म. टा. प्रतिनिधी, नाशिक
भावा-बहिणीच्या नात्याला आणखी दृढ करणारी राखीपौर्णिमा काही दिवसांवर येऊन ठेपली असून, विविध प्रकारच्या आकर्षक राख्यांनी बाजारपेठा सजल्या आहेत. या सणाचे बच्चेकंपनीला विशेष आकर्षण असल्याने यंदाही वर्षभर गाजलेले गेम, चित्रपट अन् कार्टून्सच्या राख्यांची क्रेझ चिमुकल्यांमध्ये दिसून येत आहे. त्यामुळे चिमुकलेही ताईकडे कार्टूनच्या राखीचा आग्रह धरत आहेत.
राखीपौर्णिमेनिमित्त आपल्या भावाला आकर्षक व नवीन पद्धतीची राखी घ्यावी, याकडे महिला, मुलींचा कल असतो. त्यानुसार बाजारात विविध प्रकारच्या राख्या उपलब्ध आहेत. यामध्ये लुंबा, लटकन, भय्या-भाभी, जर्दोसी वर्क, स्टोन राखी, तसेच खास बच्चेकंपनीसाठी बाहुबली, मोटू-पतलू, डोरेमॉन, टेडी बीअर, मारियो आदी कार्टून्ससह घड्याळ, ब्रेसलेट आदी प्रकारच्या राख्यांचा समावेश आहे. दोऱ्यात गुंफलेल्या साध्या राख्या १५ ते २० रुपयांपासून, तर आकर्षक कलाकुसर, साहित्य वापरलेल्या राख्या ६० रुपयांपासून पुढील किमतींत उपलब्ध आहेत. हजार रुपयांपर्यंतच्या राख्याही बाजारात असून, चांदीच्या राख्यांची चलतीही कायम आहे.
अनेक युवती, महिलांना आपल्या भावासाठी दुसऱ्या गावी किंवा देशात राखी पाठवायची असल्याने राखीपौर्णिमेच्या आठ-पंधरा दिवसांपूर्वीच राख्या खरेदीला सुरुवात केली जाते. अशा महिलांची राख्या खरेदीसाठी बाजारात गर्दी दिसून येत आहे. ही गर्दी पुढच्या आठवड्यापर्यंत वाढेल, असे मत विक्रेते व्यक्त करीत आहेत.
ऑनलाइन शॉपिंगचा आधार
ज्या बहिणी आपल्या भावापासून दूर राहतात अशांना ऑनलाइन शॉपिंगच्या वेबसाइट्सद्वारे राखी पाठविणे सोपे होत आहे. कोणत्याही ठिकाणी राख्या पाठविण्याचा पर्याय बहुतांश वेबसाइट्सने उपलब्ध करून दिला असल्याने त्यांना आधार मिळत आहे. याशिवाय मिठाई, चॉकलेट्स, राखी यांचे एकत्रित पॅकेजेसही येथे उपलब्ध अाहे.
भावा-बहिणीच्या नात्याला आणखी दृढ करणारी राखीपौर्णिमा काही दिवसांवर येऊन ठेपली असून, विविध प्रकारच्या आकर्षक राख्यांनी बाजारपेठा सजल्या आहेत. या सणाचे बच्चेकंपनीला विशेष आकर्षण असल्याने यंदाही वर्षभर गाजलेले गेम, चित्रपट अन् कार्टून्सच्या राख्यांची क्रेझ चिमुकल्यांमध्ये दिसून येत आहे. त्यामुळे चिमुकलेही ताईकडे कार्टूनच्या राखीचा आग्रह धरत आहेत.
राखीपौर्णिमेनिमित्त आपल्या भावाला आकर्षक व नवीन पद्धतीची राखी घ्यावी, याकडे महिला, मुलींचा कल असतो. त्यानुसार बाजारात विविध प्रकारच्या राख्या उपलब्ध आहेत. यामध्ये लुंबा, लटकन, भय्या-भाभी, जर्दोसी वर्क, स्टोन राखी, तसेच खास बच्चेकंपनीसाठी बाहुबली, मोटू-पतलू, डोरेमॉन, टेडी बीअर, मारियो आदी कार्टून्ससह घड्याळ, ब्रेसलेट आदी प्रकारच्या राख्यांचा समावेश आहे. दोऱ्यात गुंफलेल्या साध्या राख्या १५ ते २० रुपयांपासून, तर आकर्षक कलाकुसर, साहित्य वापरलेल्या राख्या ६० रुपयांपासून पुढील किमतींत उपलब्ध आहेत. हजार रुपयांपर्यंतच्या राख्याही बाजारात असून, चांदीच्या राख्यांची चलतीही कायम आहे.
अनेक युवती, महिलांना आपल्या भावासाठी दुसऱ्या गावी किंवा देशात राखी पाठवायची असल्याने राखीपौर्णिमेच्या आठ-पंधरा दिवसांपूर्वीच राख्या खरेदीला सुरुवात केली जाते. अशा महिलांची राख्या खरेदीसाठी बाजारात गर्दी दिसून येत आहे. ही गर्दी पुढच्या आठवड्यापर्यंत वाढेल, असे मत विक्रेते व्यक्त करीत आहेत.
ऑनलाइन शॉपिंगचा आधार
ज्या बहिणी आपल्या भावापासून दूर राहतात अशांना ऑनलाइन शॉपिंगच्या वेबसाइट्सद्वारे राखी पाठविणे सोपे होत आहे. कोणत्याही ठिकाणी राख्या पाठविण्याचा पर्याय बहुतांश वेबसाइट्सने उपलब्ध करून दिला असल्याने त्यांना आधार मिळत आहे. याशिवाय मिठाई, चॉकलेट्स, राखी यांचे एकत्रित पॅकेजेसही येथे उपलब्ध अाहे.