\Bलहवित येथे अखंड हरिनाम सप्ताह\B
देवळाली कॅम्प : आळंदी येथील वारकरी शिक्षण संस्थेचे संस्थापक स्वानंद सुखनिवासी सद्गुरू जोग महाराज यांच्या शंभराव्या पुण्यस्मरणानिमित्त शताब्दी महोत्सव अखंड हरिनाम सप्ताह आयोजित करण्यात आला आहे. लहवित येथील वाडीचा मळा, कडवा दारणा प्रीतीसंगम परिसरात १२ ते १९ डिसेंबर या काळात हा कार्यक्रम होणार आहे. या सप्ताहात विविध विषयांवर कीर्तन होणार आहे.
यात हभप सुदाम महाराज घाडगे, गणेश महाराज करंजकर, हभप संतवीर बंडातात्या कऱ्हाडकर, हभप विठ्ठल महाराज टोचे, हभप नामदेव महाराज डोळस, हभप प्रमोद महाराज जगताप, हभप रामदास महाराज सहाणे, हभप भगीरथ महाराज काळे, हभप न्या.चकोर महाराज बाविस्कर, राहुल महाराज गायकवाड यांचे कीर्तन, पंडित महाराज कोल्हे, योगीराज महाराज गोसावी, हभप माधव महाराज काजळे, हभप बाळासाहेब पवार, हभप उल्हास महाराज सूर्यवंशी, ज्ञानेश्वर महाराज तुपे, हभप महंत उद्धव महाराज मंडलिक, हभप मनोहर महाराज सायखेडे, संजय महाराज धोंडगे, हभप चैतन्य महाराज देगलूरकर यांचे कीर्तन होणार आहे. १९ डिसेंबरला सकाळी दिंडीसोहळा होईल. रामकृष्णदास महाराज लहवितकर यांचे काल्याचे कीर्तन व महाप्रसाद वाटपानंतर या शताब्दी महोत्सवाची सांगता होणार आहे.