नाशिक : नाशिक मध्य मतदार संघातील भाजपच्या उमेदवार प्रा. देवयानी फरांदे, काँग्रेसच्या डॉ. हेमलता पाटील, मनसेचे नितीन भोसले यांची जाहिरात पत्रके प्रकाशित करणाऱ्यांनी लोकप्रतिनिधीत्व अधिनियम कायद्याचे उल्लंघन केल्याचे निवडणूक विभागाच्या निदर्शनास आले आहे. त्यांच्यावर सातपूर, सरकारवाडा, गंगापूर पोलिस स्टेशनमध्ये गुन्हा दाखल झाला आहे. प्रा. फरांदे यांच्या जाहिरात पत्रकांवर मुद्रक व प्रकाशकांचा पत्ता नमूद करणे आवश्यक असतानाही तो नमूद करण्यात आला नाही. लोकप्रतिनिधी अधिनियम १९५१ चे कलम १२७ चा भंग झाल्याने फरांदे यांच्या कार्यकर्त्यांवर सातपूर पोलिसांनी गुन्हा दाखल केला आहे. हेमलता पाटील यांच्या जाहिरात पत्रकावरही मुद्रकाचे नाव, पत्ता व प्रकाशकाचा पत्ता नमूद केल्याने शरद आहेर, रंजन ठाकरे यांच्यावर सरकारवाडा पोलिस स्टेशनवर गुन्हा दाखल करण्यात आला आहे. नितीन भोसले यांच्या पत्रकांवरही मुद्रक, प्रकाशकांचा तपशील नसल्याने डॉ. प्रदीप पवार यांच्यासह कार्यकर्त्यांवर गंगापूर पोलिस स्टेशनमध्ये गुन्हा दाखल झाला आहे.
आचारसंहिता भंगाचा गुन्हा दाखल
नाशिक मध्य मतदार संघातील भाजपच्या उमेदवार प्रा देवयानी फरांदे, काँग्रेसच्या डॉ...
महाराष्ट्र टाइम्स.कॉम 17 Oct 2019, 4:00 am