धुळ्यात २२ व २३ डिसेंबरला आयोजन
म. टा. प्रतिनिधी, नाशिक
धुळ्यातील का. स. वाणी मराठी प्रगत अध्ययन संस्था आणि मेन अगेन्स्ट व्हॉयलन्स अँड अॅब्यूज (मावा), मुंबई यांच्या विद्यमाने ‘सांस्कृतिक बदल आणि नवे पुरुषभान’ या विषयावर परिषदेचे आयोजन करण्यात आले आहे. ही परिषद धुळे येथे २२ व २३ डिसेंबरला का. स. वाणी संस्थेच्या प्रा. रघुनाथ केले सभागृहात होणार आहे.
परिषदेत मराठी साहित्याचे अभ्यासक, स्त्रीवादी कार्यकर्ते, सामाजिक शास्त्र आणि माध्यमांचे अभ्यासक, पुरोगामी कार्यकर्ते, साहित्यिक, पत्रकार, माध्यमकर्मी, कलावंत सहभाग घेऊ शकणार आहेत, अशी माहिती आयोजकांनी दिली आहे. या विचारमंथनात कॉलेजियन विद्यार्थी, तरुणतरुणी व प्राध्यापकांना सहभागी करून घेण्याची सुवर्ण संधी लाभणार आहे. अधिक माहितीसाठी रवींद्र रुक्मिणी पंढरीनाथ (९८३३३४६५३४) आणि वंदना महाजन (९४२१५६८३४५) या क्रमांकांवर संपर्क साधण्याचे आवाहन करण्यात आले आहे.
सामाजिक उत्क्रांतीच्या प्रक्रियेत विविध टप्प्यांवर पुरुषसत्ता नाकारणारा ‘नवा पुरुष’ कसा निर्माण झाला याचा शोध घेणे, अशा नव्या पुरुषाच्या निर्मितीच्या विरोधात कोणत्या सामाजिक, आर्थिक, राजकीय, सांस्कृतिक शक्ती कार्यरत आहेत, याचा समाजशास्त्रीय शोध घेणे, नव्या पुरुषांच्या संदर्भात माध्यमांची समीक्षा करणे, नव्या पुरुषासाठी धडपडणारे समूह व तरुण यांच्या कार्याची दखल घेऊन त्यांच्याशी संवाद करणे, असा या परिषदेचा उद्देश आहे.
म. टा. प्रतिनिधी, नाशिक
धुळ्यातील का. स. वाणी मराठी प्रगत अध्ययन संस्था आणि मेन अगेन्स्ट व्हॉयलन्स अँड अॅब्यूज (मावा), मुंबई यांच्या विद्यमाने ‘सांस्कृतिक बदल आणि नवे पुरुषभान’ या विषयावर परिषदेचे आयोजन करण्यात आले आहे. ही परिषद धुळे येथे २२ व २३ डिसेंबरला का. स. वाणी संस्थेच्या प्रा. रघुनाथ केले सभागृहात होणार आहे.
परिषदेत मराठी साहित्याचे अभ्यासक, स्त्रीवादी कार्यकर्ते, सामाजिक शास्त्र आणि माध्यमांचे अभ्यासक, पुरोगामी कार्यकर्ते, साहित्यिक, पत्रकार, माध्यमकर्मी, कलावंत सहभाग घेऊ शकणार आहेत, अशी माहिती आयोजकांनी दिली आहे. या विचारमंथनात कॉलेजियन विद्यार्थी, तरुणतरुणी व प्राध्यापकांना सहभागी करून घेण्याची सुवर्ण संधी लाभणार आहे. अधिक माहितीसाठी रवींद्र रुक्मिणी पंढरीनाथ (९८३३३४६५३४) आणि वंदना महाजन (९४२१५६८३४५) या क्रमांकांवर संपर्क साधण्याचे आवाहन करण्यात आले आहे.
सामाजिक उत्क्रांतीच्या प्रक्रियेत विविध टप्प्यांवर पुरुषसत्ता नाकारणारा ‘नवा पुरुष’ कसा निर्माण झाला याचा शोध घेणे, अशा नव्या पुरुषाच्या निर्मितीच्या विरोधात कोणत्या सामाजिक, आर्थिक, राजकीय, सांस्कृतिक शक्ती कार्यरत आहेत, याचा समाजशास्त्रीय शोध घेणे, नव्या पुरुषांच्या संदर्भात माध्यमांची समीक्षा करणे, नव्या पुरुषासाठी धडपडणारे समूह व तरुण यांच्या कार्याची दखल घेऊन त्यांच्याशी संवाद करणे, असा या परिषदेचा उद्देश आहे.