म. टा. वृत्तसेवा, सटाणा
शहरासह तालुक्यातील जनतेने न भुतो न भविष्यती असा उत्स्फूर्त प्रतिसाद दिल्याने सकाळी ७ ते रात्री ९ वाजेपर्यंत महामार्गासह शहरातील बाजारपेठा, मोहल्ले, चौक, रस्ते र्निमनुष्य होते.
रविवारी शहरातील अत्यावश्यक सेवा वगळता सर्व व्यावसायीक, प्रतिष्ठाने, खासगी संस्था, बसेस, रिक्षा, प्रवाशी वाहतूक करणारी सर्व वाहने रस्त्यावर आलीच नाहीत. परिणामी राज्य महामार्ग अत्यंत शांत व मोकळा होता. रविवार व्यवसाय बंद असतानाही घराबाहेर कुणीही पडण्याची हिमत केली नाही. बसस्थानकातून एकही एसटी सुटली नाही. यामुळे एसटी आगाराचे स्थानक प्रमुख महाजन, कांबळे, कोठावदे यांनी बसस्थानकासह बसेसची स्वच्छता केली. शहराचे पोलिस निरीक्षक नामदेव गायकवाड यांनी आपल्या कर्मचाऱ्यांसह दिवसभर शहरभर पेट्रोलिंग करण्यावर भर दिला.