म. टा. वृत्तसेवा, सटाणा बागलाण तालुक्यात परतीच्या पावसाने शनिवारी सायंकाळच्या सुमारास जोरदार बॅटिंग केल्याने मोसम खोरीतील पूर्व हंगामी द्राक्ष बागांचे मोठ्या प्रमाणात नुकसान झाले. कोट्यवधी रुपयांच्या द्राक्ष आणि कांदा पिकाची हानी झाल्याने उत्पादक हैरण झाले. शहरासह ग्रामीण भागात शनिवारी सायंकाळी साडेचार वाजेच्या सुमारास अचानक अंधारून येत मुसळधार पावसाने जोर धरला. अर्धा ते पाऊण तास जोरदार पाऊस झाल्याने मोठ्या प्रमाणात सर्वत्र नुकसान झाले. सटाणा शहरातील आठवडे बाजार शनिवारी असल्याने अचानक आलेल्या या पावसाने बाजारातील व्यापारी, शेतकरी, विक्रेते यांचे मोठ्या प्रमाणत नुकसान झाले. मोसम खोऱ्यातील पिगळवडे येथील द्राक्ष उत्पादक वेडू जीभाऊ भामरे यांच्या क्लोन जातीच्या निर्यातक्षम द्राक्ष बागतील २५ टन माल पूर्ण नेस्तनाबूत झाला आहे. 👍मोसम खोऱ्यातील पिगळवडे, ताहाराबाद, सोमपूर आदी परिसरातील द्राक्ष बागांचे मोठ्या प्रमाणात नुकसान झाले. सटाणा बाजार समितीमध्ये व्यापारी वर्गाने खरेदी केलेल्या कांदा उघड्यावर असल्याने भिजला. शहरात नववसाहत परिसरात पाण्याचे तळे साचले. सायंकाळी उशिरापर्यंत विजांचा कडकडाट व पाऊस सुरू असल्याने दांडिया प्रेमींचा उत्साहावर विरजण पडले.
सटाण्यात द्राक्षबागांचे नुकसान
म टा...
महाराष्ट्र टाइम्स.कॉम 6 Oct 2019, 4:00 am