म. टा. वृत्तसेवा, सातपूर
वातावरणातील बदलामुळे स्वाइन फ्लूने डोके वर काढले असून, जिल्ह्यात आणखी एका महिलेचा या आजाराने मृत्यू झाला. या महिन्याच्या पंधरवड्यात स्वाइन फ्लूच्या रुग्णसंख्येत झपाट्याने वाढ झाली आहे.
पिंपळगाव बहूला येथील वंदना विलास नागरे (वय ४२) यांचा शनिवारी स्वाइन फ्लू मृत्यू झाला. गेल्या पाच दिवसांपासून त्यांच्यावर एका खासगी रुग्णालयात उपचार सुरू होते. त्यांच्या पश्चात दोन मुले व मुलगी असा परिवार आहे.