म. टा. प्रतिनिधी, नाशिक
गस्ती पथकाचे काम चोख चालावे यासाठी अखेर पोलिस आयुक्तांनी सेंट्रलाईज्ड मॉनिटरींग सिस्टिमद्वारे सीआर मोबाइल अर्थात गस्त पथकावर नियंत्रण निर्माण केले आहे. डिव्हीजनच्या चार आणि निर्भया पथकाच्या दोन अशी सहा वाहनांचा यात सामवेश आहे. जिल्हा पोलिस दलाने अशा पध्दतीचे काम काही महिन्यांपूर्वीच सुरू केले असून, त्याचा चांगला परिणाम दिसून येत असल्याचा दावा पोलिसांनी केला आहे.
एखादी घटना रोखणे किंवा घटना झाल्यानंतर लागलीच प्रतिसाद देण्याची महत्त्वाची जबाबदारी सीआर मोबाइल पथकावर असते. शहरात अशा प्रकाराची चार वाहने कार्यरत आहे. एका वाहनात एक अधिकारी व पाच कर्मचाऱ्यांचा समावेश असतो. यापूर्वी सीआर मोबाइलचे नियंत्रण पोलिस स्टेशन पातळीवरून होत होते. त्यात वाहनांची संख्या कमी असल्याने दोन निर्भया व्हॅनचा वापरदेखील यात करण्यात येत होता. मात्र, योग्य नियंत्रणाअभावी चांगले परिणाम समोर येत नव्हते. या पार्श्वभूमीवर पोलिस आयुक्त डॉ. रवींद्रकुमार सिंगल यांनी सोमवारपासून सेंट्रलाइज्ड मॉनिटरिंग पॅट्रोलिंग सिस्टिम सुरू केली. शहरात दोन झोन आणि चार डिव्हीजन आहेत. डिव्हीजनच्या संख्येनुसार चार सीआर मोबाइल देण्यात आल्या असून, या व्यतिरिक्त दोन निर्भया व्हॅनदेखील कार्यरत राहणार आहे. या वाहनांचे नियंत्रण यापुढे नियंत्रण कक्षामार्फतच होणार आहे. भद्रकाली, सरकारवाडा, गंगापूर आणि मुंबई नाका या डिव्हीजनचा अपवाद वगळता इतर तीन डिव्हीजनमध्ये प्रत्येकी तीन पोलिस स्टेशनचा समावेश होतो.
गुन्हेगारी रोखणे शक्य
एका सीआर मोबाइलमध्ये संबंधित पोलिस स्टेशनच्या कर्मचाऱ्यांचा समावेश करण्यात आला आहे. किमान तीन पोलिस स्टेशनचे कर्मचारी एकत्र येऊन त्या पोलिस स्टेशन हद्दीत दिवस आणि रात्र अशा दोन शिफ्टमध्ये गस्त घालतील. यामुळे कर्मचाऱ्यांना हद्दीची माहिती मिळेल. याचा थेट उपयोग गुन्हेगारी रोखण्यासाठी होऊ शकतो, असा दावा केला जातो आहे. अशा प्रकारचे काम ग्रामीण पोलिस दलाने काही महिन्यांपूर्वीच केले आहे.
जलद प्रतिसादासाठी फायदेशीर
या उपक्रमाबाबत पोलिस अधीक्षक अंकुश शिंदे यांनी सांगितले की, जिल्ह्यात आठ डिव्हीजन असून, आठ वाहने उपलब्ध आहेत. जलद प्रतिसादासाठी ही सिस्टिम फायदेशीर ठरते. दिवसा चार वेळा आणि रात्री चार वेळा सीआर मोबाईलचे लोकेशन ट्रेस केले जाते. नियंत्रण कक्ष आणि सीआर मोबाइलच्या माहितीत तफावत असल्यास लागलीच समोर येते. यामुळे अनेक गुन्हेदेखील रोखण्यात यश मिळाले आहे. महाराष्ट्रात एखाद दुसऱ्या ठिकाणी अशी व्यवस्था असून, त्यात नाशिक ग्रामीण पोलिस दलाचा सहभाग असल्याचे शिंदे यांनी स्पष्ट केले.
सीआर मोबाइलचे नियंत्रण आता नियंत्रण कक्षाकडे देण्यात आले असून, यावरील कर्मचाऱ्यांची सातत्याने बदलत राहतील. पूर्वी ज्या पध्दतीने काम सुरू होते, त्यातील त्रुटी दूर करण्यासाठी हा निर्णय झाला असून, त्याचा फायदा दिसून येईल.
