीएस ते मेहेर सिग्नल या रस्त्यावर होणार आहे. या पर्वातील शेवटची आनंदपर्वणी अनुभवण्याची संधी तुम्हाला उद्या, रविवारी (दि. २३) मिळणार आहे. रस्त्यावर मनसोक्त बागडण्यासह झुंबा, जादूचे प्रयोग, खेळ, म्युझिक बँड, सायकलिंग, स्केटिंग, विविध कलाविष्कारांची मेजवानी अशा अनेक गोष्टी आप्त-मित्रांसह तुम्हाला पुन्हा अनुभवता येणार आहेत.
कायम वाहनांच्या हॉर्नचा कर्कश आवाज, गर्दी आणि वाहनांची कोंडी असलेल्या रस्त्यावर मनसोक्त दंगा करण्याची संधी मिळत असल्याने 'महाराष्ट्र टाइम्स'चा 'हॅप्पी स्ट्रीट' उपक्रम नाशिककरांमध्ये अतिशय लोकप्रिय झाला आहे. यामुळेच या उपक्रमाला नाशिककरांचा कायमच भरभरून प्रतिसाद मिळत आहे. यंदाच्या पर्वातील शेवटच्या उपक्रमाची धम्माल पर्वणी सीबीएस ते मेहेर सिग्नल या रस्त्यावर अनुभवता येणार आहे.
सविस्तर वृत्त...२
'सीबीएस ते मेहेर'वर उमटवा आनंदाची मोहोर
'हॅपी स्ट्रीट'चे अखेरचे आनंदपर्व रंगणार उद्या
म. टा. प्रतिनिधी, नाशिक
कॉलेज रोड, दिंडोरी रोड आणि गोविंदनगरपाठोपाठ 'महाराष्ट्र टाइम्स'चा 'हॅप्पी स्ट्रीट'चा अखेरचा टप्पा खास आता उद्या, रविवारी (दि. २३) नाशिककरांच्या भेटीला येत आहे. हा अखेरचा टप्पा होणार आहे सीबीएस ते मेहेर सिग्नल या रस्त्यावर. नाशिककरांना धम्माल मस्ती करण्याची संधी या अखेरच्या पर्वातून मिळणार आहे.
या उपक्रमाची थीम 'ग्रीन' असून, हिरव्या रंगातील पोशाख परिधान करून तुम्ही सहभागी होऊ शकतात. तुम्हाला 'हॅप्पी स्ट्रीट'वर हिंदी, मराठी गाण्यांच्या तालावर झुम्बा करता येईल. रस्त्यावर रांगोळी रेखाटण्यासह स्केटिंग, सायकलिंग, दोरीच्या उड्या, व्हॉलीबॉल हे खेळ खेळता येतील. शिवाय तुमच्यातील टॅलेंट नाशिककरांसमोर दाखविण्याची संधी मिळेल. यासह कॅनव्हास पेंटिंग, नेलआर्ट, स्केच आर्ट, क्विलिंग आर्ट, कॅलिग्राफी, लाइव्ह म्युझिक बँड यासह विविध कलाविष्करांनी भरलेल्या रस्त्यावर धम्माल करण्याची संधी तुम्हाला मिळणार आहे. वीकेंडची सकाळी उत्साहवर्धक करण्यासह हा आनंदोत्सव तुम्हाला टेन्शन फ्री करणार आहे. यामुळे पुढचा आठवडा जोशपूर्ण होण्यासाठी निश्चितच मदत होईल. विविध कलांच्या सादरीकरणासह मौजमस्तीच्या वेगळ्या दुनियेत जगण्याची संधी तुम्हाला या निमित्ताने मिळणार आहे. चला तर मग, या धम्माल पर्वणीत आप्त-मित्रांसह सारे या...
\Bजिंका बक्षिसे\B
'हॅपी स्ट्रीट' उपक्रमांतर्गत आकर्षक बक्षिसे जिंकण्याची संधी तुम्हाला मिळणार आहे. यासाठी यंदाच्या 'हॅप्पी स्ट्रीट'ची थीम 'ग्रीन' असणार आहे. हिरव्या रंगाचे खास आणि आकर्षक पोशाख परिधान केलेल्या नाशिककरांमधून 'ग्रीन कपल', 'ग्रीन ग्रुप', 'ग्रीन फॅमिली' या टायटलने आकर्षक बक्षिसे देण्यात येणार आहेत.
- -
हॅप्पी स्ट्रीट : रविवार , २३ फेब्रुवारी २०२०
वेळ : सकाळी ७ ते ९
ठिकाण : सीबीएस ते मेहेर सिग्नल