नाशिकमध्ये २ वृद्धांना करोनाचा संसर्ग, जिल्ह्यातील रुग्णसंख्या ४८ वर

नाशिक: राज्यात करोनाग्रस्तांची संख्या वाढत असून, नाशिक जिल्ह्यातही रुग्णांची संख्या ५० च्या उंबरठ्यावर पोहोचली आहे. आज नाशिक जिल्ह्यात दोन वृद्धांना करोनाचा संसर्ग झाल्याचं स्पष्ट झालं आहे.

नाशिकमधील सातपूर - अंबड लिंक रोडवरील ६३ वर्षीय महिला आणि मालेगाव येथील ६४ वर्षीय व्यक्तीला करोनाचा संसर्ग झाल्याचं चाचणी अहवालातून स्पष्ट झालं आहे. मालेगाव येथील वृद्धाला अॅन्जिओप्लास्टिसाठी सह्याद्री रुग्णालयात दाखल करण्यात आलं आहे.

आज दुपारी ३ वाजेपर्यंत मिळालेल्या आकडेवारीनुसार, जिल्ह्यातील करोना पॉझिटिव्ह रुग्णांची संख्या ४८ वर पोहोचली आहे. त्यात मालेगावमधील ४०, नाशिक शहरात ५ आणि जिल्ह्यातील इतर तालुक्यांतील ३ जणांचा समावेश आहे.

करोना रोखण्यात सरकार फेल; राज्यात लष्कर बोलवा: राणे

पुण्यात टेन्शन! करोना बळींची संख्या ४६ वर