- लक्ष्मीकांत पाटील, पोलिस उपायुक्त
गस्ती पथकाचे काम चोख चालावे यासाठी अखेर पोलिस आयुक्तांनी सेंट्रलाईज्ड मॉनिटरींग सिस्टिमद्वारे सीआर मोबाइल अर्थात गस्त पथकावर नियंत्रण निर्माण केले आहे. डिव्हीजनच्या चार आणि निर्भया पथकाच्या दोन अशी सहा वाहनांचा यात सामवेश आहे. जिल्हा पोलिस दलाने अशा पध्दतीचे काम काही महिन्यांपूर्वीच सुरू केले असून, त्याचा चांगला परिणाम दिसून येत असल्याचा दावा पोलिसांनी केला आहे.
एखादी घटना रोखणे किंवा घटना झाल्यानंतर लागलीच प्रतिसाद देण्याची महत्त्वाची जबाबदारी सीआर मोबाइल पथकावर असते. शहरात अशा प्रकाराची चार वाहने कार्यरत आहे. एका वाहनात एक अधिकारी व पाच कर्मचाऱ्यांचा समावेश असतो. यापूर्वी सीआर मोबाइलचे नियंत्रण पोलिस स्टेशन पातळीवरून होत होते. त्यात वाहनांची संख्या कमी असल्याने दोन निर्भया व्हॅनचा वापरदेखील यात करण्यात येत होता. मात्र, योग्य नियंत्रणाअभावी चांगले परिणाम समोर येत नव्हते. या पार्श्वभूमीवर पोलिस आयुक्त डॉ. रवींद्रकुमार सिंगल यांनी सोमवारपासून सेंट्रलाइज्ड मॉनिटरिंग पॅट्रोलिंग सिस्टिम सुरू केली. शहरात दोन झोन आणि चार डिव्हीजन आहेत. डिव्हीजनच्या संख्येनुसार चार सीआर मोबाइल देण्यात आल्या असून, या व्यतिरिक्त दोन निर्भया व्हॅनदेखील कार्यरत राहणार आहे. या वाहनांचे नियंत्रण यापुढे नियंत्रण कक्षामार्फतच होणार आहे. भद्रकाली, सरकारवाडा, गंगापूर आणि मुंबई नाका या डिव्हीजनचा अपवाद वगळता इतर तीन डिव्हीजनमध्ये प्रत्येकी तीन पोलिस स्टेशनचा समावेश होतो.
गुन्हेगारी रोखणे शक्य
एका सीआर मोबाइलमध्ये संबंधित पोलिस स्टेशनच्या कर्मचाऱ्यांचा समावेश करण्यात आला आहे. किमान तीन पोलिस स्टेशनचे कर्मचारी एकत्र येऊन त्या पोलिस स्टेशन हद्दीत दिवस आणि रात्र अशा दोन शिफ्टमध्ये गस्त घालतील. यामुळे कर्मचाऱ्यांना हद्दीची माहिती मिळेल. याचा थेट उपयोग गुन्हेगारी रोखण्यासाठी होऊ शकतो, असा दावा केला जातो आहे. अशा प्रकारचे काम ग्रामीण पोलिस दलाने काही महिन्यांपूर्वीच केले आहे.
जलद प्रतिसादासाठी फायदेशीर
या उपक्रमाबाबत पोलिस अधीक्षक अंकुश शिंदे यांनी सांगितले की, जिल्ह्यात आठ डिव्हीजन असून, आठ वाहने उपलब्ध आहेत. जलद प्रतिसादासाठी ही सिस्टिम फायदेशीर ठरते. दिवसा चार वेळा आणि रात्री चार वेळा सीआर मोबाईलचे लोकेशन ट्रेस केले जाते. नियंत्रण कक्ष आणि सीआर मोबाइलच्या माहितीत तफावत असल्यास लागलीच समोर येते. यामुळे अनेक गुन्हेदेखील रोखण्यात यश मिळाले आहे. महाराष्ट्रात एखाद दुसऱ्या ठिकाणी अशी व्यवस्था असून, त्यात नाशिक ग्रामीण पोलिस दलाचा सहभाग असल्याचे शिंदे यांनी स्पष्ट केले.
सीआर मोबाइलचे नियंत्रण आता नियंत्रण कक्षाकडे देण्यात आले असून, यावरील कर्मचाऱ्यांची सातत्याने बदलत राहतील. पूर्वी ज्या पध्दतीने काम सुरू होते, त्यातील त्रुटी दूर करण्यासाठी हा निर्णय झाला असून, त्याचा फायदा दिसून येईल.
- लक्ष्मीकांत पाटील, पोलिस उपायुक्त