म. टा. वृत्तसेवा, नाशिक
सातपूरला गुन्हेगारी पार्श्वभूमी असलेल्या नगरसेवक योगेश शेवरे याच्या वाढदिवसाला गुन्हेगारी जगतातील अनेक ‘भाईं’नी हजेरी लावली. दस्तुरखुद्द मनपा आयुक्त अभिषेक कृष्णा या कार्यक्रमाला हजर असल्याने अनेकांच्या भुवया उंचावल्या.
अनेक गंभीर गुन्हे दाखल असलेल्या शेवरे याचा वाढदिवस नुकताच त्र्यंबरोडवर महापालिका आयुक्तांच्या उपस्थितीत साजरा करण्यात आला. या वाढदिवसाला गुन्हेगारी प्रवृत्तींचाही भाईचारा दिसून आला. विशेष म्हणजे विविध पोलिस ठाण्यांत गुन्हे दाखल असलेले एकमेकांचे विरोधक ‘भाई’ वाढदिवसाला एकत्र आल्याने यातून पुढे नेमके काय घडणार, असा सवाल उपस्थित केला जात आहे. विरोधात असलेले भाई विधायक कामांसाठी एकत्र येणे चांगली बाब आहे. परंतु, एखाद्याची खुन्नस काढण्यासाठी एकत्र येऊन अनुचित प्रकार तर घडणार नाही ना, याबाबत पोलिसांनीच सतर्कता बाळगणे गरजेचे असल्याचे नागरिकांचे म्हणणे आहे.
सातपूर प्रभागाचे नगरसेवक योगेश शेवरे यांचा वाढदिवस नुकताच छोटेखानी कार्यक्रमात साजरा करण्यात आला. पोलिसांच्या हिटलिस्टवर असलेल्या शेवरे यांचा पहिल्यांदाच उघडपणे वाढदिवस साजरा झाल्याने एकमेकांच्या विरोधातले भाई एकत्र येत वाढदिवसाच्या शुभेच्छा देताना दिसले. सभागृहनेता दिनकर पाटील यांनी पोलिस आयुक्तांकडेच गुन्हेगारी प्रवृत्तीच्या लोकांची यादी दिली होती.
वाढदिवसामुळे ट्रॅफिक जाम
त्र्यंबक रोडवरील महिंद्रा सर्कलच्या बाजूला साजरा होत असलेल्या वाढदिवसामुळे वाहतुकीचा बोजवारा उडाला होता. पाहुण्यांनी रस्त्यातच वाहने उभी केल्याने काही काळ वाहनचालकांना ताटकळत उभे राहण्याची वेळ आली होती. पोलिसांनीही संबंधित कार्यक्रमाकडे डोळेझाक केल्याने ट्रॅफिक जामचा सामना करण्याची वेळ आली.
सातपूरला गुन्हेगारी पार्श्वभूमी असलेल्या नगरसेवक योगेश शेवरे याच्या वाढदिवसाला गुन्हेगारी जगतातील अनेक ‘भाईं’नी हजेरी लावली. दस्तुरखुद्द मनपा आयुक्त अभिषेक कृष्णा या कार्यक्रमाला हजर असल्याने अनेकांच्या भुवया उंचावल्या.
अनेक गंभीर गुन्हे दाखल असलेल्या शेवरे याचा वाढदिवस नुकताच त्र्यंबरोडवर महापालिका आयुक्तांच्या उपस्थितीत साजरा करण्यात आला. या वाढदिवसाला गुन्हेगारी प्रवृत्तींचाही भाईचारा दिसून आला. विशेष म्हणजे विविध पोलिस ठाण्यांत गुन्हे दाखल असलेले एकमेकांचे विरोधक ‘भाई’ वाढदिवसाला एकत्र आल्याने यातून पुढे नेमके काय घडणार, असा सवाल उपस्थित केला जात आहे. विरोधात असलेले भाई विधायक कामांसाठी एकत्र येणे चांगली बाब आहे. परंतु, एखाद्याची खुन्नस काढण्यासाठी एकत्र येऊन अनुचित प्रकार तर घडणार नाही ना, याबाबत पोलिसांनीच सतर्कता बाळगणे गरजेचे असल्याचे नागरिकांचे म्हणणे आहे.
सातपूर प्रभागाचे नगरसेवक योगेश शेवरे यांचा वाढदिवस नुकताच छोटेखानी कार्यक्रमात साजरा करण्यात आला. पोलिसांच्या हिटलिस्टवर असलेल्या शेवरे यांचा पहिल्यांदाच उघडपणे वाढदिवस साजरा झाल्याने एकमेकांच्या विरोधातले भाई एकत्र येत वाढदिवसाच्या शुभेच्छा देताना दिसले. सभागृहनेता दिनकर पाटील यांनी पोलिस आयुक्तांकडेच गुन्हेगारी प्रवृत्तीच्या लोकांची यादी दिली होती.
वाढदिवसामुळे ट्रॅफिक जाम
त्र्यंबक रोडवरील महिंद्रा सर्कलच्या बाजूला साजरा होत असलेल्या वाढदिवसामुळे वाहतुकीचा बोजवारा उडाला होता. पाहुण्यांनी रस्त्यातच वाहने उभी केल्याने काही काळ वाहनचालकांना ताटकळत उभे राहण्याची वेळ आली होती. पोलिसांनीही संबंधित कार्यक्रमाकडे डोळेझाक केल्याने ट्रॅफिक जामचा सामना करण्याची वेळ आली